Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Tuesday, March 05, 2013

جزاك الله خير

ف يوم حر وزحمة كنت سايق عربيتى ومعاية صاحبى.. ف كسرت الاشارة..
 وعقوبة كسر الاشارة غرامة 900 ريال وحبس يومين
لكن بعد ثورة مصر اتلغى الحبس

الظابط وقفنى وكان منفعل جدا.. وراسه والف جزمة ادفع الغرامة.. وقالى لو ماكنش الحبس اتلغى كنت حبستك انت واللى قاعد جانبك كمان

حاولت معاه انه يكبر دماغه ويعديها وهو ابدااااا كله تصميم عظيم..
لحد ما فجأة من وسط الزحمة والحر ظهرت سيدة كبيرة ع كرسى متحرك.. وشكل ملابسها انها على قد حالها

جت تتحايل ع الظابط انه يسبنى ومايدفعنيش الغرامة.. والظابط بكل جليطة ينهرها ومصمم على الغرامة

لحد ما انا نفسى اتعصبت من قلة ادبه مع السيدة الكبيرة.. وهى تصميممها أقوى من تصميم الظابط ف انه يعفو عنى المرة دى

وفجأة اتقلب حال الظابط وضحك وقالى خلاص سماح المرة دى عشان خاطر الست الطيبة

فضلت واقف ع وشى علامات استفهام مش فاهم حاجة
واتحركت السيدة ع كرسيها المتحرك وكملت طريقها فى هدوء من غير ما تستنى منى حتى كلمة شكر

طلبت من صديقى يلحقها ويديها مبلغ كشكر لها ع تعبها معانا وهى متعرفناش..

رجع صاحبى يقولى رفضت تاخد اى فلوس وكمان لاقيت معاها شنطة فيها فلوس بتوزعها ع الغلابة

وزادت علامات الاستفهام جوايا.. مين السيدة دى؟ وازاى ظهرت كدة فجأة من وسط الزحمة وغيرت موقف الظابط 180 درجة؟
وازاى باين عليها الفقر وماشية توزع فلوس ع الغلابة؟

سبحان الله يأتيك الخير من حيث لا تدرى

رحاب المليحي