Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Thursday, October 07, 2010

عفريت يا ماااااامى



- جوووووووووووووومى

- عايزة ايه يا أوشى؟

- (بتضحك) أنا خايفة، أنا خايفة..... عفريت، عفريت

- عفريت!!!! عااااااا.. مامى، أوشى بتقولى فيه عفريت

- عفريت؟؟ جبتوها منين دى!! مفيش حاجة اسمها كدة.. بطلى تخوفيها يا روشى

- أنا بكذب عليها يا مامى.. قصدى بضحك عليها... ييييي، بلعب معها

- طب بلاش اللعب البايخ ده.. قال عفريت قال.. ده انتوا تخوفوا مية عفريت

- مامى، عندى (هوم ورك)

- طب ياللا عشان نعمله وتشلينى

- حاضر مامى

- ماااااااااامى، اكتبيلى صورة

- جومى اسمها ارسميلى صورة مش اكتبيلى.. وسيبينى دلوقتى عشان اذاكر مع روشى.. بلاش حركاتك دى

- مامى انا جيبت (البوك) اهو

- مش قلنا بلاش انجليزى ف البيت

- الكتاب يا مامى

- ها.. اتفضلى أقرى

- B-i-g

- مش عايزاكى تشتهجيها.. بس ما علينا.. ها، بقى تبقى إيه على بعضها؟

- هااا؟

- قلنها مية مرة قبل كدة يا روشى.. تبقى إيه على بعضها؟

- تبقى The

- الصبرررررررررر من عندك يارب

- (روشى بتفرك وساكتة)

- مامى عايزة اعمل (بيبى)

- روووووحى يا جومى.. يعنى بتستأذنى إنك تدخلى الحمام!!!

- روشى بلاها قرايه.. هى (تو) بتتكتب ازاى؟

- كدة 2

- جميل قوى و 20 بتتكتب ازاى؟

- كدة 50

- !!!!!! الاتنين اتقلبت خمسة فى لحظة.. طب ازاى!! ازاااااى؟ فهمهالى دى

- (روشى بدأت تتعصب)

- بلاها انجليزى خالص.. قوليلى حرف ميم: موزة.. صح؟

- صح

- طيب بابا اسمه مصطفى يبقى أول حرف منه ايه؟

- بابا مصطفى موزة

- مامى هو سوبنج بوب بيعيط ليه فى الكرتون؟

- عااااااااااااا، تصدقوا إنى أنا اللى هجيبلكم عيلة العفاريت كلها.. دول كمان لو رضيوا يجولكم

******************

- مامى الميس مديانى (هوم ورك) فيه أرقام

- ورينى

- اهو يا مامى.. هى بتقول إيه؟؟

- اسمها مكتوب إيه مش بتقول إيه؟

- مكتوب إيه يا مامى؟

- .........

- مامى.. مكتوب إيه؟ دى رسمة سرير صح يا مامى؟

- اه، عايزينك تشوفى طول السرير ده بالمعالق.. (فى سرى): "ازاى يعنى ده السرير المرسوم طوله مايجبش معلقة واحدة.. ركزى ركزى عيب تحرجى نفسك قدام البنت"

- ها يا مامى

- اااااااااااااه فهمت.. تشوفى طول سريرك بالمعالق هيعمل كام معلقة.. (فى سرى) "الحمدلله ماتفضحتش"

- هييييييه، هجيب معالق من المطبخ

- على الله بقى يبقى عندنا معالق كفاية

- مامى وأنا كمان عايزة ملاعق

- جومى، ملاعق إيه بس... روحى لونى ياللا

- نوووو، أنا هجيب ملاعق مع أوشى من المخبخ.. ها يا مامى ها!!

- ...... أنا هدخل الحمام أريح منكم شوية.. أسمع صوت حد منكم بقى

- (تك، تك).. مامى، مامى، عايزين نعمل (بيبى) هنعمل على روحنا

- لأاااااااااااااااااااااااااااااااااا

**************

ابقوا اطمنوا عليا بقى :)

رحاب المليـــحي

15 comments:

Anonymous said...

bgd maskhraaaaaaaaaaaaaaaaaaaa aa mamy 3yzen n3ml pipi ana lw mnk amot mn elde7k bgd 3alehom byfkroni be wlad okhty belzabt nafs el kalam we sponge pop kaman maskhraaaaaaaa
kan nfsy awi ashofhom lma geto cairo bs ml72tsh
Neihad

Anonymous said...

هههههههههههههههههههههههههههههههههههه
انا مبسوطة فيكى
سارة الاسكافى

Anonymous said...

هههههههههههههه ربنا معاكى يا حوبه ويخليكى ليهم ويخليهم ليكى
علا البابلى

Anonymous said...

ربنا يخليهولمك ويكرمك فيهم

بس بجد يا بختك دول كوميديانات خالص اكيد مش بتبطلي ضحك
دا كفاية بابا مصطفى موزة دي
عمرو

Anonymous said...

hehehehhehheeeeee ..so funnyyyyyy...dool yagneno el 3afreet.. rabena ya;7lehomlek :)
WALAA

Anonymous said...

ya ro7yyyyy msA 3aleehom w ya3enii 3aleki
SOLLY

Anonymous said...

ربنا يخلهملك و يطلعو روحك كمانو كمان و على قلبك زى العسل طبعا
محمد فتوح

Anonymous said...

حراااااااااااااااااااااام اللي بيتعمل فيكي دا
بقولك صحيح مش عايزة أطفال بالتبني :P

بس والله بجد تحفة
ربنا يخليهملك ويخليكي ليهم
مؤمن

Anonymous said...

حلوه بجد وضحكت من قلبي
دينا

Anonymous said...

"ربنا يعينك ويقويكي"
silver man

Anonymous said...

"ههههههههههههههههههههههههههههههههههه ربنا يخليهملك يارب ماشاء الله زى العسل:))"
بسمة بهاء

Anonymous said...

"ههههه بدوء من نفس الكاس ..الواحد قرب يتقرع من كتر شد شعر الراس :) جيل الانتربخ ..شوية عيال مفاعيص يعملو فينا كده
ههههه حلوة يا رحاب
محمد عبد الدايم

Anonymous said...

"ههه ربنا يخليكي ليهم .. عندك روح كوميديا جنان .. لو عملتي بعض من يومياتكم قصص للأطفال هتطلعي زي الصاروخ ما شاء الله وتنجحي بسرعه D:"
جيهان احمد

Anonymous said...

Sara Abdeen
رحاااااااااااب حبيبتي
انتي كانك بتوصفي اللي بيحصلي بس انا عندي بننوته واحده
وبتكره الهوم وورك مووووت واول ما تعد عليه تجوع وتعطش وتتعب وكلههههههههههههههههه

Anonymous said...

جميلة جدااااااااا ودمهم خفيف جدا

ربنا يباركلك فيهم يا رب