Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Thursday, November 17, 2011

الجنانين ف لندن


أول حاجة تلفت نظرك ف البلد، جنانيها التى لا تعد ولا تحصى.. مفيش منطقة مش بيكون فيها جنينة.. والجنانين بتكون على مستوى وكبيرة

- لندن مفيهاش نوادى.. كل الأنشطة بتكون جوه الجنينة.. وطبعا الدخول لأى من الجنانين بيكون ببلاش.. وكل لعب الاطفال مُتاحة للكل.. لكن الأنشطة بتكون بفلوس

- كمان بعض الجنانين بيكون فيها (بدالات) بيأجروها للناس ف الصيف، ده غير وجود البط والحمام اللى بيكون ماشى جانبك عند منطقة البحيرة

- يعنى مثلا الأنشطة زى ملاعب كرة يد، كرة قدم، كريكيت، تراك للمشى.. الخ

- بالنسبة (للأيروبيكس) ف بيكون فيه مكان مخصص جوه الجنينة فيه كل الالعاب الرياضية.. لكن كمان لو عايز تتدرب مع مدرب مخصوص.. بيتم الاتفاق مع مدرب عن طريق الجنينة وكله بتمنه.. أو تجيب حد من طرفك يدربك

- كمان الأمهات اللى بتكون لسه ولده، بيعملولهم ساعة او اتنين ف اليوم يلعبوا فيها رياضة (ايروبيكس) بإصطحاب الاطفال الرضع معاهم.. لإنقاص وزنهم.. وده برضه بالإتفاق مع الجنينة والمدربة

- المدراس بتاخد طُلبها ف الجنينة اللى جنب المدرسة يلعبوا رياضة، وف اخر السنة بتُقام مسابقات ما بين المدارس وبعضها ف الجنينة

بالنسبة للتلاميذ اللى سنهم صغير، بياخدوهم برضه الجنينة، يتكلموا معاهم عن الطبيعة ويخلوهم يرسموا المناظر الطبيعية اللى شايفنها قدامهم


- فيه جنينة اسمها (الهايد بارك)، يوم الأحد بس من كل اسبوع بتتواجد الناس عشان تتكلم ف أى حاجة بتعجبها او بتكرها، يُسمى المكان بـــ
Speech Corner
يعنى ممكن تتكلم عن الاسلام وتذم ديانة تانية، أو تذم ف الملكة.. الخ
وبيتجمع الناس حولين الشخص اللى عايزين يسمعوله ويتم مناقشات مع بين جميع الأطرف بكل احترام

رحاب المليحي

3 comments:

Anonymous said...

Amr Aly
اللون الأخضر لما بيتوجد الحالة النفسية بتتحسن كتير ومن ثم الحالة النفسية للشعب بتتحسن وبتنخفض درجات الأكتئاب والتشائم والعصبية وكره الحياه الهايد بارك بتفكرني بالتحرير دلوقتي حلقات نقاشية ودي حاجة جميلة اه فيه ناس بتفتي وتنشر اشاعات بس في نفس الوقت الناس بتستفيد العارف بيقول للي مش عارف والظاهرة دي كانت اول مرة اشوفها ايام الثورة جديدة علينا وصحية

Anonymous said...

Maram El-Gendy
blzbt blzbt zyyy elmontaza elle 3ndna :P

Anonymous said...

Mona Moustafa
الهايد بارك بتاعت شفيق بمبوني