Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Sunday, September 23, 2012

بوليس اه.. زعل مراتى لا

مصرى شُغلته يشترى عربيات ويعرضها للبيع على الانترنت.. جاله واحد انجليزى وعاجبته العربية وقرر يشتريها
وفعلا اشتراها ودفع تمنها ومضي العقد..

اتصل بعدها بمراته عشان يفرحها انه جابلها العربية اللى اختارتها من ع النت
فوجأ بيها بتقوله يرجع العربية.. لإن عاجبتها عربية تانية ع النت

ف رجع للبياع يقوله: معلش انا عايز ارجع لك العربية تانى لحسن مراتى مش عايزاها.. ولو رجعت البيت بالعربية، ده هيسبب لى مشكلة مع مراتى

البياع (المصرى) قاله: لا ماينفعش، انت اشتريتها ومضيت العقد

الاجنبى قاله: خلاص انا هبلغ البوليس

البياع قاله: جو اون

جه البوليس فعلا.. البوليس كان فاكر ان العربية مثلا مسروقة او فيها مشكلة.. وإن المشترى اكتشف ده وعايز يرجعها

لكن البياع (المصرى) شرح الحكاية للبوليس

ف البوليس سأل الاجنبى: هل العربية فيها حاجة غلط؟ مش انت جربتها؟ ومضيت العقد؟

يبقى كدة خلاص مفيش غلط ع البياع.. وانت دلوقتى صاحب العربية.. اما موضوع مراتك.. ف ده تروح البيت بقى، وتحل مشكلتك مع مراتك

المشترى قاله: طيب ممكن ادفع غرامة وارجع العربية؟
البياع وافق وقاله: ادفع

بس لما المشترى رجع كلم مراته ياخد الأذن بدفع الغرامة عشان يرجع العربية بناءا ع طلبها
رفضت الزوجة دفع الغرامة وقالت له: خلاص هاتها مش مشكلة
*******

** شوفتوا الرجالة الاجانب مُطيعين ازاى؟ يوصلوا الموضوع للبوليس خوفا من زعل زوجاتهم
رحاب المليحي

7 comments:

Anonymous said...

Marwa El Etriby
أحيه أحيه

Anonymous said...

Sarah El-Eskafy
فى منه تانى عندكوا ده؟

Anonymous said...

Sayed El Keblawy
ونعم الشوال اقصد المان :)

Anonymous said...

Hend El Shamy
انا عايزة من المُطييع دة :D

Anonymous said...

Karim Elsheikh
هو ده لا مؤاخذة راجل !!!؟

Anonymous said...

Ramy Zaza
حاسس بسقعة فى قفايا مش عارف ليه

Anonymous said...

Mohamed Ibrahim El Banna
مش تحمد ربنا انه رحمها من الشعبطه فى الاتوبيس وحابلها عربيه ايه الناس دى انا لو مكانه كنت رجعت العربيه ودفعت الغرامه ركبتها تكتك