Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Sunday, April 21, 2013

روشى والبريمدز



-         مامى احنا الترم ده هنتكلم فى المدرسة عن (الإيجيبشن)
-         مممممم من 3 ابتدائى وف لندن؟ طب والله كويس
-         (التيتشر) كلمتنا عن (البيرميدز) وعشان انا بس (الإيجيبشن) ف الفصل.. الميس قالت لى انى أساعدها ف الكلام عن (الإيجيبشن)
-         طيب يا روشى لما الميس تقولكوا على حاجة تعالى قوليلى وأنا أفهمهالك
-         بس أحنا يا مامى معندناش (بيريمدز) ف مصر؟
-         والله العظيم؟ لأ، كدة أنا ضمنت انك هتفسحى الميس بتاعتك.. وتبقى ونعمة المُساعدة ليها الحقيقة يا حبيبتى
-         وفيه بقى يا مامى كلب ف (البيرميدز) عامل كدة اهو
-         كلللللللب؟؟!!! ابو الهول بقى كلب؟ وده بيكون بره الاهرامات مش جوه
-         لأ يا مامى كلب وكان جوه
-         نو يا روشى اسمه (سفينكس) أو أبو الهول وبيكون بره
-         (ال) ابو الهول ده بقى يا مامى ......
-         من غير ال.. ابو ع طول
-         والميس كمان قالت لنا ان  ف الاهرامات (موميز) معمولين (رابينج).. 
وعندنا هوم وورك اننا نعمل (بريتدنيج) لأى (مومي) ونشيل منه بقى حاجات ونعمله (رابينج)
-         لا والله؟ وانا اجيب لك منين جثة نشيل منه الحاجات؟ ممكن بقى نغُز أبوكى ونشيل منه قلبه وكرشه ونلفوا بمناديل.. مهو لازم نضحى بأى حد ف سبيل هوم ورك حضرتك
-         وكمان الميس قالت لنا ان (الإيجيبشن) بياكلوا سمك وبيض وعيش و....
-         انتى ليه محسيسانى انهم جايين من كوكب تانى يا بنتى؟ بياكلوا كل حاجة
-         احنا ف المدرسة عملنا عيش ايجيبشن
-         بمساميره؟!
-         هه؟
-         لا، ولا حاجة يا روشى كملى
-         والميس عملت لنا (برتندينج) ان فيه ولد (ايجبشن) كان عايش ف مصر ومامته معهاش فلوس (بوور)،
 ف هى قالت له يبيع عيش ويجيب لها فلوس بس هو معرفش ازاى يعمل العيش.. ف جالنا لندن وبقى معانا ف الفصل عشان نعلموا ازاى يعمل العيش (الإيجيبشن)
-         لا ونبى؟ ونعمة التخيلات، بقى هو فقير وجه لندن؟!
-         انا عايزة اروح (البريمدز) يا مامى لما ننزل مصر
-         اتفرجى ع صوره ع (جوجل) مؤقتا لحد ما اوديكي ان شاء الله

رحاب المليحي

28 comments:

Anonymous said...

Marwa El Etriby هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
والله حوار زي العسل

Anonymous said...

Amr Aly
اما أجمل حاجة إن أبو الهول بئا كلب هههههههههههههههههههههههههههههههههههههههههههه بحبك يا روشي

Anonymous said...

Hossam Shehat
a العيش ابو مسامير و
الايجيبسيانس دونت مكس D:

Anonymous said...

Ragaa Mostafa
ابو الهول بقا كلب ههههههههههههههههههههههههههههههههههههههههههه واللهي عثل

Anonymous said...

Amin El-Masry ههههههههههههههههههههههههههههههههههههههههههههههههههههههههههههههههههه يا دين أمي فطستيني ضحك

Anonymous said...

Marwa Aref
هههههههههههههههههههه كلب وعيش بمساميره هههههههههههه

Anonymous said...

Asmaa Bent Elshams عسسسسسسسسسسسسسسسسسسسسسل ونعم الأم يا حوبا ... ونعم البنت يا روشى ... ونعم الميس

Anonymous said...

