Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Saturday, May 12, 2012

يوميات أم مثالية ع حق


- مالبستيش ليه يا روشى؟

- مش عايزة اروح المدرسة النهاردة

- نعم؟

- يا مامى رجلى وجعانى من وقعة امبارح

- معلش هتخف مع الوقت

- يا مامى بقى، النهاردة بس ماروحش وبعد كدة هروح كل يوم

- بقولك ايه متعصبنيش ع الصبح

- اهىء اهىء

- امشى ياللا البسى عشان مانتأخرش

- عااااااااااااا

- بصى لو روحتى المدرسة بوشك ونكدك ده وقلت لهم تعبانة ومامى ماخلتنيش اقعد ف البيت وكلمونى عشان اجى اخدك. اااااااااانتى حره

- عااااااااااااااااااااااا

************

ف المدرسة السحنة مقلوبة

- اجيبلك سويت ايه معاية النهاردة؟

- اى حاجة

- اعدلى وشك وماتقوليش حاجة للميس

- تهز راسها بغل

- ها بقى عايزة سويت ايه؟

- تتغير 180 درجة، بصى يا مامى فاكرة البسكويت بالشكولاتة اللى جبتيه امبارح؟ عايزة منه، وعايزة عصير، وهاتيلى الزبادى اللى بحبه بليز مامى.. بس كدة

- والله؟ حاضر ياختى

***** عيالى ماتجيش غير بالرشوة ثحيح

- جرررررر انتى وحشة ومؤرفة يا روشى ها

- بنت، ماتقوليش كدة لأختك الكبيرة، عيب

- يا مامى اصلها .....

- بس خلاص يا جومى وماتعليش صوتك

- (بصوت واطى) يا مؤرفة

- جوووووووووومى

- ماتردش، انتى يا صغيرة انتى

- انا مش صغيرة

- ماترديش عليا

- قومى ياللا هاتى الاستورى نقراها

- تنفيض

- جومى سمعانى؟ جوووووووووووووووومى

- ماتزعقيش

- مين دى اللى ماتزعقش؟ ماترديش عليا بدل ما اديكى علقة.. ماتجنينيييييش، مافضلش غير المفعوصة أم خمس سنين اللى هتتعامل معاية الند بالند صحيح

- عاااااااااااااااااااااااااا

- سورى جومى

- في اااااااااايه يا روشى؟

- خبطتها غصبا عنى مامى، وقلت لها سورى

- خلاص يا جومى مش قصدها

- لأ خبطتنى وبتوجعنى

- مهى قالت لك سورى

- لا بتوووووجعنى

- جرررررررررررررررررررررر

- يا وحشة انا مابحبكيش ومش بحب مامى

- جووووووووووووووووووووووومى

- مامى جومى بتقول انها مش بتحبك

- سمعاها ع فكرة، وماتفتنيش وتعيدى الكلام.. عيال مملة

- *********

فى خروجة*

- يا خلاثى جومى عسل تتاكل أكل

- هه؟ مين؟

- جومى بنتك

- ااااااااااه بنتى والله؟ طب ياللا بالهنا والشفا

- عسولة والله وضحكتها مجرمة.. بصى بتتكسف ازاى؟

- معلش، مين دى؟

- بنتك

- ااااه ااااه بنتى معلش معلش حكم السن بقى زهايمر، تقولى ايه

- ربنا يخليهالك يارب

- ماتخديهاش سلف.. الفهالك بفيونكة والله ماتغلاش عليكى

- ههههههه، تقدرى تستغنى عنها؟ اهو كلام

- لا لا جربى انتى بس.. وتوكلى ع الله.. ده انتى متعرفنيش ده انا مثالية جدا خالص قوى

من يوميات أم مثالية ع حق

رحاب المليحي


12 comments:

Anonymous said...

Ẳmeṙt Ḕl Ẁaṙd هههههههههههههههههههههههههههههههههههههههه ربنا يخليهوملك يارب

Anonymous said...

Sarah El-Eskafy
هع هع هع جومى نحنحة

Anonymous said...

Amr Aly
ملايكة خالص انا بحب هدوئهم :D

Anonymous said...

Nehal Rashed
ههههه ربنا يخلهوملك وتفرحى بهم لما يكونو فالكوشه يا رب

Anonymous said...

Nona El Shamy hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh Tom & Jerryyyyyyyyyyyy
Rabenaaa Y5alihomlk ya 7obaaaa

Anonymous said...

Ramy Elalfy
Hhhhhhhhh tesd2e bellah wa7shone gdan gdan
rabna ye5alihom w yebarklk fihm inchaallah

Anonymous said...

Mohamed Ibrahim El Banna
جومى يطلع منها كل ده مش مصدق دى نسمه

Anonymous said...

Basma Kamal
تستاهلى جايزه الام الى عيالها مطلعين عينيها هههههههه ربنا يخليهوملك

Anonymous said...

Samah Hassanien هههههههههههههههههههههههههههههههههههههههههههههههههههههههههههههههه فعلا عيال ماتجيش الا بالرشوة

Anonymous said...

Ramy Zaza
ههههههههههههههههههههههههه

Anonymous said...

Mai Mima
ههههههههههههههه عجبتنى جدا

Anonymous said...

Noha Mahmoud
ربنا يحفظهملك