Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Saturday, May 14, 2011

فوبيات مش اشتغالات


لما نسمع كلمة (فوبيا).. نفهم تلقائى ان اللى عنده (فوبيا) معناه خوف من حاجة معينة لدرجة الرعب الشديد

الفوبيا المتعارف عليها زى: فوبيا الأماكن العالية، فوبيا الأماكن المقفولة، فوبيا الفيران، وفوبيا الأسانسير.... الخ

لكن فيه انواع تانية غريبة من الفوبيا مش معروفة زى:-

فوبيا الورق:

- ممكن معلش اطلب منك طلب؟

- طبعا، مش تتطلبى إنتى تؤمرى

- ميرسى، نولينى بس اللى جانبك ده

- اه قوى قوى.......... لاااااااااااااااااااااااا

- ايه؟ ايه؟ فار؟ فار؟

- لأ ورق، ورق

- يا شيخة خضتينى... ما انا بقولك ادينى كومة الورق اللى جانبك دى

- ما تيجى تاخديها انتى

- نعم؟

- اصلى مش بمسك ورق

- ازاى يعنى؟

- عندى فوبيا الورق

- ؟؟؟؟ يعنى ايه؟

- يعنى مجرد لمس الورقة ده يجنيننى

- طب لو بلتهالك، تمسكيها؟؟؟

- لألأ، ولا حتى لو كانت مبلولة اقدر امسكها.. وحتى لو ورق الوان برضه مقدرش مقدرش.. كله ورق ورق ورق

فوبيا الشباب

- وازى صحة حضرتك؟

- اهو الحمدلله يابنى.. كبرت بقى وعجزت.. مهو مش هناخد زمنا وزمن غيرنا

- بااااااابى، تعال العب معايا

- مش تسلم على جدو الاول يا حبيبى

- هش، هش، ابعد العيل ده من هنا

- ازيك يا جـــ....

- ابعد الوااااد ده عنى.. روح العب بعيد، ابعد عنى

- احم، فى ايه حضرتك؟؟ ابنى اليف والله مش بيعض

- انا مابحبش الاطفاااااااااااااااال، خليه يروح بعيد

- ؟؟؟؟؟ ليه حضرتك؟

- معرفش مش بحبهم، شكلهم بيجبلى اشمئزاز وبخاف منهم.. وياللا انت كمان من هنا.. خد ابنك وامشووووووا من هنا.. مش بحب الأطفال.. مش بحبهم، مش بحبهم

فوبيا الزراير

- حبيبطى، حبيبطى.. كل سنة وانتى احلى واحلى

- هههههههههه، وانتى طيبة يا قمر

- جيبتلك هدية بقى اييييييييييه جامدة جمودية التنين الخفى

- يا بنتى انا اللى اقرر مش انتى

- ايه هو ده؟ مش انا اللى جايبها.. لازم أحلى البوضاعة بتاعتى قبل ما تشوفيها

- يا ساتر يارب، طب ياختى ورينى

- ياللا افتحى وملى عينيكى ومش عايزاكى تبوسى ايدى شكر يعنى ع الهدية.. انا متشواضعة

- عاااااااااااا، هو انا ماسكة ايه؟

- ايه با بت؟ سلامتك من الهبل.. ده فضلة خيرك زرار الجاكت الجامد جمودية التنين الخفى اللى انا جايباه.. وماقولكيش بقى دوخت عقبـــ .............

- زرار؟ زرار؟ زرار؟ عااااااااااااااااااا

- ؟؟؟؟؟؟ ايه الجنان يعنى مش فاهماكى؟

- انتى عارفة انى امسك زرار دى، زى بالظبط لو مديت ايدى فى بلاعة ومسكت صرصار

- نعمممممم؟

- انا مابحبش الزراير.. اى هدوم فيها زراير بتخوفنى وتتعب لى اعصابى.. والجاكت كللللللله زراير.. عااااااااااااااااااا

فوبيا المرايا

- ايه رأيك فيا؟؟ اجنن، صوح؟

- اه طبعا يا حبيبتى زى القمر

- طيب غمض عينيك

- ليه؟

- غمض بس هوريك حاجة حلوة جيبتها لنفسى

- طب جبتينها لنفسك.. اغمض انا ليه؟

- يا عم غمض بقى بدل ما اخزئهملك

- حاضر، حاضر.. الطيب احسن

- تعال بقى هنا

- مودينى ع فين بس يا حبيبتى؟

- اقف بس هنا وانا هقف وراك

- وهشوفك ازاى يعنى؟

- فتح عينيك بقى دلوقتى

- اييييييييييييييه ده؟

- ايه العقد روعة مش كدة؟؟ انت عارف ذوقى طول عمرى روعة.. بحسد نفسى عليه

- انا شايف نفسى.. انا قدام ايييييييييييه؟ مرايا؟؟

- ؟؟؟؟ اه مرايا.. ايه الغريب فى كدة؟ هو الحدث فى المرايا وللا العقد؟

- انا مابحبش المرايات.. انا مابحبش اى نوع من انواع المرايات.. مابحبش اى سطح عاكس.. مش بحب اشوف نفسى فى مرايااااااااا