Samah Abdou
هههههههه ، ابو الهول على آخر الزمن بقى كلب ههههههه .... جميلة اوي روشي و احلى ما فيها برائتها و عاجبني اوي كلامها العرنجليزي ربنا يخليهالك و تشوفيها في منصب عالي ان شاء الله

Anonymous said...

Ahmed Masry
انا مش متخيل ازاي انتي صبرتي كل ده عليها تتحسدي يا ام روشي وكمان انا لازم اطمن علي درش انا عارفك شريره ههههه

Anonymous said...

أبو أدهم النحراوي
ربنا يخليهالك
علميها تاريخ بلدها ودينها وربنا معاكم ويرجعكم بالسلامه

Anonymous said...

Sahar El-Ghonemy
هههههههههه ,,, ربنا يخليهالك يا حوبا بس هاتعملو ايه في موضوع الهوم ورك ده ؟؟؟؟

Anonymous said...

Kamal Salem
والنبى لما تنزلوا تشوفوا اليرميدز بتاعتنا هاتوا معاكوا Bread بتاع لوندن

Anonymous said...

Mohamed Shouman
عقبال ما مراتي تكبر وتغلبك في عيشتك أحوبا

Anonymous said...

ابو الهول بقى كلب ،، ابو الهول ده معزة يا حبيبتي
:D

توكسى

Anonymous said...

Ahmad Mokhtar
يا نهار ضحك ... هو دة التعليم والله .. بس انا بقى اللى لفت نظري انها عارفة جوجل من دلوقتى ... انا عرفت جوجل وانا فى رابعة جامعة اصلا

Anonymous said...

ده احنا سمعتنا بايظة خالص
:D
جوجو

Anonymous said...

انا معجب جدا بابو الهول الكلب ده الصراحه ههههه
و كمان اصلا البيراميدز اصلا حرام
هيثم

Anonymous said...

Hëñd Êl-Shãmý هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يالهوووي يالهوووووووي ابو الهووول بقى اسمه كلببببببب

Anonymous said...

Ilı Nada Ilı
ياربي احنا بوور حتى ف البرتدنج بتاع الميس :')

Anonymous said...

Mohamed Ibrahim El Banna ههههههههههههههههههههههههههه هموووووت من الضحك والله انتى تستاهلى ازاى متواديش البنات الاهرام قبل كده

Anonymous said...

Ahmed Badwy hhhhhhhhhhhhhhhhhhhhhhhhhhhhh

Anonymous said...

Asmaa Fouad
الله يحميها يا حوبا ..
ضحكتونى والله

Anonymous said...

Hossam Shawki
لا حلو بصراحه
وموضوع ال ابو الهول ده فصلني ضحك
وبرضه موضوع الجثه
بس سيبي ابوها فحاله انا لو مكانه مقريت ابداعاتكو ديه مناملكوش فالبيت ههههههههههههههه

Anonymous said...

Hala Ali
ههههههههههههه الابو الهول بية كلب هاعديها طيب انا بووور يت حوبا ممكن اجيلكوا لندن زيارة يومين وليكي عليا اجيلك خوفو في ايدي وانا جاية

Anonymous said...

Sara Abdeen
يالهوييييييييييي انا حاسه انك بتتكلمي عن ديناصورات منقرضه مش ناس عاديين انا كإجيبشين اتصدمت

ريوبى said...

موضوع ممتاز
ryobi

مسلم مصرى said...

ربنا يخليهالك
بس اهم حاجة بجد
تخليها تحبها
حتى لو بمساميرها
ولو ابو الهول كلب
برضه تحبها
تحياتى المعطرة

Treka22 said...

هههههههههههههههههههههههههههههههههههههههههههههههه
مسخره بجد
وكله كوم وان الواد الايجيبشن معرفش يعمل العيش الإيجيبشن قام استسهل وراح لندن xD
هى دى فعلا الطريقة الوحيده اللى يحقق بيها حلمه ويتعلم يعمل العيش الإيجيبشن xD