مسلمة محجبة

كانت قاعدة فى اجتماع لناس كتير متعرفش بعض.. لكن يجمعهم سبب واحد لتجمعهم وهو التدريب عشان الشغل التطوعى

وفى البريك، قعدت مع بعض السيدات من دول وجنسيات مختلفة.. كانت هى المحجبة والمسلمة الوحيدة الموجودة ف المكان.. وبرغم كدة كانت فى كامل أنقتها وثقتها بنفسها.. خصوصا انها تتحدث اللغة الانجليزية بطلاقة

بصت عليها واحدة انجليزية من فوق لتحت وقالت لها ببرود: هو انتى ليه مغطية شعرك؟ ما تصرحيه وخلاص

ردت عليها واحدة من نيجيريا باستغراب: ومين قالك انها مش مسرحة شعرها!!! هى مسلمة محجبة

الانجليزية بقرف: يعنى انتى عايزة تقنعينى ان شعرها شكله حلو؟ وانها مش مغطياه عشان مكسوفة مثلا من شكله؟

التفتت ليها السيدة المسلمة وبكل هدوء قالت لها: ع فكرة انا شعرى حلو وطويل

الانجليزية بتحدى: طب ما تقلعى اللى ع شعرك ده وتثبتيلى كلامك

المسلمة باحتقار: مفيش حاجة تجبرنى انى اثبت لك كلامى.. ومينفعش انى اقلع من الاساس

الانجليزية باهتمام: طب انتى ف البيت كمان بتقعدى مغطية نفسك كدة؟

المسلمة: لأ طبعا، فى البيت بلبس عادى طالما مفيش غير جوزى وولادى

الانجليزية: امممم، طيب معاكى صورة ليكى من غير حجاب؟!

المسلمة: اه معاية، اتفضلى

الانجليزية بانبهار: وااااااو، انتى شكلك مختلف خالص من غير الطرحة دى، وشعرك حلو فعلا

المسلمة: ياريت تكونى اقتنعتى بكلامى

رحاب المليحي