Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Tuesday, April 02, 2013

* فيس بوك سيزونس

بعض الناس بقى من طموحاتها ان الفريندز عندها ع الفيس يوصلوا للألاف.. والسب سكريب يكونوا بالميات برضه

تتفشخر كدة ف نفسك وتحس ان كلامك وبوستاتك بقوا حاجة مهمة

خصوصا انه كل ما تنزل ببوست تلاقى 50 لايك و20 شير و100 كومنت

ولا بقى لما تنزل بصورة لنفسك.. تبقى اللى ماجبتلوش ولادة
واو تحفة وتجنن ومز وايه القمر ده يا معلم

وف المناسبات بقى،
العيد الكبير، تبقى ووله متغرقة بالخرفان

وف العيد الصغير، فلوس هنا وهناك

وف عيد ميلاده، الاف من بوستات التهنئة

ويبقى الفيس بدل ما كان عالمك الافتراضى..
بقى هو عالمك الواقعى.. اللى ماتقدرش تعيش من غيره،

حتى لما تخرج تفتحه من موبيلك عشان تقدر ترد ع كمية النوتيفيكشن الهولامية اللى بتجيلك.. سواء ف السياسة أو ف الألش أو عموما

ما انت عبده المهم بقى.. اللى الناس لازم تعدى ع بروفيلك يوميا..
أو هكذا تعتقد

طب لما تختفى فجأة.....
حد هيسأل؟ حد هيهتم؟ حد خد باله اصلا؟
ممممممم

ممكن من الاف دول، اتنين أو تلاتة هما بس اللى يسألوا..
يإما فعلا مهتمين بيك فعلا
يإما فيه مصلحة من وراك ف بيدوروا عليك

نو كومنت
رحاب المليحي

7 comments:

Anonymous said...

Sarah El-Eskafy
مروشنينلهم الهوم بس

Anonymous said...

Ahmed Ibrahim Aly Elsheikh
كلامك صحيح استاذه/رحاب..... عموما احلام اليقظه غير مطلوبه او مرغوبه !!!!!

Anonymous said...

Laila Elmoslmany
لا يا لالو مش كل الناس كدا دول ناس للمصلحة وبس مصلحتهم فين وبعد كدا انسي بس الي يعرفك علي حق مش ممكن ينساكي بسهوله هما الخاصرنين انهم نسيوا واحد قلبها جميل وحنونه زيك يا قمر

Anonymous said...

Amin El-Masry
برنسيسة تحليل وربنا

Anonymous said...

Sameh Ezzat Khater
كلام يتوزن بالدهب

Anonymous said...

Ahmed Khoziem
هى وسيله لتحقيق اثبات الوجود ...ومحاوله تحقيق ما يقفشل فى الواقع من تحقيقه فيلحآ للعالم الافتراضى

Anonymous said...

Sayed El Keblawy رااااااااااااااااااااااااائعة وريحتينى نفسيا هههههههههههههههه