Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Tuesday, February 14, 2012

رومانسية الرجالة

سألتنى : وانت ازيك كدة؟

قلت لها: كويس

قالت لى: طب وكدة؟

قلت لها: هنهزر بقى!

قالت لى: هو الواحد ميعرفش يهزهز مع جوزو شويتين

قلت لها: لأ عندى كرشة نفس ومش ناقصك ياختى

قالت لى: يعنى اشترى واحد بالكهربا اهزهز معاه مثلا؟

قلت لها: لألألألأ، وع ايه المصاريف؟ هزرى ياختى هزرى

قالت لى: طب هات اللى عليك

قلت لها: اللى هو؟ الحديدة؟ اصل ده اللى فاضل معاية

قالت لى: هنستعبط بقى!! اطلع بمصروف البيت

قلت لها: مصروف ايه يا روح ..!!!!! انتى مش لسه مقلبانى امبارح؟

قالت لى بثقة: امبارح مش كان الجمعة؟ يعنى نهاية الاسبوع.. والنهاردة بداية اسبوع جديد، انكر بقى انكر؟

قلت لها: هاشمر وادعى عليكى ساعة فجرية.. ياااااا ظالمة

قالت لى: مااااايُحكمشى، الحق عليا عايزة اعملك ميفاجأة واجيبلك هدية الفلانطين

قلت لها: فلا .... ايه ؟ طينة تنزل ع دماغك يا بعيدة، تمحيلك ملامح وشك اللى كلها جاية حتة واحدة دى.. ويطلع ايه فلانطين ده؟

قالت لى: انت بتشتمنى؟ وانا اللى عايزة انجرك.. يقطعك يا بعيد.. فقرى من يومك

قلت لها: امشى، امشى شوفى الواد اللى بيعيط ده، امشى جاتك ماشيه ف رُكبك

قالت لى: يارب ما توعى تصرف الكام لحلوح اللى معاك يا بخيل يا جلده

جريت وراها وحلفت ما انا سايبها غير وانا مكسر ع دماغها (قُلة) حُبنا.. ويبقى انا اللى هديتها الأول بحمار دمها اللى هينزل يُشر من دماغها واهو تبقى احتفلت برضك

رحاب المليحي



19 comments:

Anonymous said...

Mahmoud Abdo
جامده ياحوبا

Anonymous said...

Ahmed Abd El Azem
Mont-ha eromaciya bgd

Anonymous said...

هههههههههههههههههههههههههههههههههه يا عينى على الحب
نيهال

Anonymous said...

Sarah El-Eskafy
‫قلبى اتقطع‬

Anonymous said...

Sayed El Keblawy
اكييد فيه من ده كتير يا حزونبل :)

Anonymous said...

Shahenda Salem
hehehheehhhhhhhhhhhhh , de wak3ia????

Anonymous said...

Samah Hassanien ههههههههههههههههههههههههههههههههههههههههههههههههههههههههههههههههههههههههههههههههههه
حلوة قوى

Anonymous said...

Nona El Shamy
هههههههههههه يا سلام على الحب يا سلالامممم
وبعدين همااا الرجااالة كدة مش بيحبووووو المصاريف الكتير بيحسسونااا اننا مصرفييين اووووي

Anonymous said...

Mohamed Mashaly
و اى رومانسيه رقه و نعومه تودى ف 60 داهيه

Anonymous said...

Mo'men Sa'ad
اولا حلوة كالعادة ..
ثانيا اسمها تك مشش في ركبك .. :P
هابي فلانتين يا ثنية :$

Anonymous said...

Ahmed Elsheikh
جميله يا رحاب ، ولكن فيها بعض الاحاسيس الدمويه ، المهم كل سنه وانتى وعائلتك الكريمه طيبين يا رب .

Anonymous said...

Ahmed Mamdouh
♥ باحب الحب ♥

Anonymous said...

Amr Aly
يا ترى بئا المشكلةعند الرجالة انهم مش بيطلعوا لمشاعر البنت ومش بيحسوا بيها وبيفكروا في الشغل والاكل والبيت ولا عند البنات اللي مش عارفة تنزل وتعيش الواقع وعايشة على مشاعرها واحلامها جميلة يا حوبا

Anonymous said...

Sami Ahmed
ههههههههههههه

Anonymous said...

Ramy Elalfy
اهو ده الحب ولا بلاش
حلوه ياحوبا كعادتك

Anonymous said...

Marim Esamy ايه ده؟ ايه الرومانسيه الفزيعه دى؟ :))

Unknown said...

very funny and entertaning

Anonymous said...

هو ده البيت السعيد........فلفل شطه بهارات...........اااااه ياقولوني..................

ممدوح عبد الناجى

Anonymous said...

Tamara Date
لا احنا مرتاحين ولا هما
مرتاحين