Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Thursday, September 15, 2005

وعجبى!!


أه يا زمن.. يلى فرقت بين الحبايب، الأخوات، والعائلات..
أه يا زمن.. يلى خلت اللى يسوى ميسواش..
أه يا زمن.. يلى خلت الصغير كبير..
أه يا زمن.. يلى قلبت الموازين..
أه يا زمن.. يلى كًرهت الناس فى بعضها..
أه يا زمن.. يلى ذلت ناس..
أه يا زمن.. يلى ضيعت المعانى الجميله بين الناس..
أه يا زمن.. يلى نسيتنا إيه اللى يصح وإيه ميصحش..
أه يا زمن.. يلى طمعتنا فى اللى مش لنا..
أه يا زمن.. يلى نسيتنا واجبتنا..
أه يا زمن.. يلى خلت عيننا ميملهاش غير التراب..
أه يا زمن.. يلى خلتنا سلبيين..
أه يا زمن.. يلى نسيتنا إن مفيش حاجه باقيه..
أه يا زمن.. يلى ضيعت من بين ايدينا أحلى سنين عُمرنا..
أه يا زمن.. يلى لهتنا بحُب الدنيا.. ونسينا إننا آخرنا فى التُراب..
وده كله ليه؟؟ وسببه إيه؟؟
الفلــــــــوس
الفلوس اللى مررت حياتنا..
الفلوس اللى خلتنا عبيد منسواش..
الفلوس اللى كتير بتبعدنا عن العبادات..
الفلوس اللى صعبت وكبرت مشاكلنا..
الفلوس اللى خلت الغدر والضرب تحت الحزام شطاره..
الفلوس اللى ملتنا حقد وكراهيه..
الفلوس اللى نسيتنا عادتنا وتقاليدنا..
الفلوس اللى خلتنا دايريين فى ساقيه ملهاش أخر..
الفلوس اللى بعدتنا عن وطنا وحبايبنا..
الفلوس اللى هتخلى الجيل اللى طالع غريب حتى لو كان قريب..
الفلوس اللى زودت المسافات..
الفلوس اللى سودت المشاعر وبدلت القلوب..
الفلوس اللى غيرت ضمايرنا وبدلت مبادئنا..
الفلوس اللى سبب همومنا وكربنا..
الفلوس اللى اصبحت شُغلنا الشاغل..
الفلوس اللى خلتنا دايما نطلب زياده..
الفلوس اللى بنعملها الف مليون حساب..


مُهداه إلى أخى رائف المليحى
الذى لم أراه مُنذ فرحى 3-4-2004
وعجبى

رحاب المليحى