Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Tuesday, April 09, 2013

للمغتربين فقط

لما تكون متغرب عن بلدك بقالك سنين.. وتنام تحلم انك فى بلدك وسط اهلك واصحابك.. وأول ما تفتح عينيك وتبص حوليك تلاقى انه للاسف كان حلم
هتتضايق وتقفل بقية اليوم

لما تكون عيان ومش لاقى حد ينولك كوبية مية حتى.. تتمنى يرجع بيك الزمن وتكون ف بيت اهلك وامك كل شوية تعملك أكل مسلوق وتتطمن عليك.. ده احيانا كنت بتزهق من الاهتمام الزيادة

لما تليفونك يقعد بالايام مايرنش.. تفتكر لما ماكنش بيبطل رن.. وصحابك كل شوية بيكلموك عشان تنزل تقابلهم وانت مش ف المود ومالكش مزاج ف عامله سايلنت من كتر الرنات

لما تروح شغلك وتلاقى مديرك متنك عليك مهو اى حاجة غير انه مصرى.. ف حاسس انه احسن منك وكل اللى حواليك كل واحد ف حاله واخركوا صباح الخير.. تفتكر ايام ما كنت تروح الشغل تشتغل صحابك ع الصبح وتقعدوا تضحكوا وبعدين تشوفوا هتاكلوا منين النهاردة.. وحسب بقى لو اول الشهر يبقى تدوها اكلة جامدة.. لو اخر الشهر يبقى فول وطعمية وكدة رضا

لما تصحى الصبح تلاقى جو كئيب يا ساقعة ع طول يا حر لا يطاق ع طول برضه (حسب البلد).. تفتكر لما ماكنتش بتعترض على الجو ف بلدك.. لو صيف بتعرف ازاى تتفسح وتخرج وبرضه لو ساقعة وشتاء بتعرف ازاى تقضيها وتبقى مستمتع

لما تدخل على النت وتلاقى صور اصحابك ف جوازة ولا خروجة ولا حتى قعدة حلوة.. بتحن لأيامك معاهم وتفتكر ذكريات جميلة وتقعد تضحك عليها.. وترجع لصورك معاهم وتتمنى الايام دى ترجع.. الايام اللى كانت الضحكة طالعة فعلا من القلب..

 رحاب المليحي

8 comments:

Anonymous said...

Mostafa Hassan
تحفه حاسس بجزاء كبير عشان بعانيه ولكن فى جزاء مش هحسوا زى الى عايش بره لكن برضوا شعور صعب انك تعيش غريب فى بلدك وحيد بلا ناس

Anonymous said...

yamaaa nefsyyy argaaa3 b2a
2oltyy ale gawya wallahi :( :(

Hend

Anonymous said...

سعيد سعد ابومهند
قرأت وها هو الحنين يشاركني الوساده ... لك مثل اجري فحنيني الي مي منذ ثمان من السوات وزياده ...

Anonymous said...

Mona Elshennawy
ايه الكلام ال يوجع دا
بس
كل الكلام دا أنا حساه بجد
بتمني ارجع بلدي وسط أهلي ف بيتنا وشارعنا
بتمني أرجع وسط أصحابي
الواحد ف الغربة مهما كان حاسس إنو وحيد وكئيب وغريب
حتي الأكل ، أكل مصر ليه طعم تاني خالص
مين ياخدني يرجعني بلدي تاني وحشتني أووووووي

Anonymous said...

Yassin Elshrkawy
رهييييييبه

Anonymous said...

Maram Mira
أحيييييييه إنا عايزه
أرجعلك بقي يا إسكندريه ايوووووو أجدعان بقي حموت واتمشي ع البحر

Anonymous said...

Ahmed Masry
قلبتي علينا المواجع مع العلم ديه حقيقة مش مجرد كلام

Wohnungsräumung wien said...

تسلم ايديك على الموضوع الممتاز
Wohnungsräumung
Wohnungsräumung
Wohnungsräumung wien
Wohnungsräumung wien
Wohnungsräumung wein