Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Wednesday, February 08, 2012

مواقف عيالية


- انا زهقانة عايزة اخرج

- وانا كمان

- طب روحى كدة قولى لمامى اننا عايزين نخرج

- مامى، مامى، مامى

- ها؟

- انا اتخنقت

- اتـــ ايه ساعدتك؟

- اتخقنت يا مامى

- ازاى يعنى؟ انتى فاهمة اساسا معنى الكلمة؟

- اتخنقت زورى وجعنى

- ولما هو وجعك بترغى كتير ليه؟

- هو احنا مش هنخرج؟

- لا ما انتى مريضة بقى ومخنوقة..

- يا مامى .......

- امشى من قداااااامى

**********

- ياللا عشان تناموا

- بس انا مش عايزة انام دلوقتى يا مامى

- بكرة عندك مدرسة ياختى وبتقرفينى عشان اصحيكى الصبح

- بس يا مامى .........

- يااااااااااااالا انتى لسه هتبس_بسيلى

- اصل انا مش مستريحة

- وايه بقى اللى مش مريح حضرتك ؟

- لما بنام مش بلاقينى مستريحة

- !!!! تصبحى ع خير

- طب ممكن انام ف سرير اختى؟

- لا مش ممكن

- اصلى مش مستريحة ف سريرى

- جررررررررررررررررر

**********

- خلصتوا اكل؟

- للللللسه

- هو احنا هنلعب! ياللا بقى خلونا نخلص

- مامى، انا عايزة اكل تانى

- مفيش وقت اخلصى عشان نلحق ننزل

- بس انا لسه جعانة، حطيلى حبة صغيرين

- يا بنتى ارحمى اهلى بقى، ياللا هنتأخر

- جعانة يا مامى بقى

- ياللا وهبقى احطلك فرخة ف ساندويتش، ااااااااخلصى

******

- اهىء، اهىء

- نعم؟ العياط المرة دى ليه؟ حكم احنا نايمين صاحيين بنعيط، يا نكدية هانم

- عاااااااا

- هتقولى في ايه؟ وللا اسيبك تخبطى راسك ف الحيط؟

- مش عايزة اروح التمرين

- ليه بقى ان شاء الله؟

- مش بحبه يا مامى

- استنى لحد اخر السنة وبعدين نقرر نكمل فيه ولا لأ

- مامى بليز ادينى فرصة

- اديكى ايه يا حيلتها؟

- فرصة ماروحش

- الا هو انتى بتجيبى الكلام الغريب المريب ده منين؟!

- ........... اهىء


رحاب المليحي

14 comments:

Anonymous said...

Masreya Gedan
هههههههههههههه

Anonymous said...

DodOo LuḈky hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh 3sssssssl

Anonymous said...

Nona El Shamy ههههههههههههههههههههههههههههههههههههههههههههههههههههههههههههههههههههههههه
عيااااااااااااال عثل عثل

Anonymous said...

Nehal Rashed Elgazar
hhhhhhhhhhhhhhh rabena y3enk ady a5rt elgwaaaaaaaaaz

Anonymous said...

Ramy Elalfy
عثثثثثثثثثثثثثثثثثل
اد ايه بكون مبسوط لما بتكتبي اللي بيعملوه معاكي
ربنا يخليهم يارب ويبارك فيهم ويحفظهم بأّذن الله

Anonymous said...

Mohamed Mashaly
كفايه بقى خلوا العيال تاخد فرصتها .ايه القمع ده كله

Anonymous said...

انا مصريه
هههههههههه ماشاء الله البنانيت كبروا وبيقولوا كلام زى الكبار وادينى فرصه ومخنوقه وبلاقينى مش مستريحه ناقص بكره تقول لك مامى جالى عريس هههههه..

Anonymous said...

Sami Ahmed
ههههههههههههه, جامدة جدآ

نيللي علي said...

مادام مش بتردي علي تعليقات الناس اللي بتهتم بيكي ويترد عليكي, أقفل التعليقات أحسن عشان المفروض تهتمي بالناس زي مابيهتموا بيكي

Hoba EL Arouba said...

ع فكرة كل الناس دى ردودها بتكون ع الفيس بوك وانا برد عليهم فعلا ع الاكونت
وبعدين اخد كلامهم كوبى هنا عشان اجمع لكل موضوع التعليقات بتاعته

ايه بقى المشكلة يا نيللى؟

Anonymous said...

ام شرسة
منى مصطفى

Anonymous said...

Sayed El Keblawy
هو انا ليه حاسس ان البنت من جاردن ستى والام من السيدة عايشة :)

Anonymous said...

Asmaa Bent Elshams ههههههههههههههههههههههههه جامده ... ما تخرجيها يا مامى وخليكى جدعه ^_^

Anonymous said...

Amr Aly
والله ياريت الواحد يعيش الواقع دا جمييييييييييييييييييييييييييييييل جدا وكوميدي