*يجلس الزوج فى استجمام يشرب قهوته، ويقرأ الجريدة.. تشعر الزوجة بملل بعد أن اصبحت ع المعاش.. ولا يوجد لديها ما تفعله غير (المناكفة) فى زوجها.. ف تدخل عليه وقد قررت تعكر عليه صفاء يومه..
- مفيش فلوس فى البيت.. هات فلوس
- نعم؟ هو انا مش كنت لسه مديكى مصروف البيت من اسبوع فات؟
- الدنيا بتغلى.. الأسعار بقيت نار.. اعمل ايه انا طيب؟
* يكشر الزوج عن انيابه.. يترك قهوته ويستكمل قراءة بقرف.. ولكن لم تكتفى الزوجة بتعكير مزاجه فحسب
- على فكرة انا مش لاقية مفاتيح البيت
- يعنى ايه مش لاقيها؟ ما تدورى عليها كويس
- دورت فى كل حتة.. حتى الزبالة دورت فيها.. يمكن اكون نسيتها فى باب الشقة؟؟ ويكون جه واحد اخدهم.. ويطلع علينا بليل يموتنا ويسرقنا!!!!!!
- يعنى انا اعمل ايه دلوقتى؟
- لازم تجيب نجار يغير كالون الباب.. عايزنا نموت يعنى وللا نموت!!!
- اوووووووووف
* يأتى الزوج بالنجار والكالون ويدفع من جيبه 450 جنيها لإستهتار زوجته
* تدخل بعدها الزوجة المطبخ لتجد مفاتيحها امام عيناها
******************************
- قررت الزوجة الخروج صباحا.. بحثت عن مفاتيح السيارة مرارا وتكرارا فلم تجدها.. حاولت مجددا قبل أن تضع نفسها أمام المدفع وتضطر للإتصال بزوجها فى عمله.. ولكن باءت كل محولاتها بالفشل
- الو، ازيك يا حبيبى.. انا قلت اتصل اطمن عليك.. انت كويس؟
- هاااا، خير؟؟؟ مش بطمن للمقدمات دى
- هو انت اخدت مفاتيح العربية وانت نازل؟
- اوعى تقولى انك مش لاقيهم؟
- ها؟؟ لأ خالص.. انا قلت قبل ما اتعب نفسى وادور أسألك الأول
- بيقولوا ان الموز بيقوى الذاكرة وانتى بتاكلى اتنين كيلو يوميا..
- احم، انت هاتعد عليا وللا ايه؟؟ الله واكبر
- بعدها لقيت الزوجة المفاتيح قدامها فى الشنطة.. لكن لما جت تدور العربية لقيت البطارية نايمة.. وكانت فرصتها
- حبيبى هو انت نسيت نور العربية مفتوح؟
- انا؟؟؟ لأ طبعا استحالة.. انا انسى؟ انتى بتهرجى شكلك
- امممم، امال انا ليه لقيت البطارية نايمة؟
- نايمة؟ اممممم، يبقى يمكن اكون نسيت المرة دى.. عادى يعنى ما انا بنى ادم ممكن انسى
- مش انت برضه بتاكل موز أكتر منى؟ إيه مش بيأثر ليه مع الذاكرة يا حبيبى!!!!!
***********************************
- على الغدا الزوجة حزينة والزوج منهمك فى الأكل
- أنا جالى اكتئاب من قعدة البيت
- مطلوب منى إيه يعنى؟
- عايزة العب يوجا
- الكفتة طعمها حلو
- بس لقيت ساعة اليوجا ب80 ج
- لأ كتير.. هى الطحينة خفيفة ليه؟
- روحت بقى مركز تانى بيعمل حاجات كتير منها اليوجا.. وكله ب 350ج
- طيب كويس.. عايز اشرب
- لأ مش كويس، اصله بعد الضهر وانا مش بحب اخرج بليل
- خلاص العبى ف البيت.. فين الفاكهة؟
- لأ بكسل.. بس انا روحت بقى النادى لقيت سعرهم ممتاز
- جميل قوى
- لأ مش جميل.. انا مكسوفة ابقى كبيرة كدة وسط شباب
- اصبغى شعرك وانتى تصغرى
- هتفرق يعنى؟ انا محجبة
- انا داخل انام تصبحى على خير
رحاب المليـــــحي
26 comments:
ههههههههههههه
على فكرة الراجل ده متجوز واحدة تانية و الست دى بتفكرنى بزينب فى العيال كبرت ...... هو الحل زى ما سلطان قال بالظبط
انتى جيت شهأه يا رمضان :D
يمنى طاهر
Nancy
"to7fa gmda gadn bs msh shefa ank mot7mla 3la al stat shwea"
Lamiaa Abomira
ههههههههههههههههههه
حلوة دمها خفيف
ماما
Ibn Hosny ههههههههههههههههههههههههههههههه بجد بجد الموضووع تحفة أووووي لدرجة إن أنا عااايز أعلق ومش لاقي جزء أمسكوا أعلق عليها بسبب العيلة الموز ده :P:p:P.
