Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Wednesday, March 14, 2012

حدث بالفعل


حدث بالفعل ف لندن***

اتصلت صحيت صاحبتها من النوم الساعة 7ص

- خير يا سامية؟ مش عادتك تتصلى بدرى كدة!

- الحقينى

- في اييييييه؟ ولادك بخير؟

- مش انتى تعرفى بنوتة ف مدرسة ولادنا اسمها روشان؟!

- ايوة مالها؟

- ولادى كانوا فى الجنينة دلوقتى بيلعبوا (بالهوكى توكى)، لقطوا اتنين انجليز بيتكلموا مع بعض.. واحد بيقول للتانى : هتروح المدرسة الفلانية عدى البوابة هتلاقى البنت خدها وامشى، بس هما ماسمعوش اسم البنت كويس بيقولولى روشان، راشيل.. حاجة زى كدة.. لكن متأكدين من اسم المدرسة

- يا نهااااار اسود.. طب انا اعمل ايه دلوقتى؟ اعمل ايه؟

- مش انتى تعرفى مامتها؟ حسيتى منها ان فيه مشاكل مع جوزها مثلا؟

- اه اعرفها، بس لأ عمرها ما كلمتنى على مشاكل ف البيت عندها

- طيب خير، بصى احنا نستنى لما نقابلها ف المدرسة ونقولها عشان اخلى مسئوليتى

- اه لازم نقولها، بدل ما تحصل مصيبة ونقول يا ريتنا.. بس ربنا يستر بقى من رد فعلها

فى المدرسة**

- صباح الخير يا ام روشان

- صباح النور

- انتى كويسة؟

- اه الحمدلله

- قوليلى انتى عندك فكرة اذا كان فيه ف المدرسة روشان تانية غير بنتك ولا لأ؟

- لا اكيد معرفش

- اممم، طب هقولك ع حاجة من غير حساسية

- خير؟

- هو انتى فيه بينك وبين جوزك مشاكل؟

- لأ خالص، اشمعنى؟

وحكوا لأم روشان الموضوع من اوله لأخره، وانهم كانوا لازم يخلوا مسئوليتهم ويبلغهوها بحاجة زى كدة وهى اللى تتصرف

وف نفس الوقت بلغوا المدرسة بالموضوع، والمدرسة اتصلت بالبوليس..

والبوليس جه وقف قدام باب المدرسة فى انتظار عمو صاحب ابو روشان او راشيل اللى جى يخطفها عشان يخطفوه هو واللى يتشدد له

رحاب المليحي



9 comments:

Anonymous said...

ده كابوس
خير اللهم أجعله خير وأبعد عنا كل شر
mama

Anonymous said...

Sarah El-Eskafy ‎:S

Anonymous said...

Mohamed Mashaly
هو ف مشاكل بين ابو روشان و ام روشان ؟؟ بقى ده سؤال حتى ام روشان زى النسمه و محدش بيسمعلها صوت

Anonymous said...

Mohamed El Bermawy
انا مش فاهم حاجة .. هو مين اللى هيخطف روشى ولا هيا متخطفتش ولا اية اللى بيحصل ولا حد خطف امها

Anonymous said...

Ramy Elalfy
صباح الفل يابرماوي
بس ناس جدعان بلغوكي علي طول اهوه
ربنا يحفظكم ان شاء الله

Anonymous said...

Nona El Shamy
‎:S :S Rabenaaa Y7fzhaaa ya Re7aaab w Yb3d 3nhaaa ay Shar :S

Anonymous said...

Mo'men Sa'ad
كدا .. بعد ما تجبيله البلاي ستيشن .. يخطف بنتك ..
بس كويس انه سايبلك جومي .. :))

Anonymous said...

Ganga Hoba
shofty el 5atf msh fe masr bs :) , 2oly l mama b2a en el 7ramia gat 3ndena e7na kma w mestnen bnty hat2olk t3aly 3la tolllllll :)

Anonymous said...

Hala Ali
ان شالله يكون غلط بالاسم ربنا يحميلك بناتك وماتشوفين شر فيهم يارب
والله خطفتي قلبي