Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Monday, April 15, 2013

أنا زيي زيك ع فكرة مش .......


ممممم مش عارفة أبدأ قصتى منين.. هى قصة غريبة شوية وبخاف أحكيها لتفهم غلط


بس لإنى مخنوقة قوى هفضفض مع قراءك يا حوبا

وأتمنى إنهم ........

خلينى أحكى الأول وبلاش الدباجة دى.. معلش أعذورنى انا مخضوضة قوى


أنا بنت مغربية عايشة ف المغرب طول عمرى.. فى فترة من فترات حياتى ماكنش ليا أصحاب خالص وده يرجع لإن مامتى كانت دايما بتخوفنى من الأصحاب.. كانت دايما بتقولى ان محدش فيهم هيحبنى بجد ف ده خلانى ابعد عن كل الناس



بس جه عليا وقت حسيت انى وحيدة قوى ونفسى اتكلم مع حد.. صادف وقتها إنى اتعرفت على النت ع بنوتة مصرية..

وبدأنا نتكلم مع بعض ساعات طويلة.. كان فيه فرق ما بين المغرب ومصر ف طريقة الحُب.. بمعنى إننا ف المغرب كلامنا مفيهوش أسلوب الحب والحنية اللى لاقيته متوفر قوى ف المصريين فى اسلوب تعاملهم مع بعض


بقيت برتاح لها وبحكى لها كل أسرارى.. ومش مهتمة ولا خايفة لإنى عارفة انها طلعت ولا نزلت علاقتنا نت بس وعمرنا ما هنشوف بعض


ومع الوقت لقيت منها اهتمام بزيادة قوى.. وبتكلمنى كتير.. ولما بتعب صحيا تتصل بيا ومن كتر خوفها عليا تقعد تعيط


أنا بصراحة برغم إنى كنت مستغربها إلا إنى كنت حابة اهتمامها بيا.. بما إنى كنت محرومة منه وماليش أصحاب قوى


أحيانا كنت بحاول ابعد عنها شوية عشان ماتعلقش بيها وف نفس الوقت كنت حاسة ان فيه حاجة غلط أنا مش فهمها


لما كنت ببعد عنها كانت تتخانق معاية ولما بقى ليا أصحاب بقيت تغيير منهم وتزعق لى وبقيت تمنعنى أتكلم مع حد


بعدها الموضوع تطور ولاقيتها بتقولى انها مش عايزة تتجوز ونفسها أنها تعيش معاية ع طول.. وبرغم إنى من جوايا كنت مقتنعة إن كل اللى بيحصل ده غلط ف غلط.. لكن مانكرش إن كان عجبنى اهتمامها وحبها وغيرتها اللى كنت أول مرة أجربهم


واستمرت علاقتنا نت سنة كاملة.. فى الفترة دى كنت حاسة بالذنب، حاسة إنى بعمل حاجة غلط وبغضب ربنا.. 

اه بحبها بس كصديقة مش اكتر.. حاولت افهمها كتير ان اللى ف دماغها ده عمره ما هيحصل وان مهما كنا بنحب بعض مش هيحصل ونعيش سوا لكن هى كان اللى ف دماغها ف دماغها


قررت انى اخد خطوة ايجابية وانى ابعد عنها يمكن تتوب عن اللى فى دماغها.. بعدت عنها خمس شهور.. كانت زى المجنونة عمالة تدور عليا على النت وتتصل بيا مية مرة ف اليوم وانا مابردش


بس بعدها حسيت بالذنب ناحيتها ورجعت اكلمها تانى.. عاتبتنى كتير وكانت مجروحة منى قوى.. وقالت لى انها بسببي اتعرفت ع بنات وحشة ف مصر عشان انا بعدت عنها


رجعنا نتكلم تانى عادى وفضلت هى بنفس اهتمامها وحبها ماتغيرش فيهم شيء


لكن فجأة هى اللى اختفيت.. وقتها حسيت ان انا اللى فعلا بحبها وعايزاها ف حياتى.. لإنها بقيت عارفة عني كل حاجة وعارفة اسرارى.. بس عايزاها كصديقة مش زى ما هى عايزه


بقيت انا اللى بجرى وراها وبتصل بيها كتير وهى مابتردش.. ولما ظهرت تانى فوجئت بيها متغيرة من ناحيتى.. يعنى بتعاملنى معاملة وحشة قوى وبقيت باردة جدا ف معاملتها..


