Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Thursday, November 10, 2011

الشحاتين فى لندن


فى لوندن والبلاد المتقدمة

تلاقى واحد كدة قاعد ف الشارع ومعاه كلب.. وده ما يُسمى بالــــ
Homeless
اللى هما الشحاتين يعنى بالبلدى واللى مالهمش مأوى

تلاقيه قاعد يشرب سجاير وخمرة وحاطيتطلك قدامه طبق عشان تحط له فيه فلوس
وجود الكلب معاه بيكون احيانا عشان يستعطف الناس اكتر
_________
الخنيق فى الأمر إن فيه كتير منهم بتعولهم الحكومة.. بمعنى إنها بتديهم زى مصروف اسبوعى او شهرى.. لكن مش بتديهم بيت
_______

أما الشىء الإيجابى

إنه فى شهر اكتوبر من كل سنة.. تقوم المدارس بحملة لدعم هؤلاء الشحاتين.. عن طريق تشجيع الطلاب انهم يشتروا مُعلبات لهؤلاء الجعانين
وبعد تجميع المعلبات من طلاب المدرسة كلها.. يتجمع الطلاب وأولياء الأمور فى ساعة من صباح اليوم
ويقوم كل فصل بشرح معنى المجاعات فى صورة حوار بين الطلاب وبعدها
وايضا يتخلالها بعض الاغانى المعبرة عن هذا الفقير الغلبان
وف نهاية الاحتفال يأتى متطوع من ال
Charity

ليوسع مفهوم واداراك الطفل لمعنى كلمة
Homeless

وينهى كلامه بإنه مش معنى إنه شخص بلا مأوى يبقى بنى ادم وحش.. ولكن الظروف هى اللى اضطرته لكدة
_________

رحاب المليحي

5 comments:

Anonymous said...

رغم انه في النهاية شحات متسكع في الطرقات تعوله الحكومة بس فكرة الإهتمام فكرة محترمة اوي وانهم بيربوا في الأطفال حاجة زي دي واعتقد ان التسول مش منتشر بشدة زي عندنا ولا ايه
عمرو على

Anonymous said...

C'est Ïñjî
عجباني اوي
المصيبه بقى ان في منهم بيلعب موسيقى

Anonymous said...

Eng Bero
جميل واى الموضوع دا بس الى مستغرب منه ازاى الحكومة بتديهم مصروف اسبوعى او شهرى و بردو بيشحتو يبقى نظريه الشحاته دى انها شغل مش احتياج صح مش كدة

Anonymous said...

Manolly Memo
يعنى بيحط جنبه كلب علشان يستعطف الناس؟؟؟ ليه هو حاله ميستعطفش حد

ياسمين said...

استغربت اووي من حكاية الكلب دي..اعرف عندنا بيحطوا طفل..لكن كلب عندنا معناها يخوف الناس صحيح لكل بلد ثقافة بئا ..فيه مثل بيقول لا تعطيني سمكة ولكن علمني الصيد..مفروض يجمعوا فلوس ويخله يشتغل ف اي شغلة بسيطة..بدل لما يأخذها ويصرفها ع الخمرة وغيره او حتي يأكل وبس..شكراا