Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Thursday, May 03, 2012

احم، احم


** دايما كدة عرق العصبية ينئح علينا لو اتكلمنا مع حد واستغبى

ننفش ريشنا ونقوله: لا لا بقولك ايييييييه؟ مش ناقص غبائك ع المسا.. بطل اللى بتشربه ده

وتلاقيك بعدها بدقيقة تقوله: هى نضارتى فين؟

يقولك: نعم؟

تقوله: ايه هتستغبى ف دى كمان السؤال صعب قوى كدة؟ اوووووف

يقولك: احم، اصل تضارتك ع عينيك.. ايه مش شايف

********

** تلاقى مامتك متعصبة بقى قوى وانت لسه مفعوص صغير

المفروض ماطلعتش من البيضا ومش فاهم حاجة

- يا مامى يا مامى

- عايز ايه؟

- هو انتى ليه بترمى هدومى ف الزبالة يا مامى؟!!!!

- ليه ان شاء الله شايفنى مجنونة عشان اعمل كدة!!!

تبص ف الزبالة تلاقيها رميت هدوم الواد فعلا ف الزبالة.. وكيس الشيبسى الفاضى حطيته ف الغسيل، احم

*******

يجي صاحبك يلاقيك بتلعن سنفسيل الكمبيوتر

- مالك يا عم؟

- الكمبيوتر مش راضى يشتغل.. انا قرفت بقى منه، اووووف

- خلاص اعمله حصالة

- جررررر، انت هتتريق! اقولك، اطلع بره مش عايز حد يزورنى النهاردة.. هنام بدرى

- هههههههههه، طب انا خارج.. بس ما تنساش بقى تحط فيشة الكمبيوتر ف الكمبيوتر اصله فاصل شحن

- احم

رحاب المليحي

8 comments:

Anonymous said...

Engbedo Elmasry
هو الواحد لما يكون عصبى بيعمل حاجات مش عارف هو عملها ازاى

Anonymous said...

محمد بريك
nice one

Anonymous said...

Mai Mima
ههههههههههه احم

Anonymous said...

Ahmed Mamdouh
انا اتعصبت وانا بقرا البتاع ده :D :D

Anonymous said...

Sara Noury
او تكون بتتكلم فى الموبايل وانت بتلبس ونازل وتفضل بعد نا تخلص لبس تلف حوالين نفسك وتلعن استهتارك والزهايمر وسنينه وتقول لصاحبك انه وشه امه فقري من ساعة ما كلمك وانت قاعد تدور عالموبايل ومش لاقيه !!!!!!!!!!
احم احم .. احم احم .. كح كح . هتش

SOoSOo said...

ههههههههههههههههههههه

بس الحلو لما نمسك اعصابنا ونتحكم فيها

تحياتي

Anonymous said...

Ragaa Mostafa ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه الحاجات دي بتحصل معايا بالذات بتعات الكومبيوتر دي

Anonymous said...

PrinceSs Yota
ههههههههههههههههههههه حلو أوي فعلا بتحصل الحاجات دي