Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Sunday, June 24, 2012

مبروك لمصر


برغم انى أنا ماليش ف السياسة نهائى ولا كنت بحب حتى اسمع او اتفرج على أى حد بيتكلم فيها

والأهم إنى مش عايشة ف مصر.. بالإضافة إنى معاية جنسية أوروبية تانية.. وبنزل مصر ف اجازات الصيف بس

لكن فعلا الفترة الاخيرة دى من الأحداث اللى مرت علينا كلنا.. كنت قاعدة فيها ع اعصابى.. وبقيت بسمع وبشوف اى حاجة ليها علاقة بالانتخابات والناخبين عشان احاول افهم واعرف مين اللى كويس ومين اللى وحش

وكنت بدعى من قلبى ان ربنا يوفق الصالح لمصر أيا كان مين بقى.. المهم مصلحة البلد مش مصلحة أفراد

ومن أول الانتخابات ومن قبل أى نتايج.. كانت والدتى شافت رؤية::

إن شفيق سايق عربية وفضل طول الطريق سايقها.. وفجأة بقى ف الكنبة الورانية

ولإنى بثق فى أحلام والدتى كان أملى كبير قوى فى ربنا إن الرؤية دى تتحقق وشفيق يخسر برغم كل الدلائل اللى كانت واضحة انه هيكسب

كان نفسى ف اللحظة دى اكون فى بلدى اشارك الناس فرحتها.. ده لا يمنع إنى خايفة من اللى جى.. بس بدعى إن ربنا يصلح حال بلدنا وتقف على رجليها من تانى.. وان الاخوان يكونوا مستوعبين انهم جُم بإرادة الشعب.. ويارب مرسى مايخيبش ظن الناس فيه.. ويبقى فعلا اللى جى احسن ان شاء الله

الف مبروك لمصر ويارب فرحتها تدوم ع طول..

ومش مع أول مشكلة نقول : اهو الاخوان اللى انتخبتوهم هيخربوا البلد

ولازم ف اللحظة دى ماننساش فضل الشهداء علينا.. وانهم هما اللى وصلونا للحظة التاريخية دى.. اللى العالم كله بيحكى ويتحاكى عن الانتخابات المصرية

مبروك يا بلدى

رحاب المليحي


7 comments:

Anonymous said...

Kamal Salem
تحيا مصر

Anonymous said...

Sarah El-Eskafy
بس ليكى فى البسكوت واضح

Anonymous said...

Samah Gebril
مبروووووووووك ياحوبا :)

Anonymous said...

ربنا يعزك يا استاذة وتنصلح الاحوال وتيجي مصر بقى
الأسيوطى

Anonymous said...

DodOo LuḈky
مبرووووووك يا حوبا :):)

Anonymous said...

الحمد لله ربنا صدق وعده
وأنا شفت برنامج للشيخ الشعراوى قبل النتيجة بيومين بيقول دعاء حسيت أنه رساله من الله ليه على لسان الشيخ الشعراوى
(الحمد لله الذى اعلمنى بما يقع قبل أن يقع
والنهاردة عرفت أن مرات الدكتور مرسى اسمها نجلاء محمود

ماما

Anonymous said...

هذا قلم متخصص او تجربة عميقة تركت بصمتها المترعة بالشاعرية فى كتابتك سيدة حوبا..تعازى وأرجو لك التوفيق فى المستقبل..ليس على الله بعزيز