وانا اللى بقيت اجى ع نفسى واكلمها ونفسى ترجع زى الاول ف اهتمامها لكن هى خلاص اتغيرت.. 


سألتها اكتر من مرة عن سبب تغيير مشاعرها من ناحيتى.. وفوجئت بردها.. إنها اتعرفت ف مصر ع ست مسيحية متجوزة وعندها اطفال لكن جوزها مسافر برة مصر


سألتها باستنكار: وانتى عايزة ايه من ست متجوزة؟ 
قالت لى: انها مش بتحبه وبتحبنى انا.. وعلى طول بنكون مع بعض..
 بس فجأة الست دى اختفيت ومابقيتش بترد ع تليفونتها وده مجننها عشان اتعلقت بيها قوى 


أنا اشمئزت جدا من كلامها وعارفة ان المفروض اقطع علاقتى بيها.. لكن مش قادرة.. فعلا بحبها ومتعلقة بيها ونفسى نرجع أصدقاء زى الأول.. أصدقاء وبس



 رحاب المليحي


18 comments:

Anonymous said...

Marwa El Etriby
أحيه

Anonymous said...

Ragaa Mostafa
و اتنين احيه من عندي يبقا كدة عندنا تلاتة احيه

Anonymous said...

Sophia Hakim
نو كومنت

Anonymous said...

Maha Muhammed Abd-Elmaqsoud
الصورة اصلا تُخض..
انا اتحطيت في موقف زي دة بنسبة ٧٠٪ بس فكرة ان اكون في موضع شبهات كانت قتلاني، كل اللي عاملته وممكن انصحك بيه هو انك تتقربي قوي من ربنا وتدعي بصدق انه يصرف اذاها وشرها عنك

Anonymous said...

Mohamed Ibrahim El Banna ............................................................................................... وده عشان انتى
حوبا بس

Anonymous said...

Hëñd Êl-Shãmý
a7eeeh .. No Comment

Anonymous said...

Nermin Hussien
هه هي بتقول ايه ؟ هعمل نفسي مفهمتش احسن :@

Anonymous said...

Hager Emad
أنا مش مصدقة اللي بقراه. فيه كدة فعلا؟

Anonymous said...

Nadia Soliman
رحاب القصه دي بجد والا انتي بتهزري

Anonymous said...

Amira S. Abdel-Aziz
دي هبلة؟؟؟ لو هي جادة فعلا في قطع علاقتها ماتقطع علاقتها بيها وتحاول تتعرف على أصدقاء في الحقيقة أحسن بلا نت بلا زفت - عشان كده المفروض الأم تبقى صاحبة بنتها وتسيبها تبقى طبيعية وليها علاقات مع الناس تحت نظرها عشان تاخد بالها منها مش ماتخليهاش تعرف حد وممكن في الاخر تعمل حاجة غلط

Anonymous said...

Mony Afifi
انا كمان كنت فكراها ولد وبنت ولما قريت التعليقات انصدمت ... ياريت تبعد عنها ودور على صديقة كويسة دي هتأذيها أوي ... ربنا معاها ويبعد عنها الاذى يارب

Anonymous said...

Muhammad Fattouh
الله يخربيت دماغك يعنى انا دالخ فى سنه لا بكتب ولا ببص على كتابه حد و يوم ما افكر اقراء ادور على اللى انتى كتباه الاقى لكى يا سيدتى و عن شواذ اقول فيكى ايه

Anonymous said...

نسبة الشواذ كترت فى مصر وفى دولة عربية عملت جامع علشان تزوج المثليين
اللهم أحفظنا وأحفظ أولادنا وأحفادنا من كل سوء اللهم آمبن

mama

Anonymous said...

Hend Hamdy
مش قادره استوعب الموضوع ده بس للاسف مش هنكر وجوده

Anonymous said...

Batota Salem
الاتنين عايزين ضرب النار جتهم القرف

abhasoft said...

مشكووور

Wohnungsräumung wien said...

تسلم ايديك على الموضوع الممتاز
Wohnungsräumung
Wohnungsräumung
Wohnungsräumung wien
Wohnungsräumung wien
Wohnungsräumung wein

ريوبى said...

موضوع ممتاز
ryobi