Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Wednesday, May 16, 2012

صديقك وقت الضيق


تبقى زهقان تعبان داخل تنام.. تلاقى صاحبك يبعتلك يقولك انت صاحى؟ اصلى قرفان ومخنوق شوية

يروح النوم من عينيك وتقوم تكلمه سواء شات أو فون وتحاول تعرف ماله.. وحتى لو معرفتش تحل له مشكلته ع الأقل تبقى سمعته.. ويبقى ع يقين إنك ضهره ووقت ما يحتاج لك هيلاقيك

ويتكرر الموضوع مرة ف التانية وانت مبسوط بكونك أقرب حد له.. وانه مش بيرمى حموله غير عليك..

ممكن تكون شايف ان فيه ناس تانية بتاخد الجانب الحلو منه.. بمعنى ان وقت التهريج والخروج والهزار بتكون من نصيب ناس تانية.. وانت نصيبك الهم والنكد.. وبرغم كدة انت راضى ف هو انتيمك وأعز صاحب ليك.. وحقه عليك انك تستحمله

وفجأة كدة تلاقيه قلب عليك.. مالك يا عم؟

مفيش مصدع، زهقان، تعبان.. فكك منى دلوقتى..

طيب، براحتك

وفجأة برضه يتعدل ويبقى تمام.. وقبل ما تنسى طريقته السخيفة اللى عاملك بيها فترة.. يرجعلها تانى

وتتوالى الحجج الفارغة ويزيد عليهم التنفيض، تبعت له مايردش، تبعت له تانى يقولك اه معلش ماخدتش بالى

تقوله لا تمام كنت بس بطمن عليك

مع الوقت بقى تاخد ع طريقته دى.. وتكبر وتطنش وتعامله زى ما بيعاملك.. مهو مش حق مُستحق يعنى انك دايما حمال القاسية.. مش حقه انه وقت ما يحتاجك يلاقيك لكن وقت ما تحتاجه يصدر لك الطرشة..

هو احنا مش كلوز فريندز برضه؟ يعنى ليا حق عليك زى ما ليك حق عليا وللا هى الحياة وان واى؟

خلاص هعملك بالمثل، وماتزعلش بقى.. انت اللى اخترت من الأول.. وانت اللى هتخسر ع فكرة مش انا

اصل الناس الكتيرة اللى حواليك اللى بتطبلك وقت فرحك وانبساطك دول هتلاقيهم ف الحلوة بس.. لكن تأكد انك لو وقعت هتبص مش هتلاقى حد حوليك.. أصل اللى بيكونوا جانبك وقت الجد وقت الهم وقت الضيق بقوا قليلين ف الزمن ده..

رحاب المليحي



16 comments:

Anonymous said...

Mohamed Mashaly
يا ستى الناس دى يتنفضلها ع طول
اللى مش مقدر المعزة دى ما يستاهلش

Anonymous said...

Yasser Eltahan Eltahan
من بعد حنية ربنا مش محتاج شى تانى

Anonymous said...

Omer Ismail
انت صاحى؟ اصلى قرفان ومخنوق شوية

Anonymous said...

Noga Elmasry
الكلام ده صح وكتير اووووى من الناس بقو كده بس لحد دلوقتى برده فى اصدقاء بيبقو معاك على الحلوه والوحشه بس بجد باقو حاجه نادره دلوقتى

Anonymous said...

Nouran Heider
da mn el akher

Anonymous said...

Ahmad Mokhtar
حلو قوي النوت دة .. عجبني قوي .... جامد :D

Anonymous said...

انا قرات مدونتك عجبني اسلوبك السهل والتلقائي

حتي نقدك للامور دمها خفيف

حقيقي غيرتي مودي

شكرا

محمد خميس

Anonymous said...

Mai Mima
رااااااااااااااااااااااااااااااااااائعة

Anonymous said...

Haitham Ahmed
LIKE

Anonymous said...

Ahmed Hasan
sa7 awyyyyyyyyyyyyyyy

Anonymous said...

Ashraf Adel
الكلام صحيح لكن و الله اللى بيقف جنبك فى وقت الضيق كتير اوى بس احنا اللى بقينا بنبص لنص الكوبايه الفاضى

Anonymous said...

Shady Maged Naguib
اه والله الموضوع ده جه على الجرح فعلا

Anonymous said...

ÑoÐy Xerxes
aaaaaaahhh get 3l gr7777

Anonymous said...

Mohammed El Sharawy
الحمد لله لاحد بيسال عليا ولا لما بسال على حد بيطمن حتى من باب الجميله

Anonymous said...

Rehab Ezz Eldeen
و الله كأن انا اللي بتكلم

Anonymous said...

Esraa Sallam
Tmaaaam !!!