Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Friday, January 13, 2012

رجعينا صغيرين

- هو

وانا صغير كنت بحب ابص ف مراية الدنيا اللى لسه جاية

اشوفنى كبير مسئول عن البيت زى بابا
بحلق دقنى زى عمى
بسوق عربيتى زى جارنا
بشرب سجاير واخبيها تحت السرير زى اخويا الكبير
قوى زى جدو
اعرف بنات كتير زى اخويا التانى الصايع

افضل احلم واحلم واحلم
امتى الايام هتعدى بقى وابقى كبير كدة زيهم !!
امتى اقدر اعمل كل اللى نفسى فيه من غير كدة كُخ، كدة عيب !!
******

-- هى

وانا صغنانة كنت ابص ف مراية الدنيا اللى لسه جاية
اشوفنى ست البيت زى مامتى
بعمل شعرى عند الكوافير والبس كعب زى اختى العايئة
عندى موبيل مايبطلش رن زى بنت خالتى
واحب واتحب زى جارتى
البس ع الموضة.. واحط ماكيب زى خالتو
اخرج مع صحباتى لوحدنا زى اختى الكبيرة

افضل احلم واحلم واحلم
امتى الايام تعدى وابقى كبيرة وستيل كدة زيهم !!
امتى اقدر اعمل اللى نفسى فيه من غير كدة عيب، مايصحش !!

*****

-- هو وهى
-- هى وهو


كانت احلامنا صغيرة.. بس كنا شايفنها اكبر واعلى نقطة ممكن يوصل لها تفكيرنا

- شربت سجاير
- لبست كعب

ركبت عربية
- صاحبت ولاد

وبعدين؟

كبرت احلامنا وكبرنا معاها

- عايزين نشتغل
- عايزين نتجوز
- عايزين شقة
- عايزين دخلنا يكون بالالاف
- عايزين نسافر نلف العالم
- عايزين حد يحبنا بجد
- عايزين نعيش ف مستوى اعلى من مستوانا
- عايزين يبقى عندنا اطفال
- عايزين نهج من البلد
- عايزين مدير مايتحكمش فينا
- عايزين نعرف ناس ولاد ناس مش ....
.
.
.

وتستمر الأحلام
ونفضل نبص لمراية الحياة
وتكتر طلباتنا
.
.
.

ومفيش حاجة بترضينا ولا بتعجبنا
دايما الممنوع مرغوب
ودايما اللى مش ف ايدينا عايزينوا
.
.
.

نفتكر ايام زمان
ونقول يارتنا فضلنا صغيرين
كانت لعبة جديدة تفرحنا
ونكتة تضحكنا


لا فارق معانا حاجة
ولا شايلين هم لحاجة

ونرجع نبص لمرايتنا
بس المرة دى مراية الذكريات
ونقولها:

ما ترجعينا زى ما كنا

رجعينا نحلم ببكرة لكن من غير ما نعيشوا

رجعينا لقلوبنا الصافية وعقولنا الطاهرة

رجعينا صغيرين

رحاب المليحي

10 comments:

Anonymous said...

Nona El Shamy
N2ool l Zamaaaan Erga3 Ya zamaaaaaaaaaaaaan ( Sa3aat bshta2 l youm 3ishtooo w ana so3'eer )
w tb3nnnn 7elwaaaaaaaa ya 7obyy msh gded 3likyy

Anonymous said...

Sami Ahmed
مبدعة وبتقولى اللى جوانا كالعادة :)

Anonymous said...

Ahmed Al-Sabbagh
رجّعينا :)

Anonymous said...

Asmaa Bent Elshams
يخربيت كده ....
انتى مبدعه يا حوباااااا والله
الاحساس ده بيجيلى علطول افضل اقول لنفسى زمان كنت بحلم بكذا وكذا وكذا ... دلوقت نفسى ارجع لنقطة الصفر احسن بكتير من فوق العشرين زمان اجمل واطهر واحسسسسسسن

Anonymous said...

Sarah El-Eskafy
يابنتى احنا لا فى زمان ولا فى المستقبل احنا فى الاوفسايد حاجة كده مالهاش اى معنى

Anonymous said...

Mo'men Sa'ad
مقدرش أحكم دلوقتي .. انا لسه ما بين المعيلة والشباب .. :)

Anonymous said...

Ahmed Mamdouh
انا بقى متمناش ارجع صغير تاني !!

Anonymous said...

Amr Aly
واحنا صغيرين نفسنا نعبر للزمن القادم ولما نعبر بياخدنا الحنين تاني اننا نرجع اطفال بنرتبط بمكان او زمان معين يفكرنا بالجميل اللي كان في حياتنا او حتى اشخاص مجرد منشوفهم نفتكر ذكريات عالقة في مخيلتنا دلوقتي بنقول ان بكرة افضل وبكرة لما يجيي هنقول ان امبارح كان افضل

Anonymous said...

جلاكسى عندما تعشق الشيكولاتة
هكذا خلق أبن أدم !!!

واقعية ولكن لاتغير من فطرة أحلامنا شي

الاطفال نفس احلامهم
والكبار بتشيخ أحاسسيهم

الله يكون في عون المرايا

Anonymous said...

Ramy Elalfy
كلمه بسيطه لكن تغني عن اي تفكير يقلق عن بكره
الحمد لله علي كل حال
في الخير وفي الشر
احلم واحمد ربنا علي اللي انت وصلتله