صحى (متولى) على سينفونية بيت هوفين والبيت اللى جانبه، اللى دايما بتصحيه من أحلها نومه.. وكان خلاااااااص هياخدها على حمارتة البيضا العرجة ويطير بها من سحنة مراتة و..........
- هاه؟ إيه ده؟؟ هو ده كان حلم؟؟ كويس إنى ماهلفطش فى الكلام وأنا نايم.. لحسن حرمى المصون ما هتصدق وتفتح لى محضر.. كنت بتحلم بمين؟؟ ومين أذن لك تحلم من اساسه؟ و...........
- شششش خررررررر ششششش خررررررر
- اوووووف، هو أنا مكتوب عليا كل يوم أصحى على السيمفونية العاشرة لبيت هوفين دى (شخير مراتى)؟؟.. حسبى لاتشفطينى.. ممكن أحطلك فردة الشبشب قدام بقك.. أهو تبقى مصلحة مع سحبك للأوكسجين اللى فى الأوضة تسحبيه بالمرة..
- هاااااااااوم، انت صحيت؟ ايه فى ايه؟ مالك بتبحلق فيا كدة ليه؟ شكلك ناوى تقول شكل للبيع على الصبح؟
- يافتاح يا عليم، هو أنا جيت جانبك يا حياتى!! أصلك كنتى واحشانى.. ف كنت بتفرج على الملاك وهو نايم
- ها!!!! اه، معلش ياروحى فهمتك غلط، إلا هو الدور على مين يعمل الفطار النهاردة؟
- (هو إنتى صحية كدة همك على كرشك!!!) أنا يا روح روحى من جوة.. بس ممكن تحضرى لى الحمام الأول أخد شاور وأفوق.. عشان أقدر أمخمخلك فى فطار روعة
- اووووف، (كل حاجة على دماغى.. إيه مودة حضرى الحمام دى اللى الرجالة خدوها من الأفلام الأبيض والأسود.. أنا مش فاهمة ياخواتى والله.. أهو هو ده اللى بناخده من الأفلام اللى بتبوظ عقول رجلتنا.. اوووف)... اتفضل يا حبيبى الحمام جاهز
- تسلميلى........ يح ووووووووع... اوف.. يييييييييييح... لالالالالا.. عااااااااااا
- مالك يا متولى يا حبيبى عامل زى الفرخة المسلوقة كدة ليه؟
- زى؟؟ ده أنا كان فاضل تجبيلى بصلة وتعملى عليا الشربة.. حراااااااااااااااااااام عليكى
- احم، إيه ده؟ هى المية كانت سخنة للدرجة دى!!! اوووووو، سورى يا قلبى ماخدتش بالى.. دى كانت مظبوطة وحياتك عندى.. بس اكيد فوقتك وعمرتلك الطاسة.. أنا هدخل أشيك على إيميلى واشوف صحابى على الفيس بوك لحد ما تعمل أحلى فطار يا أوحى
- ( مش فاهم ستات إيه دول؟ هو أنا يعنى عشان بحبها (إلا حد ما).. وبحاول أريحها.. يبقى خلاص بقى تسوق فيها!!! ماسمعتش المثل اللى بيقول: (إن كان حبيبك عسل.. ماتخدش الطبق وتبيعه).. الأكل جاهز يا قطتى، يا بطتى
· (وبعد ما مسحت الأطباق كلها)
- امممم، يعنى مش بطال.. ماستمختش قوى.. الأكل ماكنش معمول بمزاج.. الفول ناقص ملح.. والسوسيس مع البيض إختراع فاشل.. مفيش احسن من نفسى أنا فى الأكل
- نعم ياااااااختى؟ نعم يا حيلتها؟؟؟ ده أنا هاخد الأطباق أحطها فى المطبقية على طول.. مش محتاج إنى أغسلهم
- ياااااااااااااااااااااااي، بيئة، إيه جايباك من ورا ال COW.. أمك؟
- اشمعنى؟
- كانت بتتوحم فيك على ملاية لف!!!!
