مش هقعد افكر وارصد واحصد واقول يا ترى ايه الحلو اللى حصل لى السنة دى!! ويا ترى يا هل ترى ايه الوحش اللى حصل لى!! لإن بما إننا بنفتكر الوحش اكتر من الحلو.. ف اللى هيعلق فى دماغنا اكيد هو الوحش.. وهنتناسى الحلو حتى لو كان اكتر من الوحش.. مش عشان احنا نكدين بعد الشر علينا من فيروس النكد اللى طافح على الناس كلها ده.. لكن عشان بنخاف نفرح.. لو فرحنا النهاردة بيكون زى المُسكن المؤقت.. اهو يوم تغيير كدة ويروح لحاله.. لكن لازم ولابد تانى يوم نرجع بقى لقواعدنا.. ونغنى بكرة النكد بكرة..
بس قبل ما السنة تنتهى أحب أقول
هـ: هابى نيو يير يا شباب يا بناتيت يا حلوين
ا: اندم وازعل على حاجات بتروح غصبا عنى.. بس برضه بفهم واستوعب حاجات اكتر
ب: بحبكم كلكم.. ويارب يجعلها سنة سعيدة على الجميع.. على الأطفال قبل الكُبار.. على الشيوخ قبل الشباب
ى: ياما هنشوف وياما هنتعلم من كل لحظة وكل ثانية بتمر علينا
ن: نيو يير اتمنى إنها تكون أحسن من اللى قبلها.. أو على الأقل تبقى حلوها أكتر من مُرها
ي: يخلص يوم 31 ديسمبر ننوى ونوعد اننا هنبدأ من جديد.. ومش هانشيل حديد بس هنبقى جديد فى جديد
و: وكل آخر سنة نقعد نفكر يا ترى انجزنا ايه السنة دى؟ ويا ترى اتعلمنا منها ايه؟
ي: يعدى يوم شهر سنة.. ونرجع نبدأ من جديد ونوعد إن اللى فات مات والسنة دى بقى هتبقى غير كل سنة
ي: يارب فى 2011 كل واحد نفسه فى حاجة خير له، تتحقق له.. ومانزعلش ابدا على اللى فات من عمرنا من غير ما نحقق فيه حاجة
ر: رايحين، جايين، طالعين، نازلين.. هى دى سُنة الحياة.. بس التغيير لازم يجي من جوانا ونبقى مؤمنين بيه، وقتها هنعمل كتير
وهابى نيو يير
:)
رحاب المليـــــحي
10 comments:
Neihad Elewa
kol sana wenty tayeba ya 7obet elsenen :D:D yarab elsana di el bnoten yr7moki we yeb2o hadyeen we 7lwen we m2t2aten wnty tegy egypt wt23dy ktiiiiiiir we ana zrofy ttghyr washufek ktiiiir .bgd rbna yktblk kl 7aga 7lwa isa elsana di .i love you sooooo much ♥♥♥
حلوة اوى يا حوبا
انا متابع جيد جدا ليكى
سيد شبان
Mo'men Sa'ad
Kol Sana w'enty tayeba ya 7oba
Happy New Year
We Salemely 3la Oncle Noweel :D
Hadeel Mesbah
kol sana wenty tayeba ya rehab
Basma
"كل سنة وأنتى طيبة ويارب الجاى يبقى أحلى من اللى فات"
Green Apple
كان معكم من استاد الفيسبوك الدولى الكاتبه الاروبه اوى حوبا التى نقلت لكم هذا التحليل الدقيق لجمله هابى نيو يير .. نتمنى لكم سنه سعيده ان شاء الله وكل عام وانتم بخير..... انزل يابنى بالاعلان :)))))
Sarah
"هابى نيو تير يا مزة وربنا يبعدعنك الاكتئاب ونفضل صحاب مع بعضينا العمر كله"
Raef El Melehy
Men almarat alnadra Ely tiktiby 7aga ti3gbny men 3'ear BUT.. HNY to you too :)
Nadine Youssef
ميرسى جداااااااااااااا يا قمرايا
نوت جميله و صحبتها اجمل
و كل سنه و انتوا طيبين جميعا
Mohamed Abd El Khalek
هااابي نيو يير ، و مقااالة جمييلة جداااا حضرتك، و اتمني لحضرتك سنة سعييده .
Post a Comment