Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Saturday, March 20, 2010

هى فاكرة إيه؟


فاكرة إنها قويت كدة علينا.. فاكرة إنها بكدة هتعرف تعمل اللى هى عايزاه وقت ما هى عايزة.. فاكرة إنها هتعرف تعمل راسها براسنا وانه خلاص بقى الند بالند.. فاكرة إنها هتحط راسنا فى الأرض ونقول لها أمين.. فاكرة إنها بقى ليها ضهر ومحدش هيعرف يكلمها.. فاكرة إنها كدة بتخوفنا وخلاص هنشوفها نكش.. فاكرة إنها مبقاش ليها كبير وهتعرف تكسرنا.. فاكرة إنها هتنفش ريشها علينا وكأنها ماسكة علينا ذلة.. فاكرة إنها هتحط عينها فى عينينا وتقول لنا ورونى آخركم إيه.. فاكرة إنها يوم لما ميعجبهاش الحال هتدينا على دماغنا.. فاكرة إن الآية اتقلبت وبقى الصغيرين هما اللى بيربوا الكبار دلوقتى.. فاكرة إنها هى اللى هتمسكنا من إيدنا اللى بتوجعنا وهتكسر عينينا.. فاكرة إن كدبها دة شطارة منها وده اللى هيجيبنا ورا.. فاكرة إنها بكدة بقت هى اللى فوق وإحنا اللى تحت.. فاكرة إنها بعندها ودماغها الناشفة هتتفرشلها الورود.. فاكرة إنها بنظرة عينيها الحادة الواثقة لنا بتفهمنا إنها أقوى مننا وإن هى اللى مقامها كبير..

هى فاكرة إيه؟؟؟

البنت المفعوصة اللى ماطلعتش من البيضة.. اللى كل عمرها خمس سنين أول عن آخر.. جاية فى السن الصغير دة وتفتكر ان بقالها كبير وضهر فى المدرسة.. وإن خلاص محدش هيعرف يكلمها.. وان كلمتها هى اللى هتمشى فى البيت.. ولو مش عاجبنا كلها كلمتين كدب منها للمدرسة.. يبعتوا يجيبونا علشان يحققوا معانا ويعرفوا إيه اللى وصل البنت -يا عين أمها- إنها تقول اللى هى قالته..

هى فاكرة إيه؟

آااااااه يا زمن.. اللى شقلب حالنا وخلى الصغير هو اللى بيربى الكبير مش العكس.. يعنى مش كفاية الواحد متغرب وبيدفع تمن غربته من عمره ومشاعره وكل شىء جميل جواه.. يبقى كمان ييجي اللى يزود الهم والمسئولية ويخلى الغربة كرب أكتر ما هى مش ناقصة.

قلبى فعلا موجوع

رحاب المليـــحي

21 comments:

Anonymous said...

ايه وجع القلب دة ؟ الاهتمام بالاطفال كويس اه بس برضه لازم يبقى فيه ترغيب وترهيب يعني
أحمد مختار

Anonymous said...

يا حوبا هى خيالها واسع ولاقت اللى يسمع لها و يصدقها مش اكتر بلاش تكبرى الموضوع جواكى بالمنظر ده عشان انت فى غربة زى ما قلتى و كفاية عليكى اوى تعبها :(( ادينى اتضايقت عشانك بقى عاجبك كده؟
غادة سرور

Anonymous said...

زى ماقلتى يارحاب هيا طفله عندها 5 سنين ومش مستوعبه الى بتعمله وحست انها ممكن تضغط عليكو بطريقه معينه وبيتهيالها ان ده هيخليها تعرف تاخد الى هيا عايزاه والحل انكو ماتحسسوهاش ان انتو متاثرين ولا متضايقين من انهم بيستدعوكو في المدرسه وتفهموها انها هيا الى ممكن تتضر وتروح تعيش بعيد عنكو ومع ناس مش هيحبوها زيكو ولا يخافو عليها وحسسوها ان هيا الى المفروض تخاف مش انتو وعموما ماتزعليش نفسك كده والله كل العيال كده وكله بيعدى وبكره تفتكرى كل ده وتضحكى
مريم

Anonymous said...

هدي نفسك سا رحاب كل الاطفال دلوقتي كده
Basma El Oufy

Anonymous said...

متزعليش يا رحاب هو الموضوع يخللى اى ام تتطق طبعا بس دا طبيعى جدا..بردو ابن عمتى عنده ابن صغنتت داير ع العيلة كلها يقولهم ان ايوه معذبه وبيضربه من غير سبب لما خلانا نحس ان ابوه دا من الكفار!!..والله كل الاطفال بيبقوا كدا فى السن دا يا هوبه حتى اسالى مامتك عليكى!هى يعنى البت هتجيبه من برا!:)))))
بسمة بهاء

Anonymous said...

معلش بقى يا مامى استحملى شويه :)
إيمان محمود

Anonymous said...

اصل هيا عرفت يعنى اية حقوق الانسان هههههههههه
Mostafa Ali

Anonymous said...

جميلة يارحاب
و ياترى بقى الحل هيكون ايه
مع العلم ان مش البنت المفعوصه ام 5 سنين هى بس اللى بتعمل كده
ده كل الناس كبير و صغير بيعمل كده
محمد حسن

Anonymous said...

عادى
ماهو لما يعملوا خط ساخن للاطفال يشتكى من خلاله اهله
عايزين يوصلوا للاطفال رسالة بباك يضربك اتصل بينا ناخد حقك
هوا فيه حد بيخاف على الطفل اكتر من ابوة وامة
مظنش..
على العموم
كل سنة وانتى طيبةيا ماما رحاب
محمد عبد الرازق

Anonymous said...

la 7awl wala kwata ela blaaaaaaaaahhh...2lby 3ndk ya 7bebty
Emy Moustafa

Anonymous said...

