Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Sunday, March 10, 2013

بدون عنوان.. قصة للاسف حقيقية



رجل متزوج وربنا رزقه بتلت اطفال.. الوسطانية كانت بنت.. 

وبرغم ان الأب معروف انه مش بيحب خلفة البنات.. إلا إنها كانت أكتر أولاده اهتماما.. وطلباتها كلها مُجابة من صغرها عن أخواتها الولاد.. وكان بيديها فلوس من غير حتى ما تطلب

البنت كانت دايما فى صف أبوها ضد أمها.. بمعنى إن لو الأب غضب من أمها..

 البنت توبخ الأم لزعل الأب.. ولو الأم عملت حاجة غلط.. تجرى البنت تحكى لأبوها

كان مُلاحظ ع البنت من صغرها إنها جريئة زيادة عن اللزوم سواء ف كلامها أو أفعالها.. ولكن ماكنش حد بيدى للموضوع ده أهمية

لحد ما فى يوم حصلت لأول مرة خناقة ما بين البنت وأبوها وهى فى تانية جامعة..
 وجريت البنت ع أوضتها وقفلت عليها الباب بالمفتاح ورفضت إن حد يدخل عليها

والأم كانت واقفة مش فاهمة حاجة.. والأب عمال يزعق لبنته عشان تفتح الباب.. 

وفجأة خرجت البنت من أوضتها وبكل وقاحة قالت للأب: أنت وسخ

وحكيت قدام أمها وأخواتها الولاد عن سبب حب أبوها الشديد لها..
إنها من وهى فى تانية ابتدائى وهو كان بيخليها تقعد ع رجله وتحسس عليه.. وانه صحى فيها الغريزة من صغرها

وكان بيدخل عليها اوضتها على انه هيذكرلها ويحصل اللى يحصل.. وبعدين يخرج من عندها يصلى عشان محدش يلاحظ حاجة.. وإنه كان دايما بيهددها إنها لو قالت حاجة لأمها.. هيخرب البيت ويطلق أمها.. وإنها مابقيتش بنت

الأم كانت عاملة تسمع بنتها وتصوت وتصرخ وتضرب نفسها..
 والأب يزعق فى بنته ويقولها لأ انتى كدابة.. انتى لسه بنت.. انا كنت عارف انا بعمل ايه ومفقدتيش عُذريتك

الأم أخدت بنتها ع الدكتور تكشف عليها وطلعت فعلا مش بنت..
رفعت الأم السماعة على الأب وقالت له كدة.. 

قالها انتى كدابة هى لسه بنت.. وانا ماقدرش اعيش من غيرها.. انا بعشقها ماتخليهاش تسبنى

أخوها الصغير اتعقد نفسيا بعد الموضوع ده..
 واخوها الكبير منع دخول الأب البيت.. 
والأم قدمت بلاغ ضد الأب
ويبقى الحال ع ما هو عليه لحد ما القانون ياخد مجراه
 ****
اللى يعيش ياما يشوف

رحاب المليحي

17 comments:

Anonymous said...

Basma Kamal
حسبى الله ونعم الوكيل فيه انا لله وانا اليه راجعون يارب الطف بينا

Anonymous said...

Maha Abd Elmoneum Sadeek
ليه وجع القلب ده بس يابنتى :(

Anonymous said...

Marwa Aref
انا مش فاهمه الناس دى تركيبيتها عامله ازاى من جوه ؟؟ بنى ادمين زينا برضه ؟؟

Anonymous said...

Esoo Abdallah
للاسف الواقع خلى القصص بتاعة الخيال العلمي اللي احنا بنقراها اكثر واقعية ومنطقية .. ربنا كبير قوي ومبيسيبش حد مظلوم

Anonymous said...

Hëñd Êl-Shãmý
7asbyyy allah w n3m alwakil feeeeee eh :S

Anonymous said...

Sayed El Keblawy
كل بنت يعنى تحرص من ابوها ..يا لهوى !!

Anonymous said...

Fatimah ElZahraa Qasem
ده أكيد مش طبيعى لا مش طبيعى نهائى
يا قهرى

Anonymous said...

ZǿǾmẫ ZǾǿmä Shŗbãtiķǻ !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! ايه

Anonymous said...

Lamiaa Abomira
استغفر الله العظيم رحمتك يارب

Anonymous said...

Ikhlaas Abdelmohsen
انا قريت وسمعت وشفت في البرامج كوبي من القصه دي بكذا طريقه
منه لله الاب ده

Anonymous said...

Ahmed El Desouky
والأب يزعق فى بنته ويقولها لأ انتى كدابة.. انتى لسه بنت..

انا كنت عارف انا بعمل ايه ومفقدتيش عُذريتك
--

مشكلتها كلها دلوقتي هو خلاها مش بنت ولا لأ ؟!!

بقالي دقيقة ونص مش عارف اكتب ايه
قريت قصص زي دي قبل كده بس لحد دلوقتي مبقدرش اتخيل نفسية الأب اللي بيعمل كده

Anonymous said...

Tota Adham
حسبى الله و نعم الوكيل

Anonymous said...

Amin El-Masry
يا مصيبتي

Anonymous said...

Sara Helal
حسبى الله و نعم الوكيل

Anonymous said...

Taha Mabrouk
لطفك بينا يارب

Anonymous said...

Basma Abdelbaset
قلبى هيقف :((((

مع أنى قريت قصص كتير قبل كده وللأسف الرجالة وأسفة انى بقول عليهم رجالة اللى بيبقوا من نوعية الراجل ده بتبقى الحيوانات أحسن منهم مليون مرة

مرة قريت قصة عن أب كان بيعمل كده مع بنته ولكن هيا ما فضحتوش زى دى والبنت اتجوزت وتخيلى ان حتى بعد ما اتجوزت كان ابوها بيروح لها فى المواعيد اللى ما بيبقاش جوزها فيها عشان يكمل قذارته

ياربى على دول حيوانات

Anonymous said...

Mona Elshennawy
ان لله وان اليه راجعون
الواحد مش عارف يقول ايه
يخربيت كدا
دا ميتقلش عليه لقب أب دا حيوااااان
بالعكس الحيوان أحسن منه
يارب إرحمنا وطلعنا منها علي خير ياااااارب