- وبالنسبة للعقد؟

- انا ماشى و يإما تشيلى مرايات بيتكم يإما مفيش نصيب بينا

فوبيا الألوان

- عندى صحاب بيخافوا من حاجات غريبة

- قطط يعنى وفيران وكلاب وصراصير وكدة؟؟ مجانين يا بنى.. تحسهم فافى قوى.. بتوع مامى وبابى.. مش رجاااالة زينا

- لا لا، بيخافوا من حاجات اعجب، زى لو اتقفل عليهم باب اوضة مثلا ومفيهاش شبابيك.. يا نهار يا نهار.. ممكن يموتوا فيها

- ههههههههه، اتحسبوا ع الرجالة غلط يا عم

- قولى بقى رأيك فى الصورة دى؟

- ايه ده؟ ايه ده؟ دى كلها الوان.. الوان.. لاااااااااااااااااااااااا

- ؟؟؟؟؟؟ انت مش بتتحرك ليه؟؟؟ مالك يخرب بيتك؟ وادى الرسمة رميتها.. فووووق بقى هاتجبلى مصيبة

- هه؟ اه معلش معلش... اصل لما اشوف الوان كتير متداخلة زى ما تقول بحس انى مشلول كدة.. مش بكون حاسس بنفسى خالص

- اه، اه، هما برضه اللى محسوبين على الرجالة غلط بتوع الفيران والصراصير!! قوم ياض من هنا.. قووووووووووووم

كفاية عليكم كدة بقى.. لا تقلب معاكم ب فوبيا القراية

رحاب المليحي

21 comments:

Anonymous said...

Ola Rizk
هههههههههههههههههههه جامده جدااا

Anonymous said...

Karim Elsheikh
هع هع هع .. انا عندي فوبيا المصريين
اشوف المصري من دول اقعد اتف على جنب :)

Anonymous said...

Sarah El-eskafy هههههههههههههههههههههه انا بقى عندى فوبيا رحاب:P

Anonymous said...

Ola Mostafa
انا بقي عندي فوبيا الصور بكره الصور...... ده انتي ياا بنتي هتكتشفي بعد الكومنتات دي كميه العقد اللي عندنا :)

Anonymous said...

Mo'men Sa'ad نعم !!

Anonymous said...

محمد عبد القادر
و دي كانت أحدث موضة في عالم الفوبيا ^_*

Anonymous said...

Hager Emad
هههههههههههههه ايه الفوبيات الغريبة دي؟

Anonymous said...

Ahmed Mamdouh هههههههههههههههههههههههههههههههههههههه
انا عندي فوبيا الغباء :D:D:D

Anonymous said...

Ramy Elalfy
هههههههههههههههه مفيش بعد كده
كنت بتغاظ اوي من الناس اللي عندها فوبيا الاماكن العاليه دلوقتي بس عرفت انهم ولا حاجه بالنسبه للألوان الورق هههههههههههههه

Anonymous said...

Amira S. Abdel-Aziz
mestaneyeen elba2y :D

Anonymous said...

Grêêŋ Applê
الكلام دا بجد ولا حقيقى؟؟؟

Anonymous said...

نورالهدى صمتى مايميزصوتى
انا عندى فوبيا مش موجودة هنا فوبيا القطط

Anonymous said...

Nancy wrote "
ههههههههههههههههه تحفه يا حوبا زى العاده انا باء عندى فوبيا من الاسانصير"

Anonymous said...

Mazen Elsarawy Art
حبيبطى ؟؟؟!!!!!........... ده إنتى مدخله كل لكنات مصر مع بعض متعرفش اللى بيكلمو بعض دول صعايه ولا إسكندرانيه ولا حوارتاجيه ولا ملهومش وطن ....إيه دااااااااااه ؟؟.................. بس برده إسلوبك فى سرد الحوار بتشدنى زى كل مره ..لااااااااااااايق

Anonymous said...

لووول مزاجك قوي

مرمر said...

أنا بقى عندى فوبيا من البلطجية اللى فى الشوارع

رؤى said...

لذيذة فكرتها
فعلا احيانا بنصاب بفوبيا اشياء غريبة
زيى كدا عندى فوبيام ن مديررى
^_^
تحياتى

Egypt trend said...

وفي بردة فوبيا الخوف من الثورات ودي مش بتيجي غير للحكام بس

7agatonline said...

جاااااااااامده

Anonymous said...

Samia Charifi
انا عندي فوبيا كثرة الاعمال المنزلية هههههههههههه يختنق لو عندي شغل بالبيت

Anonymous said...

انتي بتسيحي لي ولا ايه انا عندي فوبيا الفئرااااااااان والحشرات :(

نرمين