- اهلا بيكى، تشربى إيه؟
- مية سخنة
- هه؟ قصدك مية من الحنفية؟ حاضر
- نو، مية سخنة
- احم، مية يعنى مش هنختلف.. طب بعدها تشربى ساقع وللا سخن؟
- مهو انا عايزة اشرب مية سخنة
- ايه بقى هتجنينيننى ليه؟ كتاااااااكيت
- أجننك ف ايه؟ سألتينى تشربى ايه وجاوبتك
- اه بقى، ف تشربى ايه؟
- كوبية مية سخنة حضرتك
- وبعدين بقى ف الليلة البيضا اللى مش معديه دى.. طب اجيلك بعد شوية تكونى فكرتى؟
- يا ستى فى ايه؟ انا عايزة اشرب مية سخنة، لا شاى ولا قهوة.. انا مزاجى اشرب مية سخنة..
- سخنة من الحنفية السُخنة يعنى؟
- اكيد لأ يعنى
- وده من ايه بقى؟ وانتى رفيعة خلقه، عشان اقول بتسيح دهون
- لأ، انا مش بحب اشرب شاى وبزهق من النعناع ف بحب اشرب مية سخنة.. عاتى يعنى
- ياللا وفرتى.. ياريت يجيلى ضيوف امثالك كتير
******
ضيوف اخر زمن ثحيح :S
رحاب المليحي
3 comments:
راااااااااااااااااااااااااااااائع
Grêêŋ Applê
ايه ده الكلام دا حصل بجد ولا ايه هههههههههههههه انا افتكرتها معاها شاى بفتلة وهتحطه فالميه ولا حاجة .. طب وشربتها ؟؟ :))))
محمد بريك
هههههههههههههه ومالو ياخويا . موش عيب
:)
Post a Comment