Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Thursday, November 10, 2011

صلاة العيد فى لندن


العيد فى (لندن)
بيحب المسلمين يصلوا فى (الجامع الكبير)
Central Mosque
وهو من اكبر الجوامع فى انجلترا

وبيكون زحمة جدا.. لإنه اكتر جامع بتحس فيه بالعيد.. خصوصا ان التكبيرات فى العيد بس بيكون مسموح انها تبقى فى الميكروفونات اللى ع الشارع

ف وانت جى من بعيد تبقى سامع التكبيرات واكنك فى بلدك مش فى لندن

دايما فى طريقك للجامع يقابلك الناس المتطوعة اللى بتجمع فلوس وكل واحد لغرض مختلف عن التانى.. ولك مطلق الحرية ان تدفع أو لأ

كمان بيقابلك شحاتين شرق اوروبا اللى ده بيكون الموسم بتاعهم ووشوشهم محفوظة كل عيد تلاقيهم عند الجامع

كمان من الحاجات اللى تلفت النظر وجود الشرطة بشكل مكثف وقت صلاة العيد.. مش لأى سبب غير انهم بيحاولوا يقللوا من زحمة المرور ف وقت الصلاة

خصوصا ان صلاة العيد بتتصلى (اربع مرات).. عشان زى ما قلت الجامع الكبير بيكون شديد الزحام.. ف لو صلاة واحدة مش هتكفى كل الناس

خطبة العيد بتكون باللغتين العربى والانجليزى..

وبعد الصلاة، وزى ما بيحصل ف بلدنا تبدأ الأمهات ف تقديم الحلوى للأطفال

وتنتهى صلاة العيد.. وتقريبا ف الغربة العيد بالنسبة لنا هو صلاة العيد.. بعدها مش بنحس بحاجة :)

رحاب المليحي

5 comments:

Anonymous said...

Reham Megahed
الله اكبر ... و كل سنة وانتم طيبين

Anonymous said...

Maram Abd El-megeed A
كل سنه وانتي طيبه واعيادك الجايا متبقاش فغربه ان شاء الله ^_^

Anonymous said...

Hosha Al Mslawy
انا شايف ان الجامع فاضى !! كل عام وانتم بخير

Anonymous said...

Rowida ElDeeb هى دي ضريبة الغربة يا عزيزتي

وحياتك وفي البلاد العربية نفس الشئ .. الشوارع هص .. هص!!!!

Anonymous said...

حلوة اوي المدونة و حقيقي ميرسي على انك بعتيلي اللنك .. و أكيد ان شاء الله هكون موجودة دايما هنا :))
للأسف أنا بيتهيألي مفيش عيد بجد إلا في مصر !!
هنا في الإمارات زي مانتي قلتي بالظبط عن لندن .. العيد هو صلاة العيد .. و بعد كدا مش بنحس بحاجة .. الظاره المصري مش بيعرف يفرح غير في البلد اللي مطلعة عنينا و برضو بنموت في ترابها اللي اسمها مصر :)
أمل علاء الدين
(يوميات معلمة مغتربة)