Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Friday, February 19, 2016

حياه جديدة



صحيت من النوم مخضوضه تبص ف ساعتها وقلبها بيدق بسرعه لاقيت نفسها متأخره ع ميعاد مدرسة ولادها.. والبيت شكله هادي ده معناه انهم كمان لسه مصحيوش.. قبل ما تتحرك ركزت انه يوم
ف حطيت راسها ع المخده تاني بتحاول تهدى دقات قلبها السريعه..

اكتر حاجة بتكرهها انها تصحى مخضوضه دقات قلبها السريعه بتجيب لها صداع.. والصداع معناه قفلان من اول اليوم ودماغ تقيله وعصبيه ومسكنات
اجازتهم

انتهزت فرصة هدوء البيت وسرحت ف حالها.. ايامها كلها شبه بعض.. امبارح زى اول زى بكرة.. مش بيميزهم غير لو وراها حاجة تعملها ف يوم معين
حياة ممله روتينيه مفيهاش جديد

وافتكرت بنتها الكبيرة وهى بتقول لأختها: لأ، أنا لما اكبر مش عايزة اكون زى ماما.. اقعد ف البيت واعمل أكل
وقتها معرفتش ترد من صدمة الكلام وقسوته وفضلت السكوت
حتى ولادها حاسين بالزهق اللي هي فيه لا وكمان رافضين يكونوا زيها

من ابسط الحاجات اللي نفسها فيها يبقى عندها أصحاب جداد.. دم جديد؛ وشوش جديده؛ حكايات مختلفه.. اكيد ده هيديها طاقة ايجابيه ويغيرلها المود ويعرفها بحياه جديده

بس ترجع وتقول الواحد مابقاش عنده طاقه ينخدع ف ناس جديده .. كفايه اللي حاصل له ع مدار حياته.. واهو بقى قابل اللي حوليه بحلوهم ومرهم زى ما هما قابلينوا كمان..

وقبل ما تفكر ف ايه تاني ممكن تغير بيه روتين حياتها الممل.. سمعت صوت ولادها صحيوا ف قامت من سريرها تجر رجل وتأخر التانيه ورميت ورا ضهرها التفكير ف الجديد ورجعت لأرض الواقع حيث الروتين الكئيب

رحاب المليــــحي 

4 comments:

Anonymous said...

Amira S. Abdel-Aziz Adapt a new hobby and get busy with it

Anonymous said...

Hager Mostafa Badr
احيانا الروتين بيبقى له جماله مش دايما سئ وممل زى منتى بتوصفيه كده

Anonymous said...

Mohamad Elmetwally
التجربه معلم قاس يعطيك النتيجه ثم بعد ذلك يأتي الدرس

Anonymous said...

Naglaa Amin
نقول دائما الحمد لله ونقول يارب اختار لنا فنحن لانحسن الاختيار