Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Thursday, February 11, 2010

يوميات أم مثالية 3

- يلا يا روشى علشان تروحى المدرسة.. روشى، قومى وماتعمليش نايمة

- هااااااااوم، مامى هو أنا هلبس لبس جديدة؟

- جديدة؟ اسمه جديد.. لأ هتلبسى لبس المدرسة

- لأ خلاص مش عايزة أروح المدرسة

- مفيش حاجة اسمها مش هتروحى.. يلا قومى علشان متتأخريش

- أى، بصى مامى دى بتوجعنى

- وإيه الجديد؟ مه دايما لازم يكون فى حاجة بتوجعك.. يلااااااااااااااااااا

- عااااااا إهىء، عاااااااااااااا، أنا مخاصماكى ومش هتكلم معاكى

- اتفلقى، أنا مش واحدة صاحبتك، يلا البسى

- هاااوم، مامى، أنا صحيت لوحدى

- طيب

- اعمليلى شاى وعايزة بسكويت

- هو أنا شغالة عندك، قولى بليز

- بيييييييز

- اعمليلى شاى فى المخبخ وجبيهولى برة، وافتحيلى البزيون

- جرررررررر

- يلا مامى عايزة شااااااااى، ها، اعمليلى شاااااى،هاااااااا

- حااااااااااااااااااااااااااااااااااااااضر

- وافتحيلى البزيون، عايزة توم اند جيرى

- اهو اتفضلى

- لأ مش ده.. عايزة توم اند جيرى

- مش بيجى دلوقتى، اعملك ايه يعنى!!

- عااااااا عايزة توم اند جيرى هااااا، هااااا، توم اند جيرى بقى عااااااااا

- روووووووووووشى لبستى؟

- لسه بلبس

- بقالك ساعة بتلبسى فى الكلون!!!! تعالى انا هلبسك

- لااااااااأ، هلبس لوحدى، إهىء، إهىء، هلبس لوووووحدى

- يا بنتى إرحمينى بقى وبطلى تمثيل، اتفضلى إخلصى

- حطيلى موزة فى اللانش بوكس و إممممم وتفاحة و ....

- خلاص... إيه، ما احطلك الطبق كله احسن

- مامى مش عايزة ده، هاتيلى حاجة تانية

- جومى ارحمينى مش كل دقيقة أغيرلك القناة

- هاتيلى حاااااجة تانية، حاجة تانية، هاااا، هااااا......... لأ مش ده، أيوه ده، ده

- يارب صبرررررنى، يلا يا روشى علشان تسرحى شعرك

- استننننننى، اقعد.. هقعد هنا.. لأ لأ هقعد هناك

- روووووووووووووووشى، مش هجرى وراكى.. خلصينى بقى

- مامى

- ها

- بابى هيروح الشغل؟

- آه

- هااا،هاااا

- اهههههههههههههههههههه

- مامى، بالرااااااااااااحة، شعرى بيوجعنى.. آه يا شعرى

- بلاش مرقعة علشان نخلص، كدة هنتأخر

- مامى هروح الحضانة الأسبوع اللى جاى؟ ها، مامى

- هتروحى الحضانة كمان شوية إن شاء الله

- آه، هروح الحضانة كمان شوية ان شاء الله الأسبوع اللى جاى

- كمان شوية يا جومى مش الأسبوع اللى جاي

- مامى فين الشوز بتاعى؟

- معرفش بترمى حاجتك فين.. شوفيه جوه

- خلاص لقيتها كانت مستخبية

- مستخبية؟ طيب

- مامى هروح الحضانة الأسبوع اللى جاى؟

- جووووووووووومى، إرحمينى من أسئلتك دى.......... يلاااااا يا روشى

- هى جوجو مش جاية معانا

- لأ هتقعد مع بابى

- هاتى بوسة يا أووووشى

- لأ مش عايزة

- بطلى رخامة يلا واديها بوسة

- شيلى شعرك يا أوووشى مش عارفة ابوسك........ باى مع السلامة، أنا هقفل الباب

- طراااااااااااااااااخ

ولسه ولسه :)

رحاب المليحـــــي

14 comments:

Anonymous said...

"هههههههه كلنا زيك يا حوبه ربنا معانا ويهديهم "
ايناس

Anonymous said...

انا قريت التلات اجزاء، تحفة، عنبر من مستشفى المجانين يا ناس، انا مكنتش اعرف إلي بنعمله في امهاتنا، فظيع كده :D
بس الامهات اليومين دول واعيين اهه، و بيسجلوا كل حاجة زيك علشان ، العيال لما تكبر يعرفوا تاريخهم المنيل :D:P
مصطفى على

Anonymous said...

Mohamed Abd Elrazek
دمها خفيف ولذيذة جدا

Anonymous said...

dana et3asabt men el darbaka :D
Gogo

Anonymous said...

wade7 enni lessa mashoftesh 7aga :) yalla happy mothers day ya hoba w rabbena y2adarak 3alehom w ykhalehomlek :)
Samar

Anonymous said...

فكرتيني بالذي ذهب
بجد حلوه قوي وعجبتني جدا
هبة نظمى

Anonymous said...

ya 7oba ya 7abebty da wad3 tabe3y elra3'ey elkteer w el2asla2a elly bmonasba w mn 3'er monasba w sebeny ana 7a3raf a3melha lawa7dy kol da normal
enty bs elly mesta3'raba w bala2y kaza 7ad zayek keda banat 5alty zayek keda 3ayzen el2atfala korombat:D msh bayt7arako wala bays2alo ana shayfa en da 7a2ohom 3shan homa lessa baykteshofo el3alam w lazem... See more ys2alo w mafesh odamhom 3'erk enty mamy y3ny kbera y3ni lazem tkony 3arfa kol 7aga
banotatek atfal sokar gedan w normal gedan w mosalyeen awi w law ma3amalosh keda yb2o upnormal rabena y5alehomlek ana bastamte3 bgd lama ba2ra elyawmyat bta3tek :)
Reham

Anonymous said...

انتى قمرة و الله و بنوتك الله يحفظها ، الله يعينك انا عندى عينة برضه كده بس بنت اختى
انا مستنية يوميات و لحظات و مشاكسات اخرى
الشيماء

Anonymous said...

el 7amdo lellah 2ny lsa moseltsh lel mar7ala de
Hanaa

Anonymous said...

"hahahahahaha, wallahi mana 3arfa meen beyraby meen belzabt!"
Gigi

Anonymous said...

"ربنا يعينك والله بجد انا عندى واحد بس وعنده سنه لسه وقربت اتجنن واتنقل عنبر اللاسعين"
مريم

Anonymous said...

Mashaallah ya Hoba, rabena ya7álihomlk, I think you are doing a gr8 job, I am not yet a mommy but I can understand the lovely daily mess you are having, I recommend you watch the movie "MOTHERHOOD" I downloaded from MYEGY. Happy lovers' day and happy mamma's day
Reham

Anonymous said...

لذيذة جدا يا حوبا
وكأ‘نك معى واطفالى الاربعة
اميمة

Anonymous said...

Ghada Srour
اخصائيين اسفزااااز ههههههههههههههههههههه بس سكككككككككر