Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Wednesday, March 28, 2012

حكاية الفار



كان سهران يذاكر وقرر انه ياخد بريك شوية من المذاكرة ويقوم يمشى رجليه شوية ف البيت

اهل البيت كلهم نايمين وهو جعان بس مكسل يعمل لنفسه حاجة ياكلها.. قال ما اشرب لى كوبية حاجة ساقعة وخلاص واعتبر نفسى شبعت واكمل مذاكرة

فتح نور المطبخ، حس بحركة مش طبيعية، بص ناحية الصوت لاقى فار بيجرى ونط فى أسرية الزرع اللى ف المطبخ

اتبسط وقال ياللا خلينى اتسلى عليه.. اهو اكيد هيبقى مُسلى عن المذاكرة

راح بشويش ناحية اسرية الزرع بص جواها.. بس الدنيا كانت ضلمة جواها وماكنش قادر يشوف الفار خالص

جاتله فكرة خزعبلية، قال يرش عليه (بيرسول).. يقوم ايه الفار يفرفر يطلع ف الروح ، هوبا يصطاده

وفعلا نفذ الخطة وقعد يرش عليه بكل غل.. ونسى انه كان داخل المطبخ ف الاساس عشان كوبية حاجة ساقعة

هو بيرش بيرسول ع الفار كان سامع صوته وهو بيفرفر من كمية البيرسول اللى اتبخت عليه ف مكان صغير هجمته من كل اتجاه

وصاحبنا كان منشكح قوى ان خطته ماشية ف الطريق الصحيح لاصطياد الفار.. وبعد ما نفذ الجزء الاول من الخُطة، لاقى برضه ان مازلت الدنيا ضلمة جوه اسرية الزرع ومش عارف يشوفه

قوم ايه لمبة دماغه نورت بفكرة جديدة اكثر خزعبله

إنه يولع عود كبريت جوه الاسرية تقوم سخنية النار تحرق ام الفار.. ويخلص ف الليلة دى بقى من قصة الفار عشان يكمل مذاكرته

يادوب صاحبنا بيولع عود الكبريت واصلا ف كمية بيرسول مش طبيعية ف المكان.. راح الكبريت هابب ف صاحبنا حرق له شعر ايده

اهم حاجة ان الخُطة نجحت والفار اتحرق

بس قدام ده شعر صاحبنا كمان، شوية منه اتحرقوا.. عمل اسعافات اولاية لإيده

وقعد يغنى : دى مكتوب لى، مكتوب لى

وهو بيمزمز ف كوبية الحاجة ساقعة وموجوع.. قال لنفسه الحاجة كدة لما ماتجيش بسهولة بيكون طعمها احلى

دى مكتوب لى مكتوب لى

رحاب المليحي


8 comments:

Anonymous said...

Nehal Rashed
hhhhhhhhhh da mktobly da mktobly

gamda ya 7oba

Anonymous said...

Ramy Elalfy
ان مكناش نتعب في الحاجه عمرنا ما هانحس بيها

Anonymous said...

Nona El Shamy
hhhhhhhhhhhhhhhhhhhhh wallahi gamda awiiiii

Anonymous said...

Sarah El-Eskafy
كان ولع فيه من الاول وخلصنا

Anonymous said...

Mohamed Mashaly
يعنى عشان يشرب البيبسى يولع ف البيت بناقص البيبسى ده خالص

Anonymous said...

الحمد لله أن ربنا ستر وماحصلش له حاجة أكثر من كده
ماما

مبادئ .. said...

جميلة جدي

Anonymous said...

Nooran Kotb
انتــي رائـــعه