Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Thursday, April 26, 2012

انت بقى مع انهى رأى فيهم؟


اختلفت الأراء ما بين الناس اللى مع (تاج) الفيس بوك

والناس اللى ضد (تاج) الفيس بوك

وبما اننا ناس سمتها الديمقراطية .. عشان كدة دايما نسمع للرأى الأخر ونعمل برضه اللى فى دماغنا ف الآخر

الرأى الأولانى يقولك**

لما اشير صورة واعملك فيها تاج.. ده معناه انى بقدرك وانى بعتبرك واحد من اصحابى على الفيس.. ويهمنى أسمع رأيك فى الكلام اللى انا كتبه

ف مايصحش يعنى انك تشيل نفسك من التاج وتتسحب كدة وتخرج من بره بره..

ابسط الايمان يا اخى اعمل لايك واطلع، حتى لو ماقريتش اللى مكتوب

لكن بقى لو عايز تقدرنى علق على اللى مكتوب..

وياااااه بقى لو شيرته كمان.. يبقى كدة انت تمام قوى وصاحب صاحبى

الرأى التانى يقولك**

ده انا بسب والعن كل يوم ف الناس اللى بتعملى تاج عمال على بطال دول

تلاقى حد معرفوش اصلا وعاملى تاج ف صورة هبلة يقولى صباح الخير عليكم

طب اقوله ايه ده؟؟ اهو قفلنى قبل ما يومى يبدأ

ال ويقولك بيقدرنى.. هو انت تعرفنى اصلا يا عم انت عشان اقدرك ولا تقدرنى؟

واتنفخ بقى أنا نوتيفيكشن ع الفيس وعلى الميل وع الموبيل كمان لو موصله بالفيس

ليه يعنى؟ لا يهمنى كلامك ولا كلام الناس اللى هتعلق ع صورته الخُزعبلية

وبعدين مرة فى التانية لاقتنى بشيل نفسى من التاج ولا مش بعلق.. خلاص خف نفسك بقى وبطل تزهقنى بتاجاتك

سبنى كدة منى لنفسى بمزاجى الاقى البوست بتاعك ع الهوم عندى.. لو شدنى هدخل اقراه لوحدى من غير ما تنبهنى بالعافيه لوجوده

عالم غريبة مريبة

** انت بقى مع انهى رأى فيهم؟؟؟

رحاب المليحي


13 comments:

Anonymous said...

Mohamed Mashaly
انا اعطى لسيادتك كامل الحق فى اى تاج تعمليه ليا .

Anonymous said...

Aya Hamdy
‫انا مع التاج ^_^‬

Anonymous said...

Ẳmeṙt Ḕl Ẁaṙd
بصي النوع الاول ده الللي ناس متعرفهمش يعملولك تاج رخمه
لكن لو حد من صحابي عادي يعني مش بضايق

Anonymous said...

Abeer Ali
يااااااااه وكأنك حاسة بيا

Anonymous said...

انا مبحبش التاجات على الحاجات اللى مالهاش لزمة
صباح الخير ومساء النور ووردة وصورتك وانت صغير وقطة شوفتها وانت معدى من جنب البلاعة الجو ده ماليش فيه يا حاجة مفيدة يابلاش

سارة الاسكافى

Anonymous said...

Ahmed Elsheikh
والله ، أنا مع الرأى الاول ، استاذه/رحاب ....... مع خالص شكرى وتقديرى .

Anonymous said...

Mohamed Ibrahim El Banna
والله اى بتاع يا حوبه انا شخصيا عمرى ما فكرت فى الحوار ده

Anonymous said...

محمد بريك
انا الأولاني
وساعات باعمل التاني

Anonymous said...

Sameh Ezzat Khater
بصراحه هوا جه ف
وقته لاني لما بغيب يومين ع الفيس اجي الاقي تلاتين تاج كده وكلهم هبل ف الجبل .. عموما ربنا يجعلنا خفاف ديما

Anonymous said...

Sami Ahmed
طبعآ مع اﻷولانى، احنا هنهزر ولا ايه؟ :-)

Anonymous said...

Nehal Rashed
ana ma3 w dad :D

Anonymous said...

Sara Noury
هههههههههههه لا حلوة :)))

Anonymous said...

Sara Al Safty
لو انت عامل تاج لناس اصحابك اوييي وتعرفهم..يبئا مش من الذوق يطلعوا كده من برا برا من غير ما يعبروك..بس ان حد غريب يعمللك تاج عشان يضمن ان حد هيعبره..دي رخمه صراحة