Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Sunday, May 06, 2012

مية سخنة لو سمحتى


- اهلا بيكى، تشربى إيه؟

- مية سخنة

- هه؟ قصدك مية من الحنفية؟ حاضر

- نو، مية سخنة

- احم، مية يعنى مش هنختلف.. طب بعدها تشربى ساقع وللا سخن؟

- مهو انا عايزة اشرب مية سخنة

- ايه بقى هتجنينيننى ليه؟ كتاااااااكيت

- أجننك ف ايه؟ سألتينى تشربى ايه وجاوبتك

- اه بقى، ف تشربى ايه؟

- كوبية مية سخنة حضرتك

- وبعدين بقى ف الليلة البيضا اللى مش معديه دى.. طب اجيلك بعد شوية تكونى فكرتى؟

- يا ستى فى ايه؟ انا عايزة اشرب مية سخنة، لا شاى ولا قهوة.. انا مزاجى اشرب مية سخنة..

- سخنة من الحنفية السُخنة يعنى؟

- اكيد لأ يعنى

- وده من ايه بقى؟ وانتى رفيعة خلقه، عشان اقول بتسيح دهون

- لأ، انا مش بحب اشرب شاى وبزهق من النعناع ف بحب اشرب مية سخنة.. عاتى يعنى

- ياللا وفرتى.. ياريت يجيلى ضيوف امثالك كتير
******

ضيوف اخر زمن ثحيح :S

رحاب المليحي

3 comments:

Cosmaktil Company said...

راااااااااااااااااااااااااااااائع

Anonymous said...

Grêêŋ Applê
ايه ده الكلام دا حصل بجد ولا ايه هههههههههههههه انا افتكرتها معاها شاى بفتلة وهتحطه فالميه ولا حاجة .. طب وشربتها ؟؟ :))))

Anonymous said...

محمد بريك
هههههههههههههه ومالو ياخويا . موش عيب
:)