Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Tuesday, December 27, 2011

بنات فيرجن 2011

بس، بس.. كابتشن

- ؟؟؟!!!! أنا؟

- ايوة، ايوة... ممكن نتشعرف؟

- تتعرفى بمين؟ بيا؟

- هو البعيد غبى وللا ايه؟

- اصلى مستغرب يعنى، اللى اعرفه ان الولد هو اللى بيعاكس البنت مش العكس

- ياااااى، ده انت قدددديم قوى قوى، ده كان زمان

- ااااااه، قلتيلى، طب انا مش فاضى دلوقتى، خليها وقت تانى

- بس انا بحبك.. عايزة نرتشبط

- نرتشبط ؟ تفتكرى انا ممكن ارتشبط بواحدة خنفة!

- خنفة ف عينيك .... ده انا بتدلع بس عليك ثوية

- ثوية !!! ااااه قلتيلى بقى معلش اثلى مقفل ماليش ف الدلع

- كوبة، اوووف

- بتقولى حاجة حضرتك ؟

- خالث مالث، ها بقى، قلت ايه ؟ ده انا بحبك من معاميكى

- طب هتدفعيلى كام ؟

- نعم ؟

- مش بتقولى الزمن اتغير! يبقى خلاص عليكى انتى الشقة والمهر وانا هدخل بمجهودى، طيب؟

- ايه؟ ايه؟ ايه؟ شقة ومهر ايييه، يا عم انت؟ ده انت شطحت بتفكيرك قوى قوى

- قرفتينى بقى بدلعك المرق ده، مش انتى اللى بتجرى ورايا اهو؟

- احم، ياريت تراعى انك بتجرحنى بكلامك.. ماتنساش انى انثى برضه وبتكثف

- اه ثحيح، وش كثوف، اصل سوهى عليا بعد دخلتك العبقرية عليا

- اعتبرنى بنكشك، بجر كلام معاك، لكن توصل لحد الجواز يبقى معطلكش

- ههههههه، هو اللى بنعملوا ف الحريم هيطلع علينا وللا اييييييييه!!!

- بص، احنا نرتشبط حبة صغنانين، دخلت دماغى، نكمل، مادخلتش يبقى سكتك خضرا بقى. فل؟

- عارفة انتى ناقصك ايه وانتى بتتكلمى كدة؟ حجرين شيشة تفاح ونبقى ع مية بيضا

- برسيك الله، الحق عليا يعنى؟؟ بدل ما اديك استمارة ستة لما ازهق منك.. ف اصدمك وتتعقد بقية حياتك

- لا انا اتعقدت خالث مالث من ربع ثاعة كلام معاكى ، ده حتى لسانى اتعوج كمان وبقيت بخنف،
غووووورى يا بت يا واد،
انصرفى ، انصرفى


رحاب المليحي

7 comments:

Anonymous said...

Nona El Shamy hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh Mas5raaaaaaaaaaaaaaaaaa :D

Anonymous said...

Ramy Elalfy واااااااااااااااااااااااو عسل عسل عسل السنين

Anonymous said...

Mo'men Sa'ad
كومنت الواد محتاج تغيير
شوية .. مثلا يبقي ... اوعي بقي .. بقولك مرتبط .. حاجة كدا

Anonymous said...

Amr Aly
جميلة ودمك خفيف يا رحاب كعادتك
بس البنات مش كدا مش تظلميهم حرام البنوتة رقة ونعومة وحياه عذبة حنية وحاجات تانية كتيييييييييير

Anonymous said...

Sarah El-Eskafy
قطشيعة يختى

Anonymous said...

Samah Hassanien
يتمنعن وهن اللى عاوزبن

Anonymous said...

Amin El-Masry
هههههههههههه جميلة جدا