Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Sunday, December 30, 2012

كاميرة النوم الخفية



لما بتكون سينجل ونايم ف اوضتك لوحدك بليل مقفول عليك بابك.. اكيد ممكن تعمل حاجات وانت نايم.. لكن عمرك ما هتعرفها لو محدش حكالك عنها

لما تتجوز بقى الموضوع بيختلف.. وبرغم انك بتنفش ريشك.. وتقعد تحكى وتتحاكى لنصك التانى انك ما بتتحركش ومكان ما بتنام بتقوم من غير ما حد يحس بيك.. وانك عمرك ابدا ابدا ما عملت صوت نهائى وانت نايم ( لا من فوق .. احم، ولا من تحت)
بس لحظك السىء والأكيد ان الحقيقة المُرة هتبان ومسيرك ف يوم من الايام هتتكشف

مثلا مثلا يعنى

-          يا حبيبتى هو انتى ليه بتشخرى وانتى نايمة؟
-          هه؟ انا؟ عمرها ما تحصل.. تلاقيه كان صوت شخيرك انت وصحيت عليه.. هىء
-          طب اسمعى كدة
·         يفتح موبيله ويسمعها صوت شخيرها وهى نايمة
-          ايه ده؟؟ مين دى؟
-          ده انتى يا حياتى قلت اسجلك صوتك عشان تصدقينى
-          انت اكيد بتهرج.. انا صوتى كدة؟ لأ لأ لأ مش صوتى ده
-          ده انا كنت حاطيت الموبيل جنب بُقك.. وانتى ولاااااا حاسة.. بس انا خُفت من قوة شخيرك تاخدى معاكى فردة الشبشب ولا حاجة
******
-          حبيبتى هو انتى ضربتينى وانا نايم؟
-          نعم؟
-          اصلى صاحى عينى ورمة وبتوجعنى
-          أومال انا اقول ايه.. ده انت نمت وانا كنت لسه صاحية وشى ف وشك وسرحانة.. لاقيتك بطول دراعك وهوب مدينى بالبونية ف وشى
-          مين ده؟ بطلى تتبلى عليا بقى
-          وشوية وعقبال ما فوقت من البونية.. قمت بركبتك وراشقها ف ركبتى.. ايه بتلعب ماتش مُلاكمة ف الحلم؟
-          كل دى اشاعات مغرضة عشان تدارى عملتك
-          اشاعات؟ ده انا كنت خلاص هسب لك
-          هسب لك؟ حد يقول لجوزو هسب لك؟!!!
****
-          هو ايه اللى انت عملته امبارح ده؟
-          عملت ايه يا بيبى؟
-          كنا نايمين وتقريبا انت صحيت مفزوع على حاجة وقعت ف البيت.. روحت ماسكنى من كتافى وقعدت تهزنى وتزعق وتقول: قومى شوفى في ايه؟ قومى شوفى فى ايه؟ خخخخخخخخ ونمت تانى
-          هههههههههههه اه تصدقى انا لما صحيت الصبح.. افتكرت حاجة شبة كدة ف قمت اشوف بقى هو كان ايه اللى وقع بليل واحنا نايمين.. احم سورى بيبى
****
-          لأااااااا كدة كتير بقى، كدة كتير
-          ايه يا بنت الناس بس ايه اللى حصل؟
-          ابقى نايمة بليل الاقيك فجأة وبدون مقدمات تنزل عليا بالأقلام لحد ما عدمتنى العافية.. وبعدين تقولى اوووووه سورى سورى وف ثانية تكمل نوم تانى..
-          ممممممم، مش فاكر.. اكيد كنت بحلم بحاجة فيها ضرب ف جت فيكى.. انا اسف يا حبيبتى

رحاب المليحي

20 comments:

Anonymous said...

Ragaa Mostafa
ياااادي الفضايح انا هتفضح

Anonymous said...

Ramy Elalfy
وياريتها بتيجي علي كده وبس ههههههههههههههههههه
حلوه يا حوبا واحشتني الحاجات دي

Anonymous said...

Marwa El Etriby
أحيه

Anonymous said...

ZǿǾmẫ ZǾǿmä Shŗbãtiķǻ هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه مسخره امتجوزين

Anonymous said...

Maha Abd Elmoneum Sadeek
:D الله يطمنك يا اختى

Anonymous said...

Mo'men Sa'ad افتكرت ذكريات كدا من الطفولة :))

Anonymous said...

Rana Badawy
بشرينا كمان أحوبة..بس حلو موضوع اللي يصحى يضرب وينام بافكر كل ما ابقى مفروسة اعمل نايمة وبحلم بخناقة واقوم امثلها وانام

Anonymous said...

Shahenda Salem
هههههههههههههه ههههههههههه موتيييييييني من الضحك
ياالله

Anonymous said...

Hend El Shamy hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh ana 3ndy o5ty also3'ira lma btnam ganby ba5ooood bl shalaleeeeeeeeeeeeeet

Anonymous said...

تحفه :)))
افنان

Anonymous said...

Ahmed Mamdouh
حوبا ،، فكرتيني بأيام زفت

Anonymous said...

ده كده كويس داي حاجات بسيطة فيه بلاوي اكتر من كده بكتير
احمد عامر

Anonymous said...

Mohamed Ibrahim El Banna
احيه انا بنام وبصحى فى نفس المكان ولا بتقلب ولا بمشى وانا نايم ولا اى حاجه سعات بس بصحى الاقى نفسى فوق الدولاب بس ببقى فى نفس الاوضه

Anonymous said...

Sayed El Keblawy
ايه الفضايح دى ..الله يسامحك شكلى هغير رأى ومش هتجوز

Anonymous said...

Samah Gebril
سنجل وافتخر

Anonymous said...

Mostafa Hassan
والهى دحك السنين بجد تحفة تسم ايدك

Anonymous said...

Manoo Atia
مفيش احسن م انك تعيش سنجــــــــــــل وتنام سنجـــل بس حلوه جداا

Anonymous said...

Mira Mahmoud
هههههههههههههه وماخفي كان اعظم

د. إيمان يوسف said...

بجد ضحكتيني جدا يا رحاب
انتِ فعلا اروووووووبة

مودتي :)

منجي بـــــــــــــاكير said...

((هؤلاء يعيشون بيننا )) مقطع يثير فيك أكثر من سؤال ؟ هل أنت حقّا تمارس إنسانيتك كما يجب ؟ هل أنت تبيت راضي الضمير ؟ هل أنت على استقامة كاملة في دينك ؟؟؟لا تتردّدوا ،، شاهدوا ما يؤلمنا لكن يصحّينا !!!/
http://zaman-jamil.blogspot.com/