- لأ وانتى الصدقة خلفتنى ورمتنى جنب جامع.. وشمرت ودعيت عليا.. إلهى تتجوز واحدة تطلع عينيك وعين اللى يتشددلك
- امممم، خلاص خلاص، ما علينا، تسلم إيدك يا أوزتى
- (ناس ماتجيش غير ... )
- بتقول حاجة يا متولى؟
- لأ يا روحى، أنا بس مبسوط إن الأكل نال إعجاب السيادة
- إيدك على اللى فى جيبك بقى.. عايزة أنزل أعمل شوبينج
- نعم؟
- إيه ماسمعتش؟ عايزة أنزل اعمل شوبينج
- أنهى شوبينج فيهم؟
- لألأ، أوعى تفهمنى غلط.. أكل طبعا.. هو أنا بحط حاجة فى جيبى ابدا يا روحى.. مهو كله علشانك.. عشان صحتك.. عشان تتخن كدة وتربرب
- اسكتتتتى، هو انا مقولتلكيش.. أنا قررت اعمل رجيم.. أصلى حاسس إنى حامل فى توأم..
- يا رااااااااجل؟ اممممم، طيب هات برضه فلوس لزوم أكل الدايت.. تصدق ده بيكون أغلى من الأكل العادى.. ياللا بس كله يهون عشان التوأم
- حسبى الله ونعمة الوكيل.. الواحد مش بيعرف ياخد معاكى لا حق ولا باطل
- هاهاهاها، ميرسى
- أنا هلبس وانزل بقى يا حبيبى.. ياللا عشان ماتتأخرش على شغلك
- شغـــ ..... يا لهوووووووووووى الساعة بقيت 9 وانا لسه بالبيجامة، ده المدير هيعلقنى، ده أنا اللى معاية مفتاح مكتبة النهاردة.. إلهى ..............
- إنت لسه هتدعى عليا!! إخلص بقى وقوم .. ماتخنقنيش، صدعتنى، لوك لوك لوك لوك
· (بليل لما رجع الحبيب المصون من شغله متفرتك من التعب)
- انتى نمتى بدرى كدة ليه؟ الساعة لسه ماجتش 10!!!
- هاااااا، هااااااااااوم، تعبانة يا متولى تعبانة.. يعنى مصحينى عشان تسألنى نمت بدرى ليه؟ ماينفعش تأجل السؤال لبكرة؟
- مش مهم الإجابة، المهم إنى جعااااااااااااااااااان.. ماكلتش حاجة من ساعة ما نزلت الصبح
- جعان؟ لأ إحنا ماتفقناش على كدة؟ هو الغدا كان على مين النهاردة؟
- نعم ياختى؟ انتى مش عاملة اكل!!!!!!
- أصل، أصل، أنا رجعت من الشوبينج بعيد عنك رجلى متكسرة بقى مش قادرة أحطها على الارض.. روحت حاطاهم فى مية وملح.. وقلت اتسلى وأنا قاعدة.. أحط مانوكير.. بص إيه رأيك؟ بذمتك مش لونه تحفة؟ صح؟
- مانوكير؟ هو ده كان تبع شوبينج الدايت برضه؟
- دايت؟؟ ااااااه، والله انت دمك شربااااااات يا حبيبى
- آه ف إيه بقى؟ ما تردى عليا!!!!
- بص هتلاقى فى المطبخ علبة تونة.. أنا ضربت تلاتة وسيبتلك واحدة تتعشى بيها..
- تصبح على خير بقى عشان الحق الحلم من اوله
- ..............
· (اكيد متولى يإما هيجيلوه جلطة، يإما هيموت ناقص عمر.. بس ماتنكروش إنها مثالية قوى جدا فحت ردم)
رحاب المليحي
27 comments:
Nadine Youssef ههههههههههههههههههههههههههههههه
متولى دا مفترى موت ع فكره
مفيش احساس بمراتوا و ا تقدير لتعبها فى اشوبنج
رجاله اخر 2010
Basma Abdelbaset
هههههههههه قلبى هيقف من كتر الضحك
ده كويس انه لسة عايش سليم وماجالوش جلطة ولا شلل نصفى
Mo'men Sa'ad
يا عيني يا متولي
ضحكتيني يا حوبا وانا متضايق
Noran
"Mas5ara ya rika bgad helekt de7k :))))"
Hema Donia
روعه جميله جدا :))
منتى سيناريستايه زى الفل أهو ...الله ينور يا أستاذه
مازن
ههههههه
يخرب عقلك
جامدة جدا
أحمد مختار
Sarah El-eskafy
دى بتردح!!
Mohamed Metwali
دي لزيزه اوي
Mohamed Shouman
وراء كل رجل عظيم إمرأة وأمامه حقل ألغام
Muhammad Fattouh
بجد حمد لله على السلامه ايه الحجات الحلوه دى بجد والله اتبصت بقالى كتير مضحكتش كده على الصبح صباحك فل يا رحاب
Ramy Elalfy
جدا جدا بصراحه
ده كان فاضل شويه والراجل يطلع من هدومه ويقتلها زي المذيع اياه
Silver Man Mahmoud
جميلة
والاجمل انك انت اللى كاتباها
تحياتى
Amr Aly
كفاية انه اسمه متولي
بس ليه تحيزتي أكتر لمتولى وصورتيه انه مغلوب على امره وان الزوجة مفترية وبحر طلبات ؟؟؟؟
صعب ان يكون في راجل طيب اوي كدا
هبة نظمى
"هههههههه حبتها قوي"
سلوى أبو عرب
المرح في اسلوبك يدفعني للإبتسام من اول سطر يا رحاب
قلم متميز جدا و روح مختلفة للغاية
ربنا يوفقك
SoŁŁŸ
"ya 7araaaam ya metwaly :D"
El Shaymaa
"عسل يا رحاب انتى ههههههه
انت مشكلة فى كتابتك :)))"
Hossam Mallah
أحسن يا رحاب الاسلوب هايل ,,, بس موصلتش لنتيجة.. اعتقد النهاية كانت محتاجة عظة او هدف معين
Lamiaa Abomira
بجد هايل ضحكت كتير بالذات لمافلها اصل اناحامل فى تؤام وعايز اعمل رجيم
عايز احييكى على موضوع زوجه مثاليه جدا
وعايز اقولك انه فعلا اكثر من رائع
مش مجامله والله بجد
عاجبنى اوى
ربنا يوفقك دايما وتبقى متميزه فى حياتك ع طووول
اسلام
Noha Muhammad
رغم عدم اعترافى بالمثاليه _الى حد ما _و لكن هنا ضرورى ان يكون بجانبها الزوج المثالى..فيمكن ان تتمثل قمة المثالية و لو فى جانب واحد ,يشفع لكل منهم عند الاخر..فلا يجد الا الصبر و التحمل عند ورود بعض العيوب اوالاخطاء المحتملة من الطرف الاخرفي...صفح....فأنا لا استطيع ان افهم من تقول تحملته لاجل اولادى رغم انه لا يُحتمل..فو الله لو كان لا يحتمل ..فلا يكلف الله نفسا الا وسعها..فانتى تحملتى لانه بالنسبه اليك يحتمل ..او لانك ايضا لا تحتملى .فتحمل كل منكم الاخر ..و اصبح كل منكم محتمل ..بغض النظر لانى تهت ... تلك هى قمة المثالية..و هذا تعليقى على العنونا :)
هى شكلها كوميدى و ليس لها بالواقع صلة ! :)
Shahenda Salem
loooooool ......gamela gamela gedan , walahy 5aragteny mn el mood el ana feh
Basma Bahaa hhhhhhhhhhhhhhhhhhhhhhhhhhhhhhhhhhhh gamda gedddaaaaaaaaaaaaaaaaaaaaaaaaaaaaan:D:D:D
Ahmed Mamdouh
وراء كل رجل مديون امرأة :D :D :D
Sami Ahmed
هههههههههههههههههه, جامدة جدآ
Badr Moustafa
لوك لوك لوك لوك لوك
Post a Comment