سألتنى : وانت ازيك كدة؟
قلت لها: كويس
قالت لى: طب وكدة؟
قلت لها: هنهزر بقى!
قالت لى: هو الواحد ميعرفش يهزهز مع جوزو شويتين
قلت لها: لأ عندى كرشة نفس ومش ناقصك ياختى
قالت لى: يعنى اشترى واحد بالكهربا اهزهز معاه مثلا؟
قلت لها: لألألألأ، وع ايه المصاريف؟ هزرى ياختى هزرى
قالت لى: طب هات اللى عليك
قلت لها: اللى هو؟ الحديدة؟ اصل ده اللى فاضل معاية
قالت لى: هنستعبط بقى!! اطلع بمصروف البيت
قلت لها: مصروف ايه يا روح ..!!!!! انتى مش لسه مقلبانى امبارح؟
قالت لى بثقة: امبارح مش كان الجمعة؟ يعنى نهاية الاسبوع.. والنهاردة بداية اسبوع جديد، انكر بقى انكر؟
قلت لها: هاشمر وادعى عليكى ساعة فجرية.. ياااااا ظالمة
قالت لى: مااااايُحكمشى، الحق عليا عايزة اعملك ميفاجأة واجيبلك هدية الفلانطين
قلت لها: فلا .... ايه ؟ طينة تنزل ع دماغك يا بعيدة، تمحيلك ملامح وشك اللى كلها جاية حتة واحدة دى.. ويطلع ايه فلانطين ده؟
قالت لى: انت بتشتمنى؟ وانا اللى عايزة انجرك.. يقطعك يا بعيد.. فقرى من يومك
قلت لها: امشى، امشى شوفى الواد اللى بيعيط ده، امشى جاتك ماشيه ف رُكبك
قالت لى: يارب ما توعى تصرف الكام لحلوح اللى معاك يا بخيل يا جلده
جريت وراها وحلفت ما انا سايبها غير وانا مكسر ع دماغها (قُلة) حُبنا.. ويبقى انا اللى هديتها الأول بحمار دمها اللى هينزل يُشر من دماغها واهو تبقى احتفلت برضك
رحاب المليحي
19 comments:
Mahmoud Abdo
جامده ياحوبا
Ahmed Abd El Azem
Mont-ha eromaciya bgd
هههههههههههههههههههههههههههههههههه يا عينى على الحب
نيهال
Sarah El-Eskafy
قلبى اتقطع
Sayed El Keblawy
اكييد فيه من ده كتير يا حزونبل :)
Shahenda Salem
hehehheehhhhhhhhhhhhh , de wak3ia????
Samah Hassanien ههههههههههههههههههههههههههههههههههههههههههههههههههههههههههههههههههههههههههههههههههه
حلوة قوى
Nona El Shamy
هههههههههههه يا سلام على الحب يا سلالامممم
وبعدين همااا الرجااالة كدة مش بيحبووووو المصاريف الكتير بيحسسونااا اننا مصرفييين اووووي
Mohamed Mashaly
و اى رومانسيه رقه و نعومه تودى ف 60 داهيه
Mo'men Sa'ad
اولا حلوة كالعادة ..
ثانيا اسمها تك مشش في ركبك .. :P
هابي فلانتين يا ثنية :$
Ahmed Elsheikh
جميله يا رحاب ، ولكن فيها بعض الاحاسيس الدمويه ، المهم كل سنه وانتى وعائلتك الكريمه طيبين يا رب .
Ahmed Mamdouh
♥ باحب الحب ♥
Amr Aly
يا ترى بئا المشكلةعند الرجالة انهم مش بيطلعوا لمشاعر البنت ومش بيحسوا بيها وبيفكروا في الشغل والاكل والبيت ولا عند البنات اللي مش عارفة تنزل وتعيش الواقع وعايشة على مشاعرها واحلامها جميلة يا حوبا
Sami Ahmed
ههههههههههههه
Ramy Elalfy
اهو ده الحب ولا بلاش
حلوه ياحوبا كعادتك
Marim Esamy ايه ده؟ ايه الرومانسيه الفزيعه دى؟ :))
very funny and entertaning
هو ده البيت السعيد........فلفل شطه بهارات...........اااااه ياقولوني..................
ممدوح عبد الناجى
Tamara Date
لا احنا مرتاحين ولا هما
مرتاحين
Post a Comment