Mohamed El Bermawy
كلها ذنوب وبتخلص عالدنيا ههههههه

Anonymous said...

ههههههههههههههههههههههههههههههههههه
هاتيلي رقم تليفون بنتك علشان اقولها تقول ايه بالظبط يا ريت
أحمد عرفة

Anonymous said...

Ana 7sa b do7'an tal3 men el kalam, meskeena ya 7oba ...
Asmaa

Anonymous said...

mn nahya trbweya bhta di glta mn gowa el bit lazim syaset kod w hat m3ahom fi elsn da ya rehab..kol el atfal byb2o azkeya gedan fi el sen da...ew3i tsthini bdmagha.. 3yza 7kma w shwayet galad fi el mo3mla m3aha 3shan trg3 tani in rite track..w ew3i tfhmiha enk fhmty l3btha aw twaghiha b klam da...enty azka mn keda w syast swab w 3kab w haga mokabil haga mn ang7 el hgat fi el sen da...ask me ana..
Nouran

Anonymous said...

kol ma tetkalemy ma3aya fel mawdo3 da a2olek mesh 3arfa a2olek eh, w le7ad delwa2ty.la2en 3arfa en ay kalam mewasah malosh lazma enty me7taga 7al w lel asaf mesh 3arfa eh hoa, bas begad 7awly tetkalemy ma3 7ad mota7'ases w lazem te3rafy te3akbiha bas betari2a kwayesa
Gogo

Anonymous said...

if you allow me to say...ay kheta betbooz lama te7esy en ele odamek fehmek we 3arf enty betfakary fe eh, you have to talk to her and explain clearly that you know what she is doing, and that this will not make you or her dad love her more, what meakes you love her more and take care of her is the good deeds not the bad ones, she is trying to grab more attention, give it to her on the positive things she does and point out the negatives as well in a careful way
ah one more thing...seyaset do something and take something in return msh sa7 from my point of view, children have to learn to do the right thing msh 3shan yakhdo 7aga 2osadha laken we do the right thing cause it is the right thing to do
Gehan

Anonymous said...

bosy ya rehab ana lsa shayfa program today bytklm 3n tfker el 2wlad fe el sn dah byb2o 3ayzen ylfto nzr 2hlhom 5astn lw 3ndhom 25wat w el 7al enk t7sseha enha s7btk w enk fhmaha w t5sselha kol yom sa3a w ttklmo m3 b3d.... W rbna m3aky ya rab
Rody

Anonymous said...

اولا الجيل ده عموما اتولد ناضج بفعل بيئته اللى اتطورت كتير عن بيئتنا لما كنا أطفال
ثانيا واضح ان بنتك ذكية جدا و شخصيتها قوية .. وده مزيج مفرح جدا بس متعب فى التربية جدا جدا .. يعنى لازم توجيه ومتابعة ومن بداية السن ده .. نصيحة بجد ابتدى اقرى او خدى كورسات عن مراحل نمو الطفل وأساليب التربية و تنمية المهارات
ثالثا ... ربنا يخليهالك بجد وهاتيلها شيكولاتاية هدية منى
:))"
أحمد ابراهيم

Anonymous said...

"انا برده مش عارفه اقول ايه ...ربنا يهديهم ويهديك للطريق الصح لتربيتهم"
دينا

Anonymous said...

استاذه/رحاب .... عمر ما كان تربية الطفل بالأمر السهل او الهين ، ولكن اتفق مع حضرتك ان التربيه الان اصبحت شديدة الصعوبه ، لقوة المؤثرات الخارجيه التى تشكل شخصية ووجدان الطفل ... وعموما انا ارى ان الطفل المعتز بشخصيته مثل ابنتك ، هو طفل يبشر بالامل فى بكره ، فارجو ان تكونى سعيده بذلك ، وخير علاج لذلك هو الصبر ، مع تذكر بسمة طفلتك عندما تكون سعيده ، وكلمة ماما التى تقولها لكى ، بارك الله فيها وحفظها ورعاها ، وجعلها واختها قرة عين لكى، ولكل أسرتها ، وكل سنه وحضرتك طيبه ، بمناسبة عيد الام
أحمد الشيخ

Anonymous said...

حوبا يا حبيبتى
مش ناقصة مواعظ او نصايح من حد قبلك ، هاقولك على حل بسيط سحرى جربته مع ولادى الاربعة وبصراحة هو متعب جدا ومرهق فى الاول بس بيجيب نتايج مقبولة بعد فترة
عاملتهم كأننا اصدقاء اصحاب عيال من عمر واحد
اللى فى الاعدادية عملته له مراهقة ومشيت معاه فى سكته وبقى بيقولى كل اسراره ، نتخانق ونتنكاش بحرية ويقولى يا ايمى واقوله يا محمد بينى وبينه وقصاد الناس انا ماما
عندى برضة بنتين...
11 سنة واربع سنسن
لا تتخيلى كم الغيرة بينهما والكبيرة بتعمل عقلها بعقل الصغيرة وكمان الصغيرة بتكدب علشان تهرب من العقاب ، عملتلها صاحبتها فى كى جى وان وهات يا كلام واسترسال لغاية مااتفقنا ان الكدب حرام وربنا مش هيحبنا
.............
شوفى انا اتربيت من اول وجديد خاصة ان عندى جيلين مختلفين تماما وكل جيل وله مشاكله وتلاقينى اخر الليل ضايعة بس بجد زى اى ام ماينفعش ازعل منهم
بس اعملى عيلة فاهمة زيهم ودمتم سالمين
omaima