Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Tuesday, March 26, 2013

حكاية متكررة



-         حبيبتى يا لولا.. وحشتنيى يا بت
-         والله انتى اكتر يا لوزا.. مش مصدقة اننا بقالنا 5 ساعات ماتكلمناش
-         ماتفكرنييش، ده النت فصل ومش معاية كريدت ف الموبيل، معرفتش اتصل بيكى يا بيبى
-         لا، وانا كمان كنت مصدعة قوى ف نمت ولسه صاحية دلوقتى
-         الف سلامة عليكى يا عمرى.. خلى بالك من نفسك بقى ماتخضنيش عليكى
-         لأ، انا احسن دلوقتى مش تقلقى عليا بيبى، مووووه

****** بعد يومين
-         لوزا،
-         نعم يا رو....
-         تعاليلى ع الشات ضرورى عايزاكى
-         ايه؟ خير يا بنتى؟ مالك؟ قلقتينى عليكى
-         انتى كلمتى حمادة ؟
-         هه؟ حمادة مين؟
-         انتى هتستعبطى؟! حمادة الواد بتاعى.. ها، رجعت لك الذاكرة كدة وللا لسه؟
-         ااااااه، ايه يا حبى هو انتى هتغيرى منى وللا ايه؟ ده هو جه ع بالى قلت أسأل عليه
-         ممممممم طيب ياريت ماتتكررش
*******
-         لوزا، هو انا مش سبق وقلت لك مالكيش دعوة بحمادة؟
-         حمادة، حمادة، قرفتينى يعنى.. مالك واخدة فيه شالوت كدة؟ ده حتى ولا شكل ولا منظر
-         والله؟ ماتخلينا نتكلم ع المكشوف بقى.. وقولى انك هتموتى عليه؟
-         نعمممممم؟ لأ يا عينيا.. ده ما يسواش بصلة ف سوق الرجالة.. وع فكرة بقى ده بيضحك عليكى.. وانا لولا انى بخاف ع مشاعرك كنت صدمتك بحقيقته
-         يا شيخة؟ ايه التناقض اللى انتى فيه ده؟ وايه بقى اللى خلاكى تحسى بكدة يا هانم؟
-         افتكرى ان انتى اللى طلبتى تعرفى.. حمادة بتاعك ده بيجرى ورايا بالمشوار وانا اللى منفضاله.. أقوله ماتنساش انك مرتبط بأختى وصاحبتى.. يقولى ما انا ارتبط بيها بس عشان أوصللك
-         ايه؟؟؟؟؟؟
-         هى دى حقيقة حمادة بتاعك، وانا اذا كنت بكلمه ف ده عشان أعقله كدة وأخليه يسبنى ف حالى ويركز معاكى انتى
-         لا ونبى؟ لأ تصدقى طلعتى أصيلة والله
-         هيييح شوفتى ازاى ظلمتينى؟
-         لوزا، انا مش عايزة اعرفك تانى عشان انتى شخصية واطية.. وانا للاسف اتخدعت فيكى.. وخلى حمادة بقى ينفعك.. مهو أصل الطيور ع اشكالها تقع

رحاب المليحي

8 comments:

Anonymous said...

Marwa El Etriby
بتحصل

Anonymous said...

Sarah El-Eskafy هههههههههههههههههههههههههههههههههههه دى نص خلافات البنات عشان السبب المتخلف ده اصلا
يلا اتلم تنتون على تنتن

Anonymous said...

Basma Bahaa
حاجة تكسف

Anonymous said...

عليكم و علي حماده ف يوم واحد :(
إيه البنات الي يخسرو بعض عشان شاب دول S:

شاهندا

Anonymous said...

Hëñd Êl-Shãmý
fe3laaaaaaaaAn .... Nooos albanaaaat kedaaaaa :S

Anonymous said...

Hossam Shehata
بتحصل كتييرررررر

Anonymous said...

Ramy Elalfy
"مهو أصل الطيور ع اشكالها تقع " لتاني مره بشوف الجمله دي
مش عارف ايه حكايتها معايا
بس زي ما قالت ساره معظم خناقات البنات مع بعضها بتكون لنفس السبب ده
ربنا يهدي

Anonymous said...

Mohamed Ibrahim El Banna
:P أنا حماده ومعرفش آلاتنين