Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Wednesday, April 04, 2012

يا ما جاب الغراب لأمه


- بس يا واااااد، اوعى تتشئلطى من فوق التلاجة يا بت.. انت ياااااض انزل من فوق النجافة.. جننتوووووونى

- يووووووووه، ايه يا ولية صوتك جايب لأخر الشارع.. نفسى مرة ارجع البيت الاقيكى كدة (كايوت)

- كا.... إيه يا خويا؟ هو انت تخرج لى طول اليوم ترجع لى لسانك مقلوب.. يقطع القهوة على الديش اللى فى القهوة اللى أكلك دماغك ده.. يابااااااى

- يا ولية ماتغيريش الموضوع ادخلش عليكى كدة مرة الاقيكى مسرحة شعرك اللى ضارباه ف الخلاط ده ع طول عامل زى القط لما تحطى ديله ف الكهربا وشعره يقف.. الاقكيش صوتك بعد الشر عليه واطى.. او حتى عمل لى ميفاجأة

- هىء، ياما جاب الغراب لأمه يا عينيا.. ميفاجأة ايه يا حيلتها؟

- ممممم، يعنى مثلا مثلا تلفي لى قرطاس كدة وتخلى العيال يلونوه احمر واخضر شفتشى وتحطي لى فيه يجى مية لحلوح كدة

- نعم نعم، انا اللى احطلك فيه!! يا إئيحة يا تلئيحة، مش كفاية انى عاملة زى التلاجة اللى شغالة 24س مابتفصلش، ده انا عاملة زى الثور اللى داير ف الساقية.. ع ابوكوا كلكوا

- خلاص خلاص يا عم الثور، ايييه قصدى يا ام العيال.. ده انا كنت بقول مثلا.. هو الحلم حُرم ولا يكنش حُرم؟

- عالم واطية معندهاش حاجة من الاحمر ده ابدا

- بتقولى حاجة يا ام العيال؟

- مابقولش، عايزشى انت حاجة يا ديك البرابر؟

- الحقى الواد هيدخل الغسالة ويقفل عليه

- ياللا اهو يشيل الجلخ اللى عليه من لعبهُ ف الشوارع ليل نهار

- انا جعان، عندك ايه يتاكل؟

- عندى سم فيران ينفع؟

- لأ، خليه للحلو

- يا مرارتى انا ياما، هو انت ايه؟ مابتشبعش انت وعيالك طلبات؟ هى الواحدة مننا ماينفعش ترمى جتتها ساعة زمن كدة.. وتنزلوا كلكوا من ع ودانها وماسمعش لحد فيكوا صوت! صعبة دى؟ صعبة؟

- ايه يعنى نحط نفسنا ع الهزاز ولا نعمل ايه؟ ماتقولى كلام يُعقل يا ولية، أُمال انا متجوزك ليه؟

- لااااااا يا عينيا ده انت لو متجوز شغالة فوووول اوبشن جاهزة من مجامعيه كان زمان كل حتة فيها سليمة بس مستقلة بذاتها.. كان زمانها رجعت التوكيل وملاقوش منها فايدة ف قلبوها قطع غيار.. ايييييييييييييييه مفيش احساس؟ مفيش رحمة؟

- فيه بولبويف فى التلاجة ولا العيال قضوا عليه؟ ما انا عارفهم طالعين طفسين زى...... حماتى

- ايه قلت حاجة؟ حد جاب سيرة أمى باين؟

- لا خالص، ده انا بقول طالعين أكيلة يعنى زيي

- ع العموم مفيش حاجة تتطفحوها دلوقتى، لسه هنزل اعمل شيبينج

- تعملى ايه يا ام العيال؟

- شششــــيبينج يعنى اتسول، قصدى اتسوق

- هو انتى بتقعدى ع القهوة من ورايا ولا ايه يا ولية؟ عرفتى الكلمة ال الآفرنجة دى منين؟

- لا يا خويا دول من الهوانم سُكان العُمارة، هو انا فاضية للقهوة والكلام الفاضى ده، انا ست (فيزى).. ست عاملة، يعنى مشغولة ع طول

- فيزى؟؟ لااااا ده انتى حالتك مايتسكتش عليا بتاتا

- انا هروح اشرب لى كوبية تى فى الفيفتى ع القهوة لحد ما تجهزى الاكل ياختى

- بدل ما انت كدة زى قلتك تعال ساعدنى.. على الاقل قطع لى البصل اللى بيعمينى ده وانا مش ناقصاه

- لا لا البصل بيخلينى اعيط.. وانا راجل مايصحش انى اعيط

- لا ما انت مش واخد بالك الدموع دى مفيدة للعينين، اه ونبى ياخويا.. انا سمعت ده ديك النهار ف الراديو

- إن كان كدة ماشى، اهو الواحد يترحم شوية من لسانك اللى عامل زى المبرد شغال عمال ع بطال

- ايوة كدة يا ابو العيال، ورايا ع المطبخ، هع

رحاب المليحي

15 comments:

Anonymous said...

Nehal Rashed
hhhhhhhhhhhhhhh wllahy l5leh y3mly elbasl 3shan ygrab el3yat bgd

Anonymous said...

Samah Gebril
يوميات اسرة مصريه اصيله هههههههههههههههههه
بجد هايله تسلم الايادى :)

Anonymous said...

amr aly:
ضحكتيني والله

Anonymous said...

Basma Kamal
ههههه بحب المغامرات الحلوه الى بتكتبيها يا حوبتى تسلم ايديكى

Anonymous said...

ايمي قهوة القهوة هههههههههههههههههههههههههههههههههههههههههههههههههههههههههههههههههههههههههههههههههههههههههههه

Anonymous said...

قصه رائعه كالعاده .... استاذه/رحاب
عمرو الشيخ

Anonymous said...

Ganga Hoba
tegaaaaaaanen :)

Anonymous said...

هههههههههههههههههههههههههه .. قادرة ومفترية :D

مؤمن

Anonymous said...

Mohamed Mashaly
الافترا بلا حدود.بس افهم من كده ان سيادتك بتعيشى السيناريو ده؟؟

Anonymous said...

Nona El Shamy hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh Fazi3aaaaaaaaaaaaaaa bgd

Anonymous said...

Samah Hassanien
عجبناى اوى كايوت دى ههههههههههههههههههه حلوة اوى يا حوبا

Anonymous said...

Ramy Elalfy
حلوه يا حوبا جدا جدا جدا

Anonymous said...

MōĦąmmēđ ßøƦąyĕk
يانهار مالوش قطع غيار
منك لله يا حوبا
يصر من قلبي ويحدف عليكي
:O

Anonymous said...

Lily Pink
soooooo funny w damek zy el3asal

Anonymous said...

Gogo Love
like it aweeeee