Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Friday, May 25, 2012

استرها يارب

مصر اختارت مرتين ودى التالتة وشكلها التابتة
الاولى اختارت شيبسى بالجمبرى
والتانية اختارت الفستان البمبى
والتالتة هتلبسنا ف حيطة

ايا كانت النتيجة بقى المفروض نتقبلها
مش احنا اللى عايزين ديمقراطية؟ يبقى نعمل بيها بقى
حتى لو مش ع مزاجنا.. حتى لو كان خازوق مغرى هيطلع من ودانا.. بس ف النهاية احنا اللى اختارنا.. وع الشعب يتحمل نتيجة اختياره بقى
وحتى لو كان فيه نسبة تزوير، بس مش كبيرة زى كل مرة
فـــ لازم نرضى بالأمر الواقع ايا كان بقى.. لإنه مش هيكون له بديل
يارب بس نرضى ونهدى بدل ما تبقى مجزرة
يارب مايكنش فيه نقطة دم تانى بعد اعلان النتيجة النهائية
يارب استرها
يارب أملنا فيك كبير
استرها معانا

رحاب المليحي

Thursday, May 24, 2012

ملكة انجلترا



تحتفل ملكة انجلترا الأسبوع اللى جاى بمرور 60 عاما ع حكمها

البلد كلها أجازة رسمية من 2 يونيو وحتى 5 يونيو من ضمنهم الويك اند (سبت واحد)

- يوم الجمعة الجاية الأطفال ف المدارس مش هيلبسوا اليونيفورم.. ولكن مطلوب منهم يلبسوا (ابيض واحمر وازرق)

- يوم السبت هتحضر الملكة سباق خيل.. واللى عايز يحضر السباق من عامة الشعب ده مُتاح ولكن بتذاكر للدخول

- يوم الأحد الاحتفال الكبير.. وده هيكون مُنقسم لجزئين

- الأول: الاف القوارب هتكون موجودة ف النهر ويسيروا معا وع رأسهم القارب اللى هتكون فيه الملكة

- التانى: الاحتفال هيكون فيه جنينة كبيرة فى لندن، هيعرضوا فيها ازياء وفن وسينما وموسيقى وتصميمات ومواد غذائية اللى كانت موجودة من 60 سنة.. وده هيكون ع شاشات كبيرة جوه الجنينة


رحاب المليحي