Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Thursday, December 08, 2011

عيون دامعة


كتير بتحس ان دموعك ماليه عينيك لكن مش عايزة تنزل
يإما صعبان عليها نفسها
يإما مستكبرة
يإما شايفة انها اقوى من انها تنزل
يإما عيب انها تنزل
يإما شايفة ان نزولها من عدمه مش هيفرق
يإما دموع حجر مش هى اللى تنزل
يإما لا عاش ولا كان اللى يكون سبب ف نزولها
يإما هتتكسر اكتر بنزولها

بس لو الدموع ماقدرتش تتماسك
وفاض بيها ورفضت بقائها ف العين
وكسرت كل القيود ونزلت

مش هتقف بسهولة
ومهما العين مسحت دموعها
وحاولت تداوى دموع عينيها
مش هتقدر برضه تطيب خاطرها

مهو فاض بيها ومش قادرة تستحمل وتقاوم

اه هى ضعيفة مهما بان عليها من قوة
اه هى كانت مستكبرة لكن خلاص بقى ما باليد حيلة
اه هى كانت شايفة ان عيب انها تنزل قدام الناس لكن الناس هتعملها ايه ولا هتفيدها بإيه!
اه كانت بتقاوم النزول يمكن عشان برستيجها وكرامتها.. بس طظ فى البرستيج قدام دمعة مخنوقة
اه يمكن نزولها هيكسرها لفترة.. لكن بعد ما تنزل كل الدموع اللى حيشاها وخنقها وتهدى.. ده هيقويها من تانى

اصلها لازم تنزل
لازم العين تفضى شوية عشان ترجع تملى من جديد
لازم تتناسى مش تنسى
لازم تدى مساحة للى جى

اصل اكيد هيكون فيه جديد
مهو النكد ده زى البحر مش بيخلص
لازم تبقى اقوى منه عشان تقدر تعيش
وتكمل لنهاية المطاف
عيش وتعايش
رحاب المليحي

8 comments:

Anonymous said...

بس لو الدموع ماقدرتش تتماسك
وفاض بيها ورفضت بقائها ف العين
وكسرت كل القيود ونزلت

مش هتقف بسهولة
ومهما العين مسحت دموعها
وحاولت تداوى دموع عينيها
مش هتقدر برضه تطيب خاطرها
samah

Anonymous said...

عيش وتعايش :)
مؤمن

Anonymous said...

Shahenda Salem
الله عليكي

Anonymous said...

Sami Ahmed
ما اقدرش أقول حاجة أكتر من اللى قولتيه, كلامك مظبوط, عيش وتعايش

Anonymous said...

Ramy Elalfy
ان جيتي للحق كلنا هذا
المود
في الجون يا حوبا

abashar said...

حقيقة كلمات بسيطة لحياة بسيطة .

Anonymous said...

كلام جميل جدا وإنساني وواقعي
عمرو على

Anonymous said...

انا مصريه
عندك حق يا رحاب النكد زى البحر والدموع عنيده وقويه بس نعمل ايه بقى نصيب الحمد لله