Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Tuesday, August 19, 2008

يوميات روشى وجومى... الحلقة الثانية


- واء، هو البيت زحمة كده ليه؟

- كله جاى يشوف سيادتك

- واء، هو ده يضايقك فى حاجة يا أوشى؟!

- أه يضايقنى.. لما مامى ولدتنى مكنش فى حد خالص معانا غير واحدة صاحبتها

- واء، يا حرام صعبتي عليا.. ليه كده برغم إنك كنتى أول فرحتهم؟

- معرفش بقى، الظروف جت كده وقتها.. اما إنتى فزي ما إنتى شايفة مفيش مكان لرِجل

- واء، وبابى كمان مكنش موجود؟

- لأ كان فى مصر.. وبعدين هو كان يعنى حضر ولادتك!! كل اللى عمله وصل مامى وجدتى المستشفى و رَوَحْ نام

- واء، لأ بيتعب

- لكن من ساعة ما حضرتك شرفتى وأنا حتى مش لاقية مكان اقعد فيه

- واء، خليكى فريش، وإنسى اللى فات.. علشان خلاص راحت عليكى يا أوشى

- ليه يعنى إن شاءالله؟؟ ده أنا برضه روشى

- واء، وأنا جومى اللى لسه مولودة وكله هيجى يبارك ويهنى ومحدش هيهتم بكِ خالص

- إنتى بتغظينى يعنى؟

- واء، لأ خالص، أنا بس مش عايزاكى تغيرى منى علشان مش تكرهينى

- مامى قاعدة تاكل ومفكرتش حتى تقولي تعالى كُلى معاية.. مهتمين بأكلها أوى اليومين دول زيادة عن اللزوم

- واء، طبيعى علشان هى بتأكلنى.. فلازم يهتموا بها

- على ايامى كانت بتاكل أي عَكْ.. بابى كان بيشترى دائما تيك اواى

- واء، إيه ده ليه كده؟

- مكنش فيه حد يُطبخ.. ومامى كانت جعانة على طول.. فمكنش فيه حل غير التيك اواى

- واء، على سيرة الجوع.. أنا جعانة

- هو انتى ايه مش بتشبعى؟؟؟ على طول جعانة جعانة وعلى طول بِتْزِنى وبعدين تنامى

- واء، يا بنتى هى دى شغلتى أول كام شهر آكل وأنام

- وبعد أول كام شهر؟

- واء، العب شوية وآكل وأنام

- لأ فعلا بتتعبى.. واضح انى هشوف أيام بيضا معاكى

- واء، أنا بقول كده برضه بيضا زى اللبن الأبيضا اللى بشربه

- محدش واخد باله منى خالص ولا حتى مامى.. وكأن فجأة مبقاش فيه فى البيت غيرك إنتى يا مفعوصه

- واء، مفـــــ ... إيه معصوفه دى؟؟ شكلك بتشتمى صح؟

- لأ، خالص ده أنا حتى مش طايقة نفسى من السعادة لوجودك معانا فى البيت..

- واء، أنا برضه حاسه بكدة..

- إيفيييييي! إيه الرائحة دى كمان؟

- واء، إممممم، يمكن رائحتك؟

- أنا؟؟ لأ طبعا أنا بدخل الحمام.. اكيد عملتيها تانى.. مش مامى لسه مغيرالك؟؟

- واء، انتى كمان هتعدى عليا حتى فى دى.. شكلنا كده هنتعب أوى ما بعض.. يلا يلا، روحى نادى مامى علشان عايزة آكل وأغير وآقيل شوية

- مش هنادى حد.. عندك حل أسهل، عيطى بصوت عالى وهى تجيلك جرى

- واء، آه تصدقى فكرة

- بس استنى لما اطلع من الأوضة لأحسن يفتكرونى عملت فيكى حاجة

- واء، ودى كمان فكرة أحلى.. كل ما اكون متضايقة منك أعيط جامد علشان مامى تضربك

- يا مامـــــــــــــى، جومى ضربتنى.. جومـــــ ،لأ واسعة دى مش هتصدقنى.. بس هفكر فى حاجة تخليهم يهتموا بي شوية

رحاب المليحى

5 comments:

Anonymous said...

de el banat lma tekbar wa te2ra el kalam da, haydrabokye darb :))
wa ba3dn bet2oyhom 3la 2abohom?? ;)

Ahemd Shehata

Anonymous said...

Gamda ya Hoba yally konti arouba, wade7 2n Roshy w Joumy mashAllah damohom 7'afif. Waiting 4 the next episode. Rabena ybark fehom w yg3lhm Qurrat 3inek isA

Reham

Anonymous said...

gamel gedan...bas wad7 keda en Joumy mesh shala 7'als :) ma3 enha sa3'nona we 2t2ota 7'als.

Marwa El Badry

Anonymous said...

أنا حاسة أن ده فعلا بيحصل :)) الطفل الأولاني دايما بيغيير من المولود الجديد حتى لو مش بيبين....عجبتني حته لمه أطلع لحسن يفتكروا أني عملت فيكي حاجة ورد السوسة الصغننه عليها...طبعا أنت يارحوب اللي تايها في كل المؤمرات دي:))
ربنا يخليهم لك ويملو لك البيت لعب و شقاوة

رباب الفاروق

Anonymous said...

danty bahdelty el banat 7'ales ya hoba.ya tara lama haye2roha hayeb2a eh ra2yohom

gogo