Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Wednesday, March 27, 2013

إنه يوم عيد ميلادى

** بما إن بكرة اليوم المقدس ف حياتى إنه يوم عيد ميلادى. **

لازم ادلع نفسى بقى.. وشوية أنانية.. وأكتب عن نفسى شوية
لا بيفرق معاية عيد جواز ولا عيد أم ولا أى بتنجان..

وده يرجع إنى من صغرى كنت بقعد قد كدة أرتب لليوم ده

وعشان عيد ميلادى الأساسى يوم 28 مارس ومكتوبة ف شهادة الميلاد 30 مارس.. ف طبعا دى فرصتى ولازمن ولابد مفوتهاش..

ف كنت بعمله مرتين ف مارس.. يوم وسط أصحابى ويوم وسط عيلتى

وبالنسبة لأهلى لا يجوز بوتيتا إنهم يقولولى كل سنة وانتى طيبة (حاف

كدة).. لازم وحق مستحق يجيبوا هدية حلوة وقيمة كدة

أصل أنا مش بتاعة المهم النية.. والهدية مش بقيمتها والكلام الفاكسان

ده.. لا لا لا المثل بيقول ان سرقت اسرق جمل..

وبعدين ده يوم ف السنة لازم انتهز وأكل السمكة من راسها حتى ذيلها..

ومايضرش إنى أدخل ع الشوك كمان

مرة وأنا صغيرة قبل عيد ميلادى عديت ع مكتبة عاجبنى شكل أباجورة..

روحت لخالتى احكى لها، ال يعنى مش واخدة بالى انه شهر عيد ميلادى

قالت لى: خلاص طالما عاجباكى هاتيها منى ليكى هدية عيد ميلادك..

انشكحت انا بقى.. ف لقد نجحت الخطة..

روحت المحل وطبعا مش هاجيبها ف كيس عادى كدة.. دى الهدية لحوبا

برضة يعنى.. ف لفيتها لفة حوة تليق بيا.. وبعدين رجعت ع البيت،

مافكرتش حتى أعدى ع خالتى أفرجها ع الهدية اللى جابتهالى..

لا لا خالص.. طلعت ع بيتى دخلت أوضتى.. وفتحت بقى لفة الهدية..

قووووم أتفاجئت بهديتى.. وااااو ذوقى جنان

لما بقيت فى الجامعة بقيت أختار الكافية اللى يتعمل فيه العيد ميلاد..

وأجبر الكل يدفع ال Minimum charge

اللى كانت على ايامى حونينة لسه 25ج.. وأعفو الأصحاب العاديين انهم

مايجبوش هودية وكفاية عليهم ال25ج.. لكن الكلوز فريندز.. هىء

فاهمين انتوا بقى طبعا

لما الواحد كبر بقى شويتين واتجوز.. بقى الحمدلله مابيحتفلش بأى

حاجة خالص.. كتر خير الدنيا انى بعمل للبنات اعياد ميلادهم.. وخصوصا

ان لحظى السعيد البهيج عيد ميلاد بنتى الصغيرة بعدى بيوم، ف أخدت منى الأضواء

هيييييح يالا الواحد هياخد زمنه وزمن غيره

بس ده لا يمنع إنى طول شهر مارس بطلب من أبوهم طلبات ع حس ان عيد ميلادى اخر الشهر بقي..

ايييييييه ده شهر ف السنة؟؟ احم قصدى يوم ف السنة
رحاب المليحي

8 comments:

Anonymous said...

Marwah Mohamed Yaqout
عسل يا حوبا...كل سنة وانتي طيبة ودلعي نفسك بقى واستعبطي كده وقولي لولادك وجوزك انتي نفسك في ايه واعملي نفسك مش واخدة بالك ...الخطة دي بتنجح جدا ..اسأليني أنا ههههههه

Anonymous said...

Heba Mohmed
كل سنه وانتي طيبه يا
جميل وعقبال 100 سنه في صحه وافضل حال باذن الله

Anonymous said...

Sayed El Keblawy
كل سنه وانتى طيبة يا حوبا والحمد لله انى مش كلوز فريند والا كنت غرمت هدية وشحن :D

Anonymous said...

Neveen Mohamed
Happy birthday ya Rehab wish u and your family all the best

Anonymous said...

DoAa Mamdouh
ههههههه عسل يا هوبه وكل سنه وانتى طييبه بقى وياارب تحققى كل الى نفسك فييه

Anonymous said...

Magda Hassaan
كل سنه وانت طيبه يا حبيبتى ربنا يسعدك

Anonymous said...

Hossam Shehata
يا رب تحققي كل اللي نفسك فيه السنه الجديده

Anonymous said...

Shirehan Mohamed Salem
كل سنه وانتى طيبه يا حوبا وعقبال مليون سنه وأرضى بقليلك ههههههههههههههههههههههههههه