Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Tuesday, October 13, 2015

سيبوا الناس ف حالها

أنا سني 31 سنة متجوزة من 9سنين والحمدلله عندى ولد وبنت
بدأت مشكلتي لما سافرت الكويت من 3سنين.. وبحكم ان البلد اى حركه فيها لازم تستخدمى العربيه حتى لو رايحه آخر الشارع.. ف مابقيتش بعمل مجهود خالص.. وحتى ف شغلي قاعده ع المكتب ع طول
ف بطبيعة الحال لازم اتخن.. بس لأنى طويله مش قصيرة.. طولي 173سم ووزنى 103ك ف تخنى مش البشع يعنى.. وجسمي الى حد كبير متناسق.. ف انه يكون مجال للحوار الدائم بالشكل المستفز ده.
ومع ذلك مبترحمش من سخافة الناس حتى أصحابي للاسف
كلام بقى من عينة انتى لو قعدتى ع حد تفطسيه.. يا فشيله.. هو انتى مابتبطليش أكل..
حتى العملاء بيبصوا برضه للشكل والمظهر.. لو واحدة رفيعه وحلوة تبقى هى شخصيتها كويسه..
مابقاش عندي ثقه ف نفسي خالص.. نفسي أخس وبقيت حاسه انى مأجله كل حاجة ف حياتي لحد ما وزني يقل؛
لكن للاسف معنديش وقت خالص العب رياضه.. وبرغم حر الكويت الا انى مابقيتش بلبس غير غوامق عشان ادارى نفسي من عيونهم والسنتهم اللي مابترحمش
بس بجد نفسيتي تعبت من كلام الناس.. كل يوم بيجرحوني الف مرة وهما مش حاسيين.. كل ليله بنام دمعتي ع خدي من قسوة كلامهم؛ مش عارفه ليه مش سايبنى ف حالي..
خلاص بقى نفسي اسيب الشغل واقفل بابي عليا وانعزل عن العالم.. حاسه ان حياتي وقفت ع كدة
يا عالم كل واحد ادرى بنفسه وبحياته.. ليه الناس بتحشر نفسها ف حاجة ماتخصهمش.. هو جسمي ولا جسمهم..
نفسي اكسر ف نفسي احساسي بعدم الثقه والاحباط بسبب كلامهم وابطل اسمع لهم واعيش حياتي عادى واتبسط لكن لا قادرة ولا عارفه..
ملحوظه:
هى بعتت لي صورتها عشان تأكد لي كلامها
هى فعلا جسمها طبيعي جداااااا ومش مليانه نهائي بالشكل اللي تخلي الناس تكسرها بقسوة
كلامهم خالص

رحاب المليـــــــحي

7 comments:

Anonymous said...

Hend Hatem El Shamy
Nas mot5alefa 3omr l nas ma htbatal l 3ada l zebala de w 3omrhom ma hybatalo y7shoro nafsohom f ale malhomsh feh w wallaaaaah zaman 3n qesasek y 7obaaaa

Anonymous said...

Noha Khalil
الناس يتحب تتكلم و بس ...

Anonymous said...

Haitham Ahmed
هوه الناس عمرها ما حتبطل كلام و مش بيعجبهم العجب و لو خست برده حتلاقى عالم تانيه مش عاجبها منظرها او لبسها او طريقه كلامها او ... او .
يا ريت تفتكر قصه جحا وابنه و الحمار ، القصهص دى موجزه و منجزه فعلا ، و تعرفنا قد ايه الناس دى مقرفه و مستفزه
خلاصه الكلام زى الصوره اللى انتى حطاها يا حوبا لازم تحط كلام الناس تحت جزمتها و مش كده و بس يا ريت بقى تدرب نفسها على انها تحضر ردود لاذعه على الناس اللى بتنتقضها بالمنظر ده

Anonymous said...

Sarah El-Eskafy
على نفس النمط بسمع عكس الكلام على انى رفيعة بس تخليها واثقة فى نفسها وتقولهم انا عجبانى كده وعاجبة جوزى كده ما يخصكوش

Anonymous said...

Mona Elshennawy
و ايه ياعني ليه خانقه نفسك و حاطة كلام الناس ف بالك انا مثلا كنت متجوزة رفيعه خالص و سافرت السعوديه مفيهاش حركة نهاااائي و كمان حملت و الحمل زودني بشكل غير عادي رغم ان اكلي طبيعي جدا وولدت و فصلت سنتين وزني ثابت رغم اي رجيم عملته بس مكنتش بسكت لاي حد بيعلق تعليق سخيف لانو مش حاسس بالي جوايا لان دا جسمي انا مش جسمهم و الشكل يرجعلي ميرجعلهمش و حملت تاني مش عاوزة اقولك والله بقيت انبوبة بس الحمدلله رغم التعليقات السخيفه جوزي مهون عليا بكلامه لانو عارف انو زيادة غصب عني .. و ربنا يسهل لما اولد بقه .. الخلاصة لو حد علق عليكي بال ف رجلك و فوق دماغه ميبقاش دي نهاية حياتك لان حتي لو خسيتي هتلاقي تعليقات ايه يابنتي عملتي كدا ليه الاول كنتي احلي و بردو مش هيعجب .. شوفي انتي مقتنعه بايه و اعمليه و الاصح و الاحسن ليكي لان الناس مبيعجبهاش العجب ..

Anonymous said...

Rana Badawy
ايوة فين المشكلة؟ واحده جسمها مليان ومش تخينة .. الناس اللي شايفاها تخينة عشان اكيد كانت ارفع وبتضايقها بالكلام مبتنفضلهمش ليه؟... معقول كل شوية حتى في الشغل في الغربة مش سايبينها ولا هي اللي حساسة زيادة عن اللازم؟
ما اللي يتكلم ترد عليه هايتلم ويسكت او تنفضله خالص وماتحطش في دماغها كفاية المراية قايلالها انت مش تخينة... ابو الناس وحشريتهم يعني!

Anonymous said...

Sally ElFouly
فيه ناس عايشين في الدنيا ومعتبرين الحياة تليفزيونهم .. معتبرين الاشخاص مجرد مسلسل بيتفرجوا عليه ويهروا البني ادم تعليقات من غير مراعاة.