Pages

About me

31 Years old Egyptian Living in London since 2004 with my husband and my two daughters..Member editor for the Egyptian magazine (Kelmetna)since 1999.... Finally, I have my own space to share with my readers :) SIMPLE WORDS 4 EASY LIFE

Wednesday, September 26, 2012

بنتى بيبى سيتر


-         ترن ترن تررررررررن

-         مامى، مااااااااامى

-         هاااااااااا عايزة ايه؟ مش شايفانى نايمة ؟

-         طنط شيرين صاحبتك ع التليفون عايزة تكلمك.. اقولها نايمة؟

-         ع حسب هى عايزة ايه!

-         بتقول انها عايزة تسيب نونو بنتها ساعتين عندنا عشان هتعمل شوبينج

-         خخخخخخخخ

-         مامى؟

-         انا نمت خلاص 

-         الو، مامى بتقولك اوك هاتيها.. انا هقعد معاها عشان انا بحبها قوى

-         جررررررررررررررررررر، هو انا قلت لك تقوليلها كدة يا مفعوصة انتى؟ وبعدين الكدب حرام

-         يعنى يا مامى كنت اقولها انك نايمة مثلا ؟ ها؟

************
-         مامى نونو جت اهو مع مامتها.. انا هفتحلهم الباب

-         حوبا حبيبتى، امووووه.. انا مقدرة طبعا انك مش بتطيقى الاطفال وكفاية عليكى عيالك.. بصى هما ساعتين زمن مش اكتر.. يعنى بالكتير 3 ، 4 ساعات وهكون قدامك.. اهم حاجة اوعى ترمى البنت من الشباك.. ماشى؟ سلام.. امووووووه

-         انتى يا بت؟ استنى، خدى، انتى يا ولية!!!!!!!!!!!!!

-         بتندهى ع مين يا مامى؟ طنط شيرين مشيت خلاص

-         طيب يا روشى خدى نونو تلعب معاكوا ف الاوضة

-         نونو حسبى، لا لا دى هتتكسر، نووووو يا نونو نووووووو

-         رووووووشى عارفة لو نونو بتاعتك دى كسرت حاجة، هضربك انتى

-         يا مامى انا مالى؟ ما انا ماشية وراها اهو

طاااااااااااااااااااااااااااااخ

-         قلبى؟ غوررررررررررررررى شوفى ايه اللى وووووووووووقع؟

-         دى كوبية اللبن بتاعتى نونو وقعتها ع الارض

-         :@@@@@@@@@@@@

**********
-         مامى انا تعبت بقى من الصبح ماشية ورا نونو

-         ما هى ما شاء الله عليها مابتفصلش شحن.. مش انتى بتحبيها؟ اشربى بقى

-         طيب كلمى مامتها شوفيها فين؟

-         كلمتها ياختى مابتردش بنت الللللللل...........

-         ايففففففففى، شكلها كدة يا مامى عملت ايفى

-         غيرلها

-         مامى ع فكرة، دى صاحبتك ودى بنتها.. وانا لسه صغنونة تشيلينى الهم من دلوقتى

-         احم، شوفيلى البامبرز بتاعها فين.. قووووومى ياللا

*************
-         مامى هو فات قد ايه من الساعتين اللى طنط شيرين قالت هتعمل فيهم شوبينج؟

-         خمسة بس يا حبيبتى

-         انا تعبت بقى يا مامى، ولعبت معاها كتير.. وهى خلاص زهقت وعمالة تعيط

-         خديها بقى ف حضنك ونايميها

-         مش راضية تنام برضه بتعيط

-         انا اتخيلت بحاجة من شوية بتتحرك ف الغسالة، ده كان ايه؟

-         نونو كانت جوه وانا طلعتها

-         والله؟ وبالنسبة انى عاملاه ادور على طرحتى البيضا مش لاقيها

-         ......

-         ماتنطقى

-         رميتها من الشباك

-         مين؟ نونو؟ رائع، اسمعك تانى تقولى انا بحبها وعايزها تيجى تقعد معانا.. هرميكى انتى شخصيا من الشباك.. يوووووووووه انا صددددعت من ززززززنها

-         هعمل ايه بقى يا مامى! خلاص ماليش دعوة انا تعبت بقى

-         حطيها ف كرسيها ودخليها المطبخ واقفلى عليها باب المطبخ

-         هه؟ 

-         اسمعى الكلام هتجعرلها شوية وتنام

-         هيييييييييه جرس الباب بيضرب اهو يا مامى.. الحمدلله اكيد مامتها

-         مامتها: ايه ده هو انتوا كنتوا بتعذبوها وللا ايه؟ دى البنت بتتشحتف

-         ايه ده شيرى؟ اووووه ماشفتكيش من زمان.. فينك يا شيخة؟ ليكى وحشة وليكى بنت برضه وللا نسيتى؟

-         هه؟ معلش بقى اتليهت ف الشوبينج.. وانتى عارفة ساعة الحظ مابتتعوضش.. وقلت اكيد انتوا كمان مبسوطين مع بنتى .. حكم انا عارفة انها نسمة، وعارفة ان بنتك بتحبها ومش هتزهق منها

-         كنت

-         بتقولى حاجة يا روشى؟

-         لا يا طنط، انا بقول انى كنت عايزة انام ونونو طيرت النوم من عينى من كتر ما هى نسمة ومسلية

-         بنتى بقيت منافقة ف 5 ساعات حسبى الله ونعم الوكيل.. بصى يا حياتشى خدى بنتك وياللا من هنا

-         ايه ده يا حوبا؟ بتتطردينا؟ ده انا قلت اجى اكل معاكوا لقمة لحسن واقعة من الجوع.

-         روشى اقفلى الباب وراها وياللا عشان ننام يا بنتى..


رحاب المليحي

13 comments:

Anonymous said...

Nermin Hussien هههههههههههههههههههههههههههههههههههههههههههه والله انتو مسخره

Anonymous said...

Mohamed Ibrahim El Banna
تستاهلى على فكره انا فرحان فيكى هههههههههههههههههه دى نسمه

Anonymous said...

Nehal Rashed
توقعى ده لو حصل فعلا ده تبقى فقعت مراره ,, بتحصل معايا بقى بس اخواتى مش صحابى :-@
بس حوه اوى

Anonymous said...

Marwa El Etriby هههههههههههههههههههههههههههه أأحيه ع كده

Anonymous said...

Ramy Elalfy
انا عن نفسي مش بفتح الباب لما يكون جايلنا حد كده
بس عموما تستاهلي عشان تحرمي تخلي البنات يردوا ع التليفون

Anonymous said...

Heba Farouk
ههههههههههههههههههه عسل ههههههههههههه

Anonymous said...

Mo'men Sa'ad
:D :D :D ...وانا عاملة نفسي نايمة وانا عاملة نفسي نايمة :))

Anonymous said...

Masreya Gedan
هههههههههههههههه مين يعمل منشن لطنط دى هنا :))

Anonymous said...

C'est la Vie ههههههههههههههههههههههههه يخرب بيت كده بس العيال عسلات برضه لامفر

Anonymous said...

Mostafa Salama
هههههههههه طول عمرك صاحبة واجب مع أصدقائك :) :)

Anonymous said...

Diensore Human
تحفة

Anonymous said...

Eboo Adel
hhhhhhhhhhhhh to7faaaa

IKHLAAS said...

تحفه يا حوبا