Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Saturday, April 28, 2012

المظاهر مش كل حاجة


زمان كدة كان يقولك:

اعرف الشخص اللى قدامك من جزمته.. يعنى لو لقيت جزمته مش نضيفة يبقى هو مش قد كدة..

بس لو كانت متلمعة بقى وع سنجة عشرة.. ولو كمان لايقة مع هدومه يبقى هو مية مية

الكلام ده بقى عكس مثل تانى دايما بنردده

تعرف الشخص ده؟ اه اعرفه.. عشرته؟ لأ.. يبقى متعرفوش

مهو اصل مينفعش ابدا ابدا ناخد بالمظاهر..

جزمة ايه دى اللى هنعرف بيها البنى ادم اللى قدامنا؟

للاسف المظاهر بقيت هى السائدة ودايما خداعة

تلاقى واحد قدامك مستحمى وفارق شعره من النص ولابس ومتأنتك وع سنجة عشرة.. لكن يفتح بُقه بس ويتكلم.. تبقى عايز تديله باللى ف .......

وواحد تانى غلبان وعلى قده جدا.. بس لو اتكلمت معاه تلاقيه مثقف جدا واحيانا حتى مش بتعرف تجاريه من علمه وثقافته الواسعة

وواحد تالت حافظ مش فاهم.. كل كلامه قال الله وقال الرسول.. لكن كل أفعاله عكس كلامه تماما

وبعيدا عن كل ده

فيه حاجات تانية المظاهر بتلعب فيها دور كبير

زى انك تكون متفرتك حزن من جواك.. بس قدام الناس تهييس وتبين انك عادى ومبسوط.. وتقول يعنى هى الناس ناقصة؟ مهو كل واحد فيه اللى مكفيه.. خلينى اوهم نفسى انى مبسوط يمكن تقلب جد ومودى يتعدل

وزى انك تلاقى واحد عايش حياته بالطول والعرض.. تحسده وتتمنى انك تكون زيه.. بس انت مش عارف ايه سر اللى بيعمله ده؟ مهو ممكن يكون مثلا مريض وبيحاول يغطى على ده بإنه يوهم نفسه إنه سعيد.. يمكن يكون ربنا مش كاتب له مثلا ان يكون له طفل من صلبه.. ف بيحاول يوهم نفسه انه مش ناقصه حاجه

ويمكن ويمكن ويمكن

وقيس ع كدة حاجات تانية كتير

بلاش نتوهم بالمظاهر

المظاهر مش كل حاجة

رحاب المليحي



8 comments:

Anonymous said...

Sahar Abd-Elhamid Elzayat
المظاهر خداعة !

Anonymous said...

Yasser Eltahan Eltahan
احلى حاجة انك عاقلة ولربنا يسار

Anonymous said...

Dalia Hazem
جميل يا حوبا :)

Anonymous said...

Sami Ahmed
الإمام على:
تَكَلَّمُوا تُعْرَفُوا فَإِنَّ الْمَرْءَ مَخْبُوءٌ تَحْتَ لِسَانِهِ

Anonymous said...

رحاب _ المظهر مش كل حاجه هذا لا يعني أن لا نهتم. عموما الاعتدال مطلوب في الحياه. بقدر الاستطاعه _
أسلوبك جميل به بساطه
سلسل

تحياتي
أيمن المليحي

Anonymous said...

Mohamed Mashaly
اعرف الشخص من جزمته ؟؟؟يا مدام بوز جزمتك يدل ع انوثه طاغية

Anonymous said...

جميلة الفكرة وربنا يفتحها عليكى

ماما

Anonymous said...

Basma Kamal
تسلم الايادى