سلوى أبو عرب
ههههههههههههههه
إنتي ملكيييييييييش حل من الآخر
ههههههههه يخرب عقلك يا رحاب
:))
Khaled Anwar
awalan kwayes enek 3arfa enoko bte2refona bdoon da3y we asatza fel menakfa wel estefzaz, saneyan, mb2ash fi regala 3shan yrodo
Dina Tarek
"جامده كالعاده ودمها خفيف أوي"
لا حول ولا قوة الا بالله
ربنا يكون فى عونه
جامدة التنين الخفي :)
مخاتيرو
Mohamed Elsayed
كل واحد فى ناحيه وشايف الدنيا من زاويته وبس .. ! بس هى عندها كام سنه عشان تطلع معاش الاول ^_^ جميله يا حوووووباااااااااا انا لو مكان الراجل الطيب ده ازرعلها جنينة موز فى البلكونه وبردو مفيش فايده ههههههههه
Ahmad Hafez
هههههههههه والله واقع
حشاااااااااش
Muhammad Fattouh
لا انا مش مصدق الكلام ده علشان لو هى عيشا معاه كده من زمان يبقى الراجل ده المفروض مات من بدرى مفروس
Mohammed Salam
"مستهون بالستات يا خويا"
Green Apple
ربعميه وخمسين جنيه تمن كالون بااب ولا تمن الباب بحاله ههههههههههه.. والله الراجل دا غلباان وطيب ربنا يصبره علي الست دي..
Basma Abdelbaset
تحفة بجد
:D :D :D
SoŁŁŸ Emad
teftkry ana kaman hb2a keda :D
Heba Emam
gameel awy ya roro.. estelmy el regala shwaya b2a =D
Amira S. Abdel-Aziz
لذيذة قوي بس أنا عندي تعليق - هي بتتكتب "الله أكبر" مش "الله وأكبر" يا حوبا :)
Gehan Diab
nice one and realistic ya Rehab
Amr Aly
هو جااااب النجار لييييه دي كانت فرصته يسيب الللي اخد المفاتيح يطلع يموتها ويعمل معاه الواجب
جميلة يا هوبا
Silver Man Mahmoud
طب انا داخل انام
Sami Ahmed
هههههههههههه, جميلة يا حوبا
Mohamed Abd El Daym
فكرتينى يكريم عبد العزيز فى اولاد العم وهو بيقول لمنى زكى
:_ لو زنيتى على دماغه كأى زوجه مصريه اصيله هيبوس ايديك عشان تحلى عن قفاه " ههههه او يعمل زى صاحبنا ده يقضيها طنـــــــــــــــــــــاش :)
Heba Farouk
دى زوجة عسل سابتة ينااااااااام
مش قادر اقولك برافو
أصلك ماجيبتيش حاجة من برة
صحيح وصفك لتمكن الزوجة من الرخامة على جوزها كان فى منتهى الدقة
لكن مايعرف الست غير الست اللى زيها يعنى مابذلتيش مجهود فى معرفة خبايا خبرة المرأة فى التنغيص على جوزها
طبعا انتى فاهمة كويس ان كل ده مدح فى كتابتك
بس برخامة
:)
اهي دي بقي الستات اللي تقصف العمر
ربنا يجعل كلمنا خفيف عليهم
تحياتي ليكي
Post a Comment