Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Sunday, July 19, 2009

الأم المثالية.. الجزء الثانى

روشى.. روشى.. روشىىىىىىى

- نعم، نعم، ايه مش سامعه

- حطى الهدية دى جوه

- دى فيها ايه؟

- وأنا إيش عرفنى

- عايزه افتحها

- لأ، عيب لما الناس تمشى

- (بعد ساعة)

- مامى، مش هانفتح الهدية بقى؟

- قلت لك لما الناس تمشى

- (بعد تلات ساعات)

- اييييييييه!!!! هما بايتين هنا النهاردة ولا اييييييييييه؟!!!!!!!!

****************************************

- هى (حاب) فين يا أوشى؟؟

- اسمها مامى يا جومى

- حاب، حااااااااااااب.. انتى فين؟

- بنت، اسمى مامى رحاب

- ماشى، مامى............ حاااب

- نعم، عايزه ايه؟

- انتى اعملى ايه؟

- بعمل الأكل

- ليه؟؟ هاه... مامى... ليه؟؟؟ مامى، ده ايه؟؟ هاااااه.. ده ايه مامى؟

- ملح

- مح، ماشى

- ده ايه ده؟؟؟ هااااه... مامى ده ايه؟؟

- شطة

- شته، ماشى

- اطلعى بره يا جومى

- لأ

- برررررررررررررررررررره

- ماشى

**************************************

- مامى انا عايزه بسكويت

- طيب

- واعملي لى هوت شوكلت.. وحطيهولى على الترابيزة

- انا مش شغاله عندك.. بتقولى ايه لما بتعوزى حاجة؟

- بليز، جبيلى بسكويت.. واعملى لى هوت شوكلت.. وحطيهولى على الترابيزة

- كووووت، عايزة كوووووت، مامى كوووووووووت

- قولى بليز

- بييييييز كوووووت، كوووت مامى

- حاضرررررررر

- كووووت فى بطق بييييز

- طيب

- كوويك وكوووووت (نسكويك وبسكويت) بره بييز

- اى طلبات تانية يا جومى؟؟؟

- لأاه، أنا برة

*********************************************

- أوشى، تعملى ايه؟

- بلعب.. تلعبى معاية؟ قولى اه

- اه

- تيجى البسك الشراب؟ قولى اه

- اه

- مامى، جومى عايزانى البسها الشُراب

- مامى عايزه تسرحلك شعرك.. قولى لأ

- لأ، سرحى لاااااأ

- مامى، جومى مش عايزه تسرح شعرها.. انا هسرح، جومى مش عايزة بتقول لأ

- اااااااااااااااااااااااااه

- فى ايه يا روشى؟؟؟؟

- جومى عضتنى

- هاهاهاها.. عضت أوشى.. ضبتها (ضربتها)

- ليه يا جومى؟ كده غلط

- كده غااط ؟؟ ماشى

- قولى لروشى سورى

- سوووى أوشى سوووى

********************************************

- مامى، احط الورقة دى فى الزبالة

- حطيها

- مامى، لأأأأ انا مامى بالة.. أنا بالة

- لا انتى ولا هى.. انا اللى هاحطها

- إهىء،إهىء، بالة انا ورقة بالة

- مين اللى حط هدوم جومى فى الزبااااااااالة

- مش انا يا مامى.. اكيد انتى

- أنااااااا؟ ليه اتجننت خلاص ولا اتجننت

- انا شفتك يا مامى حاطيطى البامبرز فى الغسيل والهدوم فى الزبالة

- احمممم، انا؟؟ طيب

**************************************

- روحى البسى يا روشى

- ليه؟ هنروح فين؟

- هنووح فين مامى؟؟ هانوووح فين؟؟ هنخوووج؟؟ (هنخرج)

- اه

- مامى، انا مش عايزة البس ده

- اوووف، أمال هتلبسى ايه يا روشى؟؟؟

- هافتح الدولاب واقولك.... مممممم، عايزة البس فستان

- عايزة تان مامى تان.. تان مامى.. طلون لأ (بنطلون)

- البسوا اللى انتوا عايزينه أرفتونى

- مامى سندل لأ، شووز مامى شووز

- طيب يا جومى، حاضررر

- هاتى شاب مامى هاتى شاب (شُراب)

- روووووحى هاتيه انتى

- ماشى

- قولى حاضر

- حاضر........ ماشى

*******************************************

- أنا حولة ومورة.. أنا حولة ومورة (حلوة وأمورة)

- انتى وحشة يا جومى

- لأ أوشى أنا حولة

- لااااأ، انتى وحشة... لالالا

- أنا حلووووووووة.. عااااا

- مامى حلوة ولا وحشة؟

- مامى وحشة

- بنت، عيب كدة

- عيب يا جومى مامى حلوة

- مامى حولة!!!! ماشى

- روحى زغزغى مامى

- ماشى.......... زخزخزخ

- بس يا جومى بتعملى ايه؟

- هاااه، بزاخزاخك

- هش، انصرفى، روحى العبى مع أختك

- لأ، مش عايزة العب مع أختى مامى، مش عايزة مامى، مش عايزة

- خلااااااااااص بلاش

- ماشى

رحاب المليــــــــحي

الجزء الثالث فى مستشفى المجانين :))

9 comments:

Noha Khalil said...

هو شكل فعلا الجزء الثالث حيكون في مستشفي المجانين، ربنا يعينك يا حوبا

Hamlet said...

ربنا يكون فى عونك يا رب

جامدة

Anonymous said...

C'est la vie ya Rehab
Heba El Gohary

Anonymous said...

حلوه وعجبنى كلام جومى حاسيت انى سمعاة منها و متخيلاها , بس 1 عجباتنى أكتر
شاهندا

Anonymous said...

rbna ykon fe 3onk bgd ya rehab bs bgd lozaz ,ay na3m galy soda3 mn mogrd el 2raya ma balk 2nty feda5l el 2hdas ,bs n2ol 2eh de sont el 7ayah behlwaha w moraha,bs sada2eny lw dawarte 7atla2y 2n banatk 2gmal 7aga fe 7ayatk rbna y5alehomlk ya rab
Ana 7astana part ( 3 )
Radwa

Anonymous said...

انا عارفه ان الجنان اخرتنا او الانتحار مع الجيل ده بس سكرررررررررررررررررر
شريهان

Anonymous said...

bas part three you must change the title to be الام الضحيه
احمد شحاته

Anonymous said...

"hhhhhhhhhhhhhhhhhhhhhhhhhhhhhhhhhhhhhhh mas5ara bgad to7fa!"
Basma

Anonymous said...

" ههههههههههههه حلوة اوى بس انا شايفة ان مامى مطيعة اوى و مستسلمة
غادة