Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Sunday, December 04, 2011

لما...... ايه؟



لما تكون زعلان ماتبينش، مهو الناس اصلها فيها اللى مكفيها

لما تكون مجروح ماتقولش، مش دايما اصلك هتلاقى حد يسمعك

لما تكون مبقوق اكتم جواك، مهو الحياة مش ع طول بمبى بمبى

لما تكون وحيد ماتدورش، احيانا الوحدة بتكون صحية

لما تكون عيونك مليانة دموع ارسم الابتسامة ع وشك، اصل الناس كلها دموعها محبوسة

لما تكون غضبان ماتتكلمش، عشان ماتغلطش ف حق حد مالوش ذنب

لما تكون مُحبط بُص ف مرايتك، يمكن تلاقى فيك ميزة تحمد ربك عليها

لما تكون مكسور ماتنتظرش حد يطبطب، اصل لو الدنيا كلها حاولت تداوى آلامك محدش هيقدر عليها غير نفسك

لما تكون متشائم مش شايف أمل ف بكرة، مش عارف انت عايش ليه، بُص للى أقل منك وحاله يصعب ع الكافر، يمكن وقتها تحمد ربنا وترضى باللى انت فيه

لما تكون مغرور وشايف انك ماجبتكش ولادة، بص للى هو احسن منك ف أخلاقه وتواضعه، يمكن وقتها تعرف حجمك الحقيقى

لما تكون بتركب عالناس عشان توصل، افتكر ان آخرتك ف التراب ومفيش حاجة باقية، يمكن وقتها تستغفر ربنا وترضى بقليلك

لما ولما ولما..... مهى أصلها مابتخلص، ومالهاش نهاية طول ما احنا عايشين ع وش الدنيا..

ف لازم كل لما تحصلنا شوية (لمات) نوقف، نركز، نعيد حساباتنا، ونحمد ربنا ونرضى بنصيبنا عشان نقدر نكمل المشوار،

لإن الدنيا هتمشى وهتكمل بينا أو من غيرنا

والشاطر اللى يسبق ويضحك ف الاخر

رحاب المليحي

7 comments:

Anonymous said...

Maram El-Gendy
allah helwa aweee deeeeeeeeeeeeee ya Hobaaa

Anonymous said...

انا مصريه
جميله يا حوبا وعندك حق فعلا

Anonymous said...

C'est Ïñjî
Ohhhhhhhh
El este3'faaar dawa el groo7 ya 7ooba

Gameela awe

Anonymous said...

Mai Said
حل لكل المشاكل :((((((

Anonymous said...

Lolo Sakr
وطب لما اكون طاقق مفرقعش
برده!!!!!!!!!!!!!!

Anonymous said...

Rana Said
انا بعمل كدة ولله بحاول ادارى بس احيانا بيبان عليا اعمل ايه بقى ؟؟؟؟؟؟؟

Anonymous said...

Rbab N. Mohamed
gamda gdy