Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Saturday, October 26, 2013

همسة حب

وقف قدام مرايته كتير قوى.. سرح ف ملامحه.. معرفهاش..
دقق ف تفاصيله مفهمهاش
لقى نفسه بدون ما يشعر وبصوت عالى بيسأل: انت مين؟

فاق ع صوته وسؤاله.. بص حوليه بسرعه وقلبه بيدق عشان يتأكد ان مفيش حد لا شايفه ولا سامعه..

ولما اطمن انه لوحده ف اوضته اخد نفس عميق ورجع يبص لنفسه تانى ف المرايه..
بيحاول يفهم ايه اللى حصل له، بيحاول يستوعب ازاى بقى عايش بشخصيتين

شخصيتين؟ رجع يكلم نفسه من تانى بصوت عالى.. بس المرة ده ماتنبهش ان صوته عالى كان سرحان بشكل غريب..

ماكنش حاسس انه واقف ف اوضته..
لأ، كان ف مالكوت تانى.. مالكوت محدش يعرفه غيره هو..

لكن مفاتيح ملكوته ده ماكنتش معاه هو..
معاها هى.. معاها نسخة واحدة بس من مفاتيح قلبه وعقله.. معاها كل تفاصيل حياته.. معاها شهادة ميلاده اللى نشأت يوم ما عرفها

يااااااااااااه هو انا ازاى بقيت كدة ف الوقت القصير ده؟ 
ازاى قدرت تغير شخصيتى 180 درجة ؟ دى عملت ف شهور اللى محدش قدر يعملوا عمرى كله

ده انا كنت..... وبقيت

* كنت شخصية عنيدة جدا.. محدش يقدر ولا يستجرى يمشى كلمته عليا

- بقيت معاها حنين جدا .. واللى تشاور عليه اعملهولها وانا مبسوط

* كنت اعمل اللى انا عايزه وقت ما اعوز.. محدش يقدر يقف قدامى

- بقيت باخد رايها قبل ما اعمل حاجة.. ولو لاقيتها لثانية هتزعل مابعملوش وانا راضى

* كنت بستهيف الحب والحبيبه وكلام الاغانى الرومانسى

- بقيت بحب الحب.. وبقول كلام ماكنتش اتخيل للحظة انه يطلع منى

* ماكنتش بغير ع حد.. ولا يفرق معايه الهوا

- بقيت بغير عليها منها.. مش عايز حد يبص لها ولو بطرف عينيه

ده انا بقيت عايش عشانها.. اصحها وانام ع صوتها.. ازعل وافرح بسببها.. اغير اوى لو مر بطيفها حد تانى غيرى

بتوحشنى وهى جانبى.. بتوحشنى وانا نايم..
دى بقيت ما بين بتوحشنى.. وتوحشنى.. بتوحشنى

ابتسم لنفسه ف المرايه.. اطمن انه تمام وانه عايش اسعد لحظات حياته.. مش مهم انه عايش بشخصيتين..

شخصيته الحقيقية اللى اتولد وعاش بيها طول حياته.. والشخصية اللى اتوجدت بس عشان حبيبته..

الاهم انها عارفة ان الشخصية اللى تملك مفاتيحها ده عالمها الخاص واللى محدش يعرف حاجه عنه غير هو وهى،

وف نفس الوقت عارفه شخصيته ما بين الناس.. وبتحب الشخصيتين

وقبل ما يمشى من قدام المرايه ضحك وقال: فعلا الحب يعمل المستحيل.. حقيقة علمية


رحاب المليــــــحي

10 comments:

Anonymous said...

Hëñd Êl-Shãmý
enabiiiiiiiiii el 7oob daa gamilll

Anonymous said...

ZǿǾmẫ ZǾǿmä Shŗbãtiķǻ
بلوبيف بلوبيف هيييييييييييييييييييييييح

Anonymous said...

Mohamed Ibrahim El Banna
كفارة أحوبا والنبى أتعودى بقى على كدهون

Anonymous said...

Haitham Ahmed
تسلم ايديك على الكلام
الجميل ده يا حوبا

Anonymous said...

Sami Fawzy Al-Qasim
حلوة قوى يا حوبا إستمرى وفكك من شغل الدكتور النفسانى التانى

Anonymous said...

Nermin Hussien
ana 3awza mn da ya 7ozomboooooooooooooool

tb bs es2leh ymkn leh wa7ed sa7bo

Anonymous said...

Samah Abdou
يا صباح الروقان دانا بقرها و انا مبتسمة و لسة و حاسة اني في ملكوت تاني برده .. عجبتني الكلمات اووي .. و النبي عايزين كل يوم من دة ا حوبا

Unknown said...

غسيل خزانات
شركة غسيل خزانات بالرياض
شركات تنظيف خزانات بالرياض

Unknown said...

شركة تنظيف فلل بالرياض
شركة تنظيف خزانات بالرياض
شركة تنظيف منازل بالرياض
شركة تنظيف بيارات بالرياض

Unknown said...

https://decor-ksa.com/
http://mchaabaty.com/stone/
http://mchaabaty.com/heritage/
http://mchaabaty.com/gypsum/
http://mchaabaty.